1 Timoo̱ 5:14 - Xo̱jo̱n eén Néná

¹⁴ Kuíni nga mejénna nga ku̱i̱xan ínchjín kꞌán xi je kꞌien xi̱ꞌii̱n xi kjindií, kó ngatꞌieé ndí, nga koo̱n ndiꞌaa̱, kó nga tsjandièjiín nga xota̱ xi kondraa̱ ku̱i̱chji̱a̱taꞌin.

1 Timoo̱ 5:14 ပူးပေါင်းရင်းမြစ်များ

Jenesii̱s 18:6

Kósꞌe̱ Abraa̱n tsanga má kijí ndiꞌa xi tji̱xi̱ín cho̱ kamándanii̱ nínga tikónyà na̱ Saraa̱, kó bi̱ katsoó: «¡Tsá chjábé chií jí! Kó chjábé kan kilo̱ ndso̱ko̱a̱n ṉño̱pan, ti̱ꞌinda̱ꞌyo̱ ji, kó ti̱ꞌinde ji pan».

Jenesii̱s 18:9

Kó kui jaá bi̱ katsó nga asíyaá Abraa̱n: —Ñá tikón na̱ Saraa̱, chjóo̱n. Kó Abraa̱n bi̱ katsó: —Ki̱a̱ tikón ngi̱ya ndiꞌa xi tji̱xi̱ín cho̱ kiniꞌándanii̱.

Énkjínkón 14:1

Xota̱chjo̱on xí kjínkoón, tsjangaꞌniú ngasee̱ xota̱ ndiꞌaa̱, ta̱nga xota̱chjo̱on xi kitikjo̱a̱a̱ kuí boá xi tsꞌénkjátsón.

Xota̱ Roma̱ 14:13

Kó kuíni nga ngiti̱ ko̱ndókjo̱a̱taꞌinján ñá xingi̱ tsi nda ko̱jo tsi ndajín ndyi̱tsꞌèn, ta̱sá si̱ꞌankjó cha̱n cha̱n tsi̱ꞌe̱ nga ta̱xkiya si̱ꞌán jàn ngo ni xi sa̱ꞌín nga ngo ntsꞌie xi ngiti̱ ka̱maꞌniátakónjín Néná.

2 Xota̱ Korinto̱ 11:12

Ta̱nga ni xi tsꞌen an, ta̱kó sa̱ꞌinra an, tsi̱ꞌe̱ nga tsjandièjàa̱n kui xota̱ xi mejeén nga ka̱ma xikoó ji̱n, tsi̱ꞌe̱ nga je kꞌo̱xié yojoo̱.

1 Timoo̱ 2:8

Mejénna nga já xíꞌiín, nga ta̱jñàní nga ku̱i̱chji̱a̱a̱ Néná nga skjinínkꞌá tsja nga tsjietsꞌén kꞌuijñá ini̱ma̱a̱, kó nga sa̱ꞌínxchánjín, ti̱nde nga ku̱i̱chji̱a̱tijín nga bo̱a̱ sa̱ꞌín.

1 Timoo̱ 4:3

Kui xotaa̱ tsja̱ndièjín nga ku̱i̱xan xotaa̱, kó tsja̱ndièjín nga ka̱ma xi̱ni̱e̱ kaꞌa, nichinie xi Néná katsꞌénda nga ka̱ma skji̱ni̱e̱ xota̱ xi sꞌijii̱n Néná, kui xi je be ja̱koxi̱i̱, kui xi tsjaá ndokꞌóchjì Néná kjo̱a̱a̱ ngayeje nii̱.

1 Timoo̱ 5:11

Ta̱nga ngata̱ ꞌbítꞌejín ji kui xo̱jo̱n xki̱i̱ ínchjín kꞌán xi je kꞌien xi̱ꞌii̱n xi kjindí ngase, ngatꞌa̱ kjiꞌanga ta̱ngatꞌanii̱ kjo̱a̱tsjaa̱ yojoo̱ ka̱mamejeén ku̱i̱xan kó sa̱ꞌínkjii̱n yojoo̱ Kristoo̱,

1 Timoo̱ 6:1

Xota̱ xi moso̱ xi kastiñaá chjiéngá ko̱ójinkon nga ꞌniú sku̱i̱e̱ndikón ndi̱a̱a̱, tsi̱ꞌe̱ nga chꞌójín tsꞌén ko̱ndókjo̱a̱ kjo̱a̱a̱ Néná, ti̱nde chꞌójín tsꞌén ko̱ndókjo̱a̱ kjo̱a̱a̱ ni xi tjibókoyaá.

Titoo̱ 2:5

chjiéngá nga nda sa̱ꞌínkjiín kon ni xi sa̱ꞌín, ko̱jo chjiéngá tsjie ka̱ma ini̱ma̱a̱, ko̱jo nga skoón ndiꞌaa̱, ko̱jo nga ndaxota̱ ka̱ma, ko̱jo nga sku̱i̱e̱ndikón xi̱ꞌii̱n, bo̱a̱ tsꞌén nga ta̱ꞌyajín xi chꞌo tsꞌén ku̱i̱chji̱a̱taꞌin eén Néná.

Titoo̱ 2:8

Én nda ndókjo̱e̱ ji, kó nde ngojín xi ka̱maa̱ ku̱i̱chji̱a̱taꞌii̱n, tsi̱ꞌe̱ nga soboá ka̱maa̱ kondraa̱, kó bo̱a̱ tsꞌén nga nde chií ka̱májiín chꞌo ka̱tso̱ná.

Xota̱ Ebreo̱ 13:4

Ngayeje jún, cha̱ndikónjnú kjo̱a̱bixaa̱n, kó cha̱ndikónjnú xi̱ꞌinjnú ko̱jo tsi chjo̱ónjnú, ngatꞌa̱ xota̱ xi tondoo̱, ko̱jo kui xi ndyi̱tsꞌèntꞌaa̱ kjo̱a̱ xkjín, Néná boá xi ko̱tíjeé.