1 Timoo̱ 5:21 - Xo̱jo̱n eén Néná

²¹ Ngindyi̱ko̱n Néná ko̱jo ngindyi̱ko̱n Ndi̱a̱ná Jesukristoo̱ ko̱jo ndítsjie xi jaꞌájin, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán, nga ta̱ són si̱ꞌinje̱ ji xotaa̱, kó nga jmíjín xi chje̱ꞌéjin ji.

1 Timoo̱ 5:21 ပူးပေါင်းရင်းမြစ်များ

Xo̱jo̱n Salmoo̱ 107:43

Chꞌi̱a̱xki̱jnú kui nii̱, jún xota̱ xi kjínkón, kó nda má ti̱ꞌankjójnú xikó tsꞌén ꞌniú tjoó Néná ñá.

Énkjínkón 18:5

¡Ndajínkjiꞌi, nga kꞌuiyá nga jmíjéjiín, xota̱ xi ꞌniú ndajiín, ko̱jo nga chje̱ꞌéxiín kjo̱a̱nda xi tjiín xota̱ xi kixi̱i̱!

Lebitiko̱ 14:42

Jaskan ndi̱jo̱ xi tja̱tsi̱e̱ kꞌuíndoo̱ nínga kaꞌnaxié kui ndi̱jo̱ xi je kachjeꞌéxiín, kó kui xoó kjojòn nginí kje̱ꞌe ndáse xí tja̱tsi̱e̱.

Lebitiko̱ 19:15

»Tsi ngo ni kꞌuíndajnú nínga kjimandajin ngo ni, kixi̱ ti̱ꞌánjnú kui nii̱. Ngata̱ kjo̱a̱ndaa̱jín ngo xota̱ mongínjnú, tsi cho̱n ko̱jo tsi ni̱ma̱.

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 25:41

Kósꞌe̱ bi̱ ka̱tso̱o̱ xota̱ xi síndo nga skoón: «Ti̱xiónboaꞌájnúꞌun jún xota̱ xi ndajín, tangínjnú nínga tikón ndiꞌí xí jmíni̱xtjin kꞌo̱ xi je tikónnda xi tsi̱ꞌe̱ xindajín ndiabloo̱ ko̱jo ndítsjiee̱.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Rkaa̱ 20:21

Kó bi̱ kiꞌmií nga akasíyaá: –Mostro̱, jè yàjne̱ nga kixi̱ ni xi se ko̱jo ni xi bokoyé ji, ko̱jo nga jmí tsi skján niꞌínje̱ ji xotaa̱, ko̱jo nga ta̱sá ja̱koxi̱i̱ ndi̱yà xí tsi̱ꞌe̱ Néná xi tibokoyé ji.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

2 Xota̱ Korinto̱ 5:16

Kó kuíni nga ji̱n, jè ngiti̱ bo̱a̱jín tsꞌén tsitsijenjne̱ xotaa̱ xikótsꞌèn kotsijee̱n xkjín xotaa̱ kui nga̱sondiee̱, kó ndatsi ngasꞌe̱ bo̱a̱ tsꞌén kitsitsijenjne̱ Kristoo̱, ta̱nga ngotꞌe̱, jè ngiti̱ bo̱a̱jín tsꞌén ndyi̱tsitsijenjne̱.

Ndeuteronomio̱ 1:7

kuíni nga chja̱ꞌátikójnú ndiꞌajnú, kó tangínjnú xtji̱e̱e̱n na̱xi̱i̱ ki̱a̱ nínga tjíndo xota̱ Amoo̱r, ko̱jo tangínjnú ngayeje nangi xi síndo nga ngo foaꞌatjiyajoo̱n kui ngi̱ndiee̱. Tangínjnú nangi Arabaa̱, ki̱a̱ nínga na̱xi̱i̱, ko̱jo nínga soón, ko̱jo nangi kixí xi tikón xtji̱e̱e̱n na̱ngi, ko̱jo tꞌa ndáchíkoón, ko̱jo nangii̱ xota̱ tji̱e̱e̱ Kaa̱n, ko̱jo nangi Líbano̱, ngaskande nga kjóchójnú ki̱a̱ ndejèꞌ Éufratee̱.

1 Xota̱ Tesalónika̱ 5:27

Ngindyi̱ko̱n Ndi̱a̱ná ꞌniú míꞌájnúꞌun nga ti̱ꞌanyàjnúu̱ kui xo̱jo̱o̱n ngayeje ntsꞌié.

1 Timoo̱ 6:13

Be Néná kui xi katsjaá kjo̱a̱mindyion ngayeje ni xi tjiín, kó ti̱ be Jesukristo̱ xi katsóyà ꞌyání kui, kjiꞌanga akatíjeé ngindyi̱ko̱n Ponsio Pilatoo̱, nga an tsꞌénbotixomaa̱ ji kui nii̱,

2 Timoo̱ 2:14

Ti̱ꞌinkjaꞌátsjìi̱n xota̱ na̱ngo̱xi̱i̱ ngindyi̱ko̱n Ndi̱a̱ná, kó bo̱a̱ tꞌíi̱n nga chjiénjín nga ta̱jmì énní xi ku̱i̱chji̱a̱ti, ngatꞌa̱ jmí ni chjíjiín nga bo̱a̱ niꞌaán, kó ta̱sá ndajíntsꞌeén, kó tsꞌénchájá xota̱ xi ntꞌieé kui kjo̱a̱ndokjo̱a̱tii̱.

2 Timoo̱ 4:1

Ngindyi̱ko̱n Néná, ko̱jo ngindyi̱ko̱n Ndi̱a̱ná Jesukristoo̱, kui xi ka̱tso̱yà tsi nda ko̱jo tsi ndajín katsꞌén xota̱ xi síndoo̱, ko̱jo xi je jesoón, ni̱xtjin nga ko̱kó yojoo̱, kjiꞌanga ko̱tíxoma, ꞌniú míꞌaá ji,

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

2 Xo̱jo̱o̱n Peé 2:4

Ngasꞌe̱ Néná katsꞌénjetakónjiín ndítsjie xi katsꞌénjeé, kó ta̱sá ki̱a̱ tsꞌajmijin ndo̱bo̱a̱ṉkꞌi̱e̱e̱n nga índo nínga tikón ndo̱bo̱a̱yà xí jñoó, ngaskande ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

Xo̱jo̱o̱n Jundaa̱ 1:6

Ti̱ bo̱a̱ ti̱ katsꞌénjo̱ kui ndítsjie xi kixi̱jín katsꞌénkjatjosón xaá, kui xi ta̱sá índomasien ngi̱ndiee̱, Néná síndoꞌniuú ngi̱ya ndo̱bo̱a̱yà xi jñó ko̱jo xi ngatsjéni̱xtjin, tsi̱ꞌe̱ nga ka̱majeé ni̱xtjin je, nga kꞌuiyá tsi nda ko̱jo tsi ndajín katsꞌén xotaa̱.

Ni xi akakoo̱ 14:10

Néná sa̱ꞌínxchán, kó ꞌniú sa̱ꞌínjeé, ngo kjo̱a̱ni̱ma̱ xi ꞌniú sa̱ꞌínkjaꞌa ngi̱jin ndiꞌí, ko̱jo ngi̱jin asufre̱ xi tjítí ngindyi̱ko̱n ndítsjiee̱ ko̱jo cho̱tsa̱nga̱a̱.