1 Timoo̱ 6:17 - Xo̱jo̱n eén Néná

¹⁷ Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

1 Timoo̱ 6:17 ပူးပေါင်းရင်းမြစ်များ

Jenesii̱s 13:2

Kui ni̱xtjin jàn Abra̱n achichí jè cho̱n, ngatꞌa̱ kisꞌiee̱ to̱nsinié ko̱jo to̱ntiboa ko̱jo kjín to̱ko̱ya cho̱.

Xo̱jo̱n Salmoo̱ 104:28

Ji boeꞌée̱, kó kui kjíbé, chjéxꞌé jí ndse̱, kó ni xi nda ngasee̱ xi kjinie kui.

Xo̱jo̱n Salmoo̱ 52:7

«¡Tsitsíjenjnúu̱ kꞌi̱e̱e̱ kui nda̱ xi jmí tsi Néná tsangase nga tsja̱angaꞌniuú! ¡Ta̱sá kjo̱a̱cho̱n tsiee̱ xi kamáꞌniátakón, kó ꞌniú ngase kamá nga katsꞌén ni xi ndajín!»

Xo̱jo̱n Salmoo̱ 62:10

Ngata̱ ki̱a̱jín maꞌniátakónjnú ni xi ꞌniú ndajiín, ti̱nde ngata̱ ꞌbejínjnú kjo̱a̱chiyá kjo̱a̱a̱ kjo̱a̱chejeé, ndatsi ka̱matsie ngase kjo̱a̱cho̱njnú, nga ki̱a̱jín ꞌbíjñajnú ini̱ma̱jnú.

Xo̱jo̱n Salmoo̱ 62:8

Jún xota̱ na̱xi̱ńdá, ¡ngatsjéni̱xtjin ngatama ꞌniátakónjnú Néná! Tꞌíyájnú ngindyi̱ko̱n kui ngayeje ni xi tjíjin ini̱ma̱jnú. ¡Néná boá xi kónná!

Énkjínkón 11:28

Xota̱ xi kjo̱a̱cho̱o̱n maꞌniátakón, ku̱i̱xo̱ xikoó xka̱ kixií ngo yá, ta̱nga xota̱ xi kixi̱i̱, xtjóntsꞌién nginí xikoó tjiaa̱ ngo yá.

Énkjínkón 23:5

A jè kamáyè ji tsi tjín kjo̱a̱cho̱n. Jmí jmíjín. Ngatꞌa̱ xikónií tsi nga̱a̱ ja̱ fotjoo̱, sꞌe̱ fítji̱e̱n nga chaja nkꞌa jàn.

Énkjínkón 27:24

ngatꞌa̱ kjo̱a̱cho̱o̱n jmí tsi ngatsjéni̱xtjin nga sꞌijña, ti̱nde jmí tsi ngatsjéni̱xtjin nga ko̱tíxoma ngo nda̱ re,

Énkjínkón 30:9

Ngatꞌa̱ tsita̱ ngije tsie ni tjínna, ngiti̱ skuiéjaán jí, kósꞌe̱ bi̱ xián án: “ꞌYání bo̱a̱ xi Néná”. Ko̱jo tsi ni̱ma̱ ka̱ma an, sꞌe̱ ta̱sá sa̱ꞌinchejé án, kósꞌe̱ ngaskande ji chꞌo xiaán ngijee̱.

Eklesiastee̱ 2:24

Jmíjín ingo ni xi nda ngase, nga xota̱ nga̱sondiee̱ skji̱ni̱e̱ ko̱jo kꞌuí, ko̱jo nga tsja ka̱maa̱ nga kꞌuijñá nga̱sondie kjo̱a̱a̱ xaá. Kó jè kamábe an nga kui nii̱, ngi̱ya tsja Néná ndibání.

Matioo̱ 12:32

Kó ta̱ ꞌyání xi chꞌo ka̱tso̱o̱ ndií nda̱ xi̱ꞌii̱n, si̱ꞌanjetakoón, ta̱nga xi chꞌo ka̱tso̱ kondra̱a̱ A̱si̱énni̱xtjii̱n Néná si̱ꞌanjetakónjiín, ti̱nde kui nga̱sondiee̱ xi̱ꞌbi̱, ti̱nde nga̱sondie xi sꞌe̱ ndibaá.

Matioo̱ 19:23

Kósꞌe̱ Kjisoo̱, bi̱ katsoó xota̱ tsi̱ꞌe̱: –Ja̱koxi̱ ni xi xian an nga achichí niꞌin kjiꞌi nga ngo nda̱ cho̱n kꞌo̱sꞌien ndiꞌakꞌajmi nínga botíxomaa̱ Néná.

Matioo̱ 25:16

Kó nda̱ xi katseꞌeé ún to̱n talentoo̱ kijí kó katsꞌénxájo̱, kó ngi ún katsꞌén ngase,

Matioo̱ 27:57

Kó nga kamángixoón, jachó ngo nda̱ cho̱n xi chji̱a̱ni na̱xi̱ńdáꞌniú Arimatea̱ xi ꞌmí Kosie̱, xi ti̱ xota̱ tsi̱ꞌe̱ Kjisoo̱ kamá nga,

Matioo̱ 6:32

Ngatꞌa̱ ngayeje kui nii̱ xi mongase xota̱ xi jundío̱jín, ta̱nga jún tikónjnú ngo Na̱ꞌmi xi tikón ndiꞌakꞌajmi jàn xí je be mí ni xi chjiénjnú.

Markoo̱ 10:24

Kó xota̱ tsi̱ꞌe̱ Kjisoo̱ achichí kijíndikoón kui én xí tsíchji̱a̱, ta̱nga Kjisoo̱, ti̱ bi̱ ti̱ katsó nginií: –Jún bo̱a̱ ndí, ¡achichí niꞌin kjiꞌi nga kꞌo̱sꞌien nínga botíxomaa̱ Néná kuí xota̱ xi kjimaꞌniátakón kjo̱a̱cho̱o̱n!

Rkaa̱ 19:2

Ki̱a̱ kisꞌijña ngo nda̱ cho̱n xi ꞌmí Sakeo̱, kó ngito̱ko̱o̱ já xí foaꞌáꞌyá to̱n xi machjítjé ni kamá kui nda̱a̱,

Rkaa̱ 3:11

Kó bi̱ katsó Juaa̱: –Xi jó chi̱nga tjiín, ngo nga tsjaá xi jmíjiín, kó xi tjiín nichinie, nga tsjaá xi jmíjiín nga.

Ni xi kamá 14:17

ndatsi ngatsjéni̱xtjin akoó xotaa̱ kjo̱a̱nda xi tsꞌén, tsi̱ꞌe̱ nga xcha̱ ꞌyání xi kui, ngatꞌa̱ kuí xí tsangiyàjnú stseé, tsi̱ꞌe̱ nga nda ka̱maxchá ni xi ꞌbítji̱e̱jnú, kó kuí xí tsja̱ajnú nga nda xi̱ni̱e̱ nga nda sꞌi̱o̱jnú, ko̱jo nga kꞌuieé kjo̱a̱tsja ini̱ma̱jnú.

Ni xi kamá 14:27

Kó ngije jachó na̱xi̱ńdáꞌniú Antiokiya̱, ítikó xota̱ na̱ngo̱xi̱i̱, kó íni̱jmi̱ì ngayeje ni xi katsꞌén Néná ngi̱ya tsja kui jaá, ko̱jo nga Néná boá xi katsꞌén nga xota̱ xi jundío̱jiín je sꞌi̱jii̱n Kjisoo̱ nga.

Ni xi kamá 17:25

ti̱nde tsja xotaa̱ chjiénjiín nga sa̱ꞌínseén, xikoó tsi ngo ni chjieén, ngatꞌa̱ kuí xí Néná xi tsjáná ngayeje kjo̱a̱mindyion, ko̱jo tjo̱ xi ndyi̱jnájén, ko̱jo ngayeje nii̱.

Xota̱ Roma̱ 11:20

¡Ndakjiꞌi! Kui tjiaa̱ yaá kiti, ngatꞌa̱ kisꞌijinjiín Néná, ta̱nga ji ta̱kó ki̱a̱ tindyin ji kjo̱a̱a̱ kjo̱a̱sꞌijìi̱n. Kó kuíni nga ka̱májín je ko̱ꞌna̱xié ji yojòo̱, ta̱sá chjiéngá ti̱nda̱kin jí Néná.

Xota̱ Éfeso̱ 5:5

Ngatꞌa̱ chjiéngá xcha̱jnú kui nii̱: Nga ja̱koxi̱ boá nga kui xota̱ xi ndyi̱tsꞌèn kjo̱a̱tondo̱, ko̱jo xi ni xi ndándí ndyi̱tsꞌèn, ko̱jo xi xki̱ꞌá xi tjimátji̱ngi kje̱ꞌe ne xi Nénájín, nga ngayeje kui xotaa̱ sa̱kójiín nga Kristoo̱ ko̱jo nga Néná xí ko̱tíxomaa̱.

Ndeuteronomio̱ 8:17

Tsi xchi̱yàjnú kui nii̱, si̱ꞌankjóra̱jnú nga ta̱ngatꞌanii̱ ngaꞌniújnú nga tjínjnú ngayeje ni xi tjínjnú, ko̱jo ni xi je kasakojnú.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

1 Timoo̱ 1:3

Kjiꞌanga kijí an nangi Masendonia̱, ꞌniú tsíꞌaá tsi̱ꞌe̱ nga ki̱a̱ ku̱i̱ndyin ji na̱xi̱ńdáꞌniú Éfeso̱, kó ti̱ kuíꞌá ngiñaá tsi̱ꞌe̱ nga kꞌuíchjée̱ xota̱ xi kje̱ꞌe ni xi ndyi̱bokoyá,

1 Timoo̱ 3:15

kó tsi kꞌo̱ndíyána, mejénna nga xchi̱e̱ ji kótsꞌèn ꞌbíndo xota̱ xi tsi̱ꞌe̱ Néná, kuí boá kui xotaa̱ xi na̱ngo̱xi̱i̱ Néná xi tikoón. Xota̱ na̱ngo̱xi̱i̱ kuí boá xi kjininkꞌá, ko̱jo xi tsja ngaꞌniuú én xí ja̱koxi̱i̱.

1 Timoo̱ 4:10

Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

1 Timoo̱ 5:21

Ngindyi̱ko̱n Néná ko̱jo ngindyi̱ko̱n Ndi̱a̱ná Jesukristoo̱ ko̱jo ndítsjie xi jaꞌájin, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán, nga ta̱ són si̱ꞌinje̱ ji xotaa̱, kó nga jmíjín xi chje̱ꞌéjin ji.

1 Timoo̱ 6:13

Be Néná kui xi katsjaá kjo̱a̱mindyion ngayeje ni xi tjiín, kó ti̱ be Jesukristo̱ xi katsóyà ꞌyání kui, kjiꞌanga akatíjeé ngindyi̱ko̱n Ponsio Pilatoo̱, nga an tsꞌénbotixomaa̱ ji kui nii̱,

1 Timoo̱ 6:9

Ngatꞌa̱ kui xota̱ xi mejeén nga ka̱ma cho̱o̱n, tsꞌenseén ni xi ꞌboṉcha̱jo, ngatꞌa̱ ta̱ chiboa ma mejénrií ni xi jmí ni chjíjiín ko̱jo ni xi ndajíntsꞌeén, kó kui nii̱ xi tsꞌenkjié ko̱jo xi tsꞌénchájá kui xotaa̱.

2 Timoo̱ 4:10

ngatꞌa̱ Ndemaa̱, tjó ngase kamaá nii̱ kui nga̱sondiee̱, kó jè íjñámasienna nga kijí na̱xi̱ńdáꞌniú Tesalónika̱. Kresentee̱ je kijí nangi Ngalasia̱, kó Titoo̱ nangi Ndalmasia̱ kijí.

Titoo̱ 2:12

nga tsꞌén bokoyáná nga ngiti̱ si̱ꞌánjín ñá ni xi ndajín, ko̱jo ni nga̱sondie xi mejeén ini̱ma̱ná, ko̱jo nga nda si̱ꞌankjíi̱n takón ni xi si̱ꞌán, ko̱jo nga kixi̱ si̱ꞌán, ko̱jo nga xcha̱ndikón Néná, tji̱e̱nga tindyión kuí nga̱sondiee̱.

Titoo̱ 3:6

Néná achichí tsie A̱si̱énni̱xtjii̱n íjñajinná ngatꞌaa̱ kui Jesukristo̱ xi tsꞌaxiéꞌáná.

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.