1 Timoo̱ 5:17 - Xo̱jo̱n eén Néná

¹⁷ Xota̱ xi xchá xi síndotjoón na̱ngo̱xi̱i̱ xi nda tsꞌén ndyi̱fíjo̱ xaá, chjiéngá ꞌniú ngase ngatamayandikón, ngase má kui xi ndyi̱ꞌbini̱jmì, ko̱jo xi ndyi̱bokoyá eén Néná.

1 Timoo̱ 5:17 ပူးပေါင်းရင်းမြစ်များ

Matioo̱ 24:25

Ja̱ je katsóyàtjónjnúꞌun ni xi ka̱ma.

Rkaa̱ 10:7

Kó ti̱ kuii̱ ndiꞌaa̱ ti̱ndyiónjnú, kó chi̱ni̱e̱jnú, ko̱jo tꞌi̱o̱jnú ta̱ ni xi tjínrií xi tsja̱ajnú kui xotaa̱, ngatꞌa̱ nda̱ xi tsꞌénxaá tjínrií kjo̱a̱nda nga ka̱machjií. Ngata̱ xki̱ ndiꞌajín mińtja̱jnú.

Rkaa̱ 12:42

Kó Ndi̱a̱a̱, bi̱ katsó: –ꞌYá moso̱ xi kixi̱ ko̱jo xi ꞌniátakón, xi ka̱maa̱ si̱ꞌankjatjosón kjiꞌanga ndi̱a̱a̱ sa̱ꞌínkonda ndiꞌaa̱, tsi̱ꞌe̱ nga chi̱bo̱a̱a̱ má tsja̱á nichinie xotaa̱.

Juaa̱ 4:38

Kó an tsꞌéntsangiyajnúꞌun tsi̱ꞌe̱ nga ko̱ꞌna̱je̱njnú ni xi júnjín ikꞌítji̱e̱jnú, kje̱ꞌe xí katsꞌénxángí kui nii̱, kó jún ko̱ꞌna̱je̱njnú too̱ kui xaá.

Ni xi kamá 11:30

kó kui nii̱ katsꞌén kui xotaa̱, kó Bernabee̱ ko̱jo Sauloo̱ katsangiyajo̱ kui chji̱e̱e̱, tsi̱ꞌe̱ xota̱ xi xchá xí chji̱a̱ni nangi Jundea̱.

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Ni xi kamá 28:10

kó achichí nda katsꞌénjo̱jne̱ ngayeje kui xotaa̱, kó jaskan ngije ndyi̱mongín nginíjne̱ ngi̱ya tjotso jee̱, katsjájne̱ ngayeje ni xi kamáchjiénjne̱ tsi̱ꞌe̱ ndi̱ya̱à.

Xota̱ Roma̱ 12:8

Xi katseꞌeé kjo̱a̱nda tsi̱ꞌe̱ nga tsja̱angaꞌniuú xotaa̱, nga tsja ngaꞌniuú. Xi katseꞌeé kjo̱a̱nda tsi̱ꞌe̱ nga tsja̱a to̱n, ngayeje kon nga ngatasikójo. Xi katseꞌeé kjo̱a̱nda tsi̱ꞌe̱ nga kꞌuijñátjón, kixi̱ nga tsꞌén kuí xaá. Xi katseꞌeé kjo̱a̱nda tsi̱ꞌe̱ nga ni̱ma̱ ka̱maa̱ xotaa̱, tsjangatamaa̱ nga sa̱ꞌín kui xaá.

Xota̱ Roma̱ 15:27

Nda kamaá nga bo̱a̱ katsꞌén, ta̱nga kui xotaa̱ tjitjíe̱nrií tsi̱ꞌe̱ xota̱ xi̱ꞌba̱, ngatꞌa̱ tsi Néná katsjaá xota̱ xi jundío̱jín ni xi je katsjaá xota̱ xi Israee̱l, ja̱ kuíni nga xota̱ xi Israee̱ljiín chjiéngá ko̱síko̱jo xota̱ xi Israee̱l kjo̱a̱a̱ ni xi tjín nga̱sondiee̱.

Xota̱ Roma̱ 16:12

Tinde bo̱a̱ tꞌínjnú na̱ Trifenaa̱ ko̱jo na̱ Trifosaa̱, xi ndyi̱tsꞌèn xaá Ndi̱a̱ná. Tinde bo̱a̱ tꞌínjnú na̱ ndichjá xi tjóná xi ꞌmí na̱ Pérsindaa̱, kui xi achichí xaá Ndi̱a̱ná jè katsꞌén.

1 Xota̱ Korinto̱ 15:10

Ta̱nga ta̱ngatꞌanii̱ kjo̱a̱ndaa̱ Néná nga án xi an, kó kui kjo̱a̱nda xi katsjána, ta̱ kjo̱a̱ndajín kamá, ta̱sá ꞌniú ngase katsꞌenxá an ta̱bo̱a̱jiín ngayeje já apostro̱ xi ngasee̱, ndatsi jmí tsi an xi bo̱a̱ katsꞌen an, kjo̱a̱nda xi katseꞌéna boá xi bo̱a̱ katsꞌén.

1 Xota̱ Korinto̱ 16:16

ꞌNiú míꞌájnúꞌun jún, nga tasiénijónjnúu̱ kui xota̱ xi xikoó xota̱ xi̱ꞌbi̱, ko̱jo ngayeje xota̱ xi ndyi̱bosikójo kui jaá, ko̱jo xi ti̱ kuii̱ kui xaá ndyi̱tsꞌèn.

1 Xota̱ Korinto̱ 3:9

Ngatꞌa̱ ji̱n, xaá Néná boá xi nijan ndyi̱niꞌánjne̱, kó jún boá xi xikoó ngi̱ndie nínga ꞌbítji̱e̱e̱, ko̱jo xikoó ndiꞌa xi tsi̱ꞌe̱ Néná.

2 Xota̱ Korinto̱ 6:1

Kó kuíni nga ji̱n xi xaá Néná ndyi̱niꞌánjne̱, ꞌniú chjiáꞌájne̱ jún tsi̱ꞌe̱ nga ngata̱ tonjín májnú kjo̱a̱ndaa̱ Néná.

Xota̱ Ngalasia̱ 6:6

Xota̱ xi tjibókoyaá éntjatsi̱e̱e̱ Néná, chjiéngá tsja̱á mostroo̱ chiboa ngayeje kjo̱a̱nda xi sa̱ko̱ó.

Ndeuteronomio̱ 18:8

Kui nda̱ chináꞌmii̱ jè tjiín kjo̱a̱nda nga ti̱ bo̱a̱ ti̱ kjiꞌi nichinie sa̱ko̱ó xikoó chináꞌmi xi ngasee̱, kó ti̱ ka̱ma ko̱tíñá ni xi tjiín, kó ka̱ma nda tsꞌén sa̱ꞌínkjién to̱o̱n ni xi atíñá».

Xota̱ Filipo̱ 2:16

nga ꞌniú kichꞌiájnú kui eén kjo̱a̱mindyioo̱n, kó bo̱a̱ tsꞌén kjiꞌanga kjo̱e̱ꞌe nginí Kristoo̱, an tsja ka̱mana kjo̱a̱a̱ jún, nga skuie an nga ta̱ kjo̱a̱ndajiín nga kistsoꞌbá an, ko̱jo nga katsꞌenxá an.

Xota̱ Filipo̱ 2:29

Ngatꞌaa̱ Ndi̱a̱ná nda ti̱ꞌanjo̱jnú nga kjo̱chókónjnú. Ngatsjéni̱xtjin tjó ti̱ꞌanjo̱jnú kui xota̱ xi xikoó kui.

Xota̱ Filipo̱ 4:3

Kó ji ꞌniú míꞌaá, ji xi ꞌniátakoón nga nijan ndyi̱niꞌánxá, tsi̱ꞌe̱ nga ko̱si̱ke̱je ji kui ínchjiín, kui xi nijan katsꞌénxájo̱na nga ini̱jmi án éntjatsi̱e̱e̱ Néná, ko̱jo Klementee̱ ko̱jo xota̱ xi ngase xi nijan katsꞌénxájo̱na. Kui xi je kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.

1 Timoo̱ 3:5

(Ngatꞌa̱ nda̱ xi májiín botixómaá ndiꞌaa̱, kótsꞌèn ka̱maa̱ skoón xota̱ na̱ngo̱xi̱i̱ Néná).

1 Timoo̱ 4:10

Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

1 Timoo̱ 4:14

Ti̱ꞌinkjìn jí kui kjo̱a̱nda xi tikoón xi katsjaá Néná kui xi katsóyàtjón já chji̱ni̱e̱ꞌe̱én, kjiꞌanga xota̱ xi xchaá na̱ngo̱xi̱i̱ íjñasoón tsja.

1 Timoo̱ 4:16

Chíi̱n yojòo̱ ko̱jo chíi̱n ni xi tibokoyée̱ xotaa̱, ꞌniú ti̱ndyíi̱n ngayeje kui nii̱, ngatꞌa̱ tsi bo̱a̱ si̱ꞌin, kjo̱tjoꞌàa̱ yojòo̱, kó ti̱ ko̱ꞌna̱xiéꞌé ji xi ku̱i̱ntꞌie̱é nga.

1 Timoo̱ 4:6

Tsi kui nii̱ xi ko̱ko̱yée̱ ntsꞌié, ngo nda̱ xi nda tsꞌénxátꞌaa̱ Jesukristoo̱ ka̱ma ji, kó tsja̱á ngaꞌniú kui eén kjo̱a̱sꞌijinná ko̱jo kjo̱a̱bokoyá xi tiꞌmitji̱ngi ji.

1 Timoo̱ 5:19

Ngata̱ niꞌínjíi̱n xki̱ tsi tjín xí ko̱óngítaꞌin ngo xota̱ xi xchá, ngototo tsi jó ko̱jo tsi ján má chistiko̱ xi tjiín xi tsꞌénbongítaꞌii̱n.

1 Timoo̱ 5:3

Tasíke̱je ji ínchjín kꞌán xi je kꞌien xi̱ꞌii̱n xi ja̱koxi̱ nga jmí nijiín.

2 Timoo̱ 2:6

Ti̱ bo̱a̱ ti̱ tsꞌén nda̱ xi ꞌniú tjitsꞌénxá ngi̱jin jno̱o̱, tjínrií kjo̱a̱nda nga kui xi tjón sa̱ko̱ó ni xi kamáxchaá.

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

Xota̱ Ebreo̱ 13:17

Ndaꞌyáꞌénjnúu̱ xota̱ xi síndotjónjnú, kó cha̱ndikónjnú kui, ngatꞌa̱ kuí boá xi ndyi̱kondajnú jún nga be nga sa̱ꞌínkꞌasꞌiee̱n xki̱ Néná. Bo̱a̱ ti̱ꞌánjnú tsi̱ꞌe̱ nga tsja kꞌuieé nga sa̱ꞌín xaá, kó nga éjín ka̱maa̱, ngatꞌa̱ ko̱jo nganda tsa̱jún boá tsi éjín ka̱maa̱ xaá.

Xota̱ Ebreo̱ 13:24

Tinde bo̱a̱ tꞌínjnú ngayeje xota̱ xi síndotjónjnú, ko̱jo ngayeje xota̱ tsjiee̱ Néná. Xota̱ xi chji̱a̱ni nangi Italia̱ tinde xò bo̱a̱ tsó.

Xota̱ Ebreo̱ 13:7

Ngatjaꞌátsjienjnú xota̱ xi síndotjónjnú kui xi katsóyàjnú eén Néná, ti̱ꞌankjínjnúu̱ takónjnú kótsꞌèn kisꞌińdo, kó chja̱ꞌángíjnúu̱ kjo̱a̱sꞌijin xi kisꞌiee̱.