1 Timoo̱ 5:22 - Xo̱jo̱n eén Néná

²² Ngata̱ ta̱xkiya boeꞌéxéjíi̱n ngo nda̱ nga kꞌuíjñisée̱n ndse̱, ngatꞌa̱ tsi ta̱, ta̱ chiboa ko̱e̱ꞌéxée̱ ko̱jo ji nijan si̱ꞌinjéje̱. Tsjietsꞌén tindyin kjo̱a̱a̱ ngayeje ni xi ndajiín.

1 Timoo̱ 5:22 ပူးပေါင်းရင်းမြစ်များ

Xo̱jo̱n Salmoo̱ 50:18

Nga tsi ye ji ngo xota̱ xi chejé, miyí má ji nga ki̱a̱ ꞌmitji̱ngíi̱, ko̱jo nga xota̱ xi ndyi̱tsꞌèntꞌaa̱ kjo̱a̱ xkjín, ki̱a̱ niꞌínkamaje̱ ji.

Ni xi kamá 13:3

Kósꞌe̱ ngije tsíchji̱a̱a̱ Néná, ko̱jo ngije jaꞌa nga kisꞌińdo kjindiá, ngayeje kui xota̱ na̱ngo̱xi̱i̱ íjñasoón tsja, sꞌe̱ katsꞌénkjí.

Ni xi kamá 18:6

Ta̱nga kui xotaa̱ ta̱ kje̱ꞌe tsꞌén katsꞌénkjó, kósꞌe̱ chꞌo katsó, sꞌe̱ Pabloo̱ ítsanie xa̱a̱ ńjñoo̱ nga akó nga chꞌo kamaá ni xi kiꞌmií, kó bi̱ katsoó: –Ti̱ júnní ndyi̱mindyijnúu̱ jé yojojnú nga xcha̱jàjnú, ánjín konna ni xi ka̱majnú, ngatꞌa̱ tsjie án, ngotꞌe̱ ꞌne̱, ta̱sá xota̱ xi jundío̱jín xi kjuínkóo̱n.

Ni xi kamá 20:26

Kuíni nga ngotꞌe̱ ꞌne̱ xiyàjnúꞌun nga jmíjínna jé tsi xcha̱jàjnú,

Ni xi kamá 6:6

kui jaá xi tsangínjo̱ nínga síndo já apostroo̱, kó tsíchji̱a̱tjé, ko̱jo yejénnié tsja.

Xota̱ Éfeso̱ 5:11

Kó ngata̱ ki̱a̱jín niꞌánkamajo̱jnú kui xota̱ xi ndyi̱tsꞌèn ni xi jmí ni chjíjiín xi tjimá nínga jñoó, ta̱sá takójnúu̱ nga ndajínkjiꞌi ni xi ndyi̱tsꞌèn.

1 Timoo̱ 3:10

Chjiéngá tjón mára stsitsíjen cha̱n cha̱n tsi nda tsꞌén síndo, kó tsi jmíjín xi ka̱maa̱ chꞌo tsꞌén ku̱i̱chji̱a̱taꞌin, ka̱ma xota̱ xi ko̱síko̱jo já ngito̱ko̱o̱ na̱ngo̱xi̱i̱ ka̱ma.

1 Timoo̱ 3:2

Ta̱nga chjiéngá bi̱ kon ka̱ma xi mejeén nga xota̱ xi ngito̱ko̱o̱ na̱ngo̱xi̱i̱ ka̱ma: Nga jmíjín xi chꞌo tsꞌén ku̱i̱chji̱a̱taꞌin, ko̱jo nga ta̱ ngo tsi chjo̱on tjiín, ko̱jo nga nda kjótsoꞌbájo̱ yojoo̱, ko̱jo nga nda sa̱ꞌínkjiín kon ni xi sa̱ꞌín, ko̱jo nga xcha̱ndikón, ko̱jo nga chjiéngá sa̱ꞌíntiee̱ xotaa̱ nga ki̱a̱ kꞌuíndo ndiꞌaa̱, ko̱jo nga chjiéngá ka̱maa̱ ko̱kóyá,

1 Timoo̱ 3:6

Jmí tsi ngo nda̱ xi sꞌe̱ tsi kisꞌijii̱n Néná, ngatꞌa̱ tsi ta̱ je ka̱maa̱ yojoo̱, kó xikótsꞌèn kamájeé xindajín ndiabloo̱ bo̱a̱ ka̱maa̱.

1 Timoo̱ 4:12

Ngata̱ boeꞌéndièjín ji nga ta̱ ton xchaa̱, ngatꞌa̱ xo̱ngò ji. Ta̱sá chjiéngá chi̱bo̱a̱ ka̱maa̱ ji xota̱ xi sꞌijii̱n Néná kjo̱a̱a̱ xikótsꞌèn ndokjo̱e̱, ko̱jo xikótsꞌèn tindyin, ko̱jo xikótsꞌèn tjiín kjo̱a̱tjó, ko̱jo xikótsꞌèn sꞌijii̱n Néná, ko̱jo xikótsꞌèn tsjie tindyin ji ngindyi̱ko̱n Néná.

1 Timoo̱ 4:14

Ti̱ꞌinkjìn jí kui kjo̱a̱nda xi tikoón xi katsjaá Néná kui xi katsóyàtjón já chji̱ni̱e̱ꞌe̱én, kjiꞌanga xota̱ xi xchaá na̱ngo̱xi̱i̱ íjñasoón tsja.

2 Timoo̱ 1:6

Kó kuíni nga tsꞌénbotixomaa̱ tsi̱ꞌe̱ nga si̱ꞌinkjìn jí kui kjo̱a̱nda xi katsjaá Néná kjiꞌanga íjñasoón ndsa̱ an.

2 Timoo̱ 2:2

Ni xi je kandaꞌyéní nga kixiya an ngindyi̱ko̱n kjín chistiko̱, mejénna nga ko̱ko̱yée̱ já xí ma ꞌniátakoón, tsi̱ꞌe̱ nga ka̱maa̱ ko̱kóyaá kje̱ꞌe xota̱.

Xota̱ Ebreo̱ 6:2

ko̱jo kjo̱a̱a̱ kjo̱a̱bokoyá xi chji̱a̱ni nga botíndaá, ko̱jo kjo̱a̱a̱ nga ꞌbíjñasoón ndsa̱ xota̱ xi sꞌijii̱n Néná, ko̱jo kjo̱a̱a̱ kjo̱a̱foaꞌáꞌyaá xota̱ xi je jesoón, ko̱jo kjo̱a̱a̱ kjo̱a̱botíjé xí jmíni̱xtjin kju̱i̱e̱e̱.

2 Xo̱jo̱o̱n Juaa̱ 1:11

Ngatꞌa̱ kui xota̱ xi “¡A ta̱ bo̱a̱ nda jéꞌe̱jnú!” Ka̱tso̱o̱, ko̱jo kuí nijan kjima kjo̱a̱a̱ ni xi ndajín xi ndyi̱tsꞌèn kuí xotaa̱.

Ni xi akakoo̱ 18:4

Kó tsintꞌie an ingo nda̱ ki̱a̱ ndiꞌakꞌajmii̱ xi bi̱ katsó: –Tja̱tjójnú kui na̱xi̱ńdaá, jún xi xota̱ na̱xi̱ńdána jún, tsi̱ꞌe̱ nga ko̱jo júnjín nijan si̱ꞌanjéjo̱jnú, ti̱nde ko̱jo júnjín sa̱kójnú kjo̱a̱ni̱ma̱ xi kjo̱a̱ꞌajin,