1 Timoo̱ 5:5 - Xo̱jo̱n eén Néná

⁵ Kui xota̱chjo̱on kꞌán xi ja̱koxi̱ nga je kꞌien xi̱ꞌii̱n xi jmíjín xi tjiín, ko̱jo xi je kisꞌijña soboaá, Néná koyaa̱ nga ko̱síko̱jo, kó ngatsjéni̱xtjin chji̱a̱a̱ Néná nga ni̱xtjin ko̱jo ni̱xtji̱e̱n nga míꞌaá ni xi chjieén.

1 Timoo̱ 5:5 ပူးပေါင်းရင်းမြစ်များ

Xo̱jo̱n Salmoo̱ 91:4

Tsja̱nga̱a̱ ko̱óꞌmánii̱, kó ngindie nga̱a̱ ka̱ma ku̱i̱ndyin ji, kjo̱a̱kixi̱i̱ kui, xikónií ngo ni xi ꞌbíchjaá ni xi ndajiín xi skoón jí.

Kjo̱a̱chaꞌaá 1:13

Ndeskande nkꞌa jàn katsangiyana ngo ndiꞌí xí ngaskande ńdana jachótꞌaa̱. Ngo chja̱ya̱ íjñá ndi̱yàna, kó kijíꞌoyá ngiñá an. Jè íjñámasien kjin kjinna, kó jmíni̱xtjin kjife kjo̱a̱ni̱ma̱ xi tsꞌénfoaꞌatio an.

Rkaa̱ 18:1

Kjisoo̱ íni̱jmi̱ì kui énkjiín xotaa̱, kjo̱a̱a̱ nga chjiéngá ku̱i̱chji̱a̱a̱ Néná ngatsjéni̱xtjin, kó nga ko̱yayàjín,

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Rkaa̱ 2:37

kó jè ichítié ko̱jo kantié nijón nó tjiín, kó ngatsjéni̱xtjin nga ki̱a̱ kisꞌijña ngi̱ya na̱ngo̱xi̱i̱, nga katsꞌén xaá Néná, nga ni̱xtjin ko̱jo nga ni̱xtji̱e̱n nga katsꞌénkjindiá, ko̱jo nga tsíchji̱a̱a̱ Néná.

Ni xi kamá 26:7

kó nga tiejó tji̱e̱e̱ xota̱ xi chji̱a̱ni Israee̱l ndyi̱koya nga Néná sa̱ꞌínkjatjosón kui nii̱, kó kuíni nga ndyi̱bendikón Néná, kó ndyi̱tsꞌènseén Néná nga ni̱xtjin ko̱jo nga ni̱xtji̱e̱n. Ta̱ngatꞌanii̱ kui kjo̱a̱chiyaá, ji nda̱ re Angripa̱, nga xota̱ jundíoo̱ ndyi̱bongítaꞌinna ngotꞌe̱.

Ni xi kamá 6:1

Kui ni̱xtjin jàn, ngije kamákjín xota̱ xi sꞌijii̱n Kjisoo̱, xota̱ ngriengoo̱ atíjétáꞌín xota̱ ebreoo̱, nga bo̱a̱ katsó nga ndajín tsꞌén kjimasee̱n ínchjín kꞌán xi je jesón xi̱ꞌii̱n xi ngriengo̱, nga tjíniꞌánkabisoón ni xi skji̱ni̱e̱ ndyiojón ndyiojón.

Ni xi kamá 9:39

Kó Peé tji̱e̱nmá kijíjo̱ kui jaá, kó ngije jachó, tsangínjo̱ ki̱a̱ ndí ngi̱yaꞌma nínga kjiꞌijñakꞌien na̱ Ndorkaa̱, kó ngayeje ínchjín kꞌán xi je kꞌien xi̱ꞌii̱n askjandá nga jaꞌatjiyajoo̱n Peé, kó akoó ngayeje xtjí ko̱jo ńjñondio xi katsꞌénda na̱ Ndorkaa̱ nga kisꞌijña nga̱sondie.

Ni xi kamá 9:41

Kó Peé tji̱e̱nmá iskjíbé tsja na̱ Ndorkaa̱ nga katsꞌénkjastjíe̱n, sꞌe̱ tsíchji̱a̱a̱ xota̱ xi sꞌijii̱n Kjisoo̱, ko̱jo ínchjín kꞌaán, kó akó na̱ Ndorkaa̱ nga je jaꞌáꞌyaá.

Xota̱ Roma̱ 1:12

Mejénna nga ja̱kꞌi̱e̱ ja̱ngaján ko̱e̱ꞌéngaꞌniúu̱ xingi̱ xikótsꞌèn sꞌijinná.

Xota̱ Roma̱ 1:5

Ta̱ngatꞌaa̱ Jesukristoo̱ nga Néná katsjána kjo̱a̱ndaa̱, ko̱jo nga apostroo̱ kamá an, kó katsangiyana tsi̱ꞌe̱ nga ta̱jñàní kꞌuini̱jmìi̱ xotaa̱, tsi̱ꞌe̱ nga sꞌi̱jii̱n ko̱jo ku̱i̱ntꞌiéꞌeén Ndi̱a̱ná.

1 Xota̱ Korinto̱ 7:32

Mejénna nga nda̱jín ka̱majnú. Kui nda̱ xi tikón xo̱ngò kꞌaán, nda̱ ngatamaa̱ ni xi tsi̱ꞌe̱ Ndi̱a̱ná, kó nga tsꞌén ni xi tsja ka̱maa̱ Ndi̱a̱ná.

1 Xota̱ Korinto̱ 7:34

Kó bo̱a̱ tsꞌén nga nga joó nga nda̱ kjimaa̱. Kó kui na̱ xi tikón xo̱ngò kꞌaán, ko̱jo na̱ xi kji̱e̱ bixanjiín, nda̱ kjimaa̱ nii̱ Ndi̱a̱ná, kó nda̱ kjimaa̱ xikótsꞌèn tsjie sa̱ꞌínkꞌasꞌiee̱n Néná yojoo̱, ko̱jo ini̱ma̱a̱, ta̱nga kui chjo̱on xí jè tjiín xi̱ꞌii̱n, nda̱ kjimaa̱ nii̱ kui nga̱sondiee̱, ko̱jo tsꞌén ni xi tsja maa̱ xi̱ꞌii̱n.

Xota̱ Éfeso̱ 6:18

Ngatsjéni̱xtjin ndókjo̱a̱jnúu̱ Néná, kó te̱ꞌéndièjnúu̱ nga A̱si̱énni̱xtjii̱n xi ko̱síko̱jójnú nga ko̱ndókjo̱a̱jnú, ti̱ndyiondajnú kó ngata̱ niꞌánkjiejínjnú takónjnú, kó chji̱a̱ꞌatjejnú ngayeje xota̱ tsjiee̱ Néná.

Xota̱ Filipo̱ 4:6

Ngata̱ jmíjín ni xi nda̱ ngatamajnú, ta̱sá ngayeje ni xi machjiénjnú tꞌíyájnúu̱ Néná nga ko̱ndókjo̱a̱jnúu̱. Chji̱a̱ꞌajnúu̱, kó ti̱ bo̱a̱ ti̱ tsꞌén te̱ꞌéjnúu̱ ndokꞌóchjì kjo̱a̱a̱ ni xi tsꞌéntsjájnú.

1 Timoo̱ 2:1

Tjón má kui nii̱ míꞌáa̱ xota̱ na̱ngo̱xi̱i̱: Ndókjo̱a̱jnúu̱ Néná nganda tsi̱ꞌe̱ ngayeje xotaa̱, te̱ꞌéjnúu̱ ndokꞌóchjì kjo̱a̱a̱ ngayeje xotaa̱, kó chji̱a̱ꞌajnúu̱ tsi̱ꞌe̱ nga tsja̱ajnú kjo̱a̱ndaa̱, ko̱jo nga ko̱síko̱jójnú Néná.

1 Timoo̱ 5:16

Tsi tjín xota̱ xi sꞌijii̱n Néná xi tjiín ínchjín kꞌán ndiꞌaa̱, ngatasikójo, tsi̱ꞌe̱ nga kuijín xota̱ na̱ngo̱xi̱i̱ sa̱ꞌín eé, ki̱a̱ ka̱maa̱ nga xota̱ na̱ngo̱xi̱i̱ ka̱maa̱ ko̱síko̱jo kje̱ꞌe ínchjín kꞌán xi je kꞌien xi̱ꞌii̱n xi ja̱koxi̱ nga jmíjín xi tjiín.

1 Timoo̱ 5:3

Tasíke̱je ji ínchjín kꞌán xi je kꞌien xi̱ꞌii̱n xi ja̱koxi̱ nga jmí nijiín.

2 Timoo̱ 1:3

Tsjàa̱ ndokꞌóchjì Néná nga nda tjítsꞌénjoo̱, kó nga foaꞌátsjienna ji ngatsjéni̱xtjin chjiáa̱ Néná nga ni̱xtjin ko̱jo nga ni̱xtji̱e̱n. Tsjie tikón kjo̱a̱kjíntakónna nga tsꞌén an xaá Néná, xikó katsꞌén xota̱ xi xchána.

1 Xo̱jo̱o̱n Peé 3:5

Ngatꞌa̱ bi̱ tsꞌén yínda yojoo̱ kui ínchjín tsjie xi askoyaá Néná ni̱xtjin xcháján, nga kamábendikón xi̱ꞌii̱n,

Na̱ Ruu̱t 2:12

¡Néná nga tꞌíchjií ngayeje ni nda xi kiniꞌín ji! ¡ꞌNiú nda ngatsꞌénjoo̱ kui Néná xí tsi̱ꞌe̱ na̱xi̱ńdá Israee̱l, kui xi timindyisé ji nga skoón!