1 Timoo̱ 5:10 - Xo̱jo̱n eén Néná

¹⁰ Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

1 Timoo̱ 5:10 ပူးပေါင်းရင်းမြစ်များ

Jenesii̱s 18:4

Ngotꞌe̱ má kuíꞌá an chií ndáfoa tsi̱ꞌe̱ nga ka̱ma ko̱niéjónjnú ndsa̱kojnú, kó ka̱ma si̱ꞌankjaꞌyá chiíjnú ngindie kui yaá.

Jenesii̱s 19:2

kó bi̱ katsoó: —Jún ndi̱a̱, ꞌniú míꞌájnúꞌun nga kji̱ndi̱bájnú ndiꞌana, ki̱a̱ ka̱ma ku̱i̱ndáyájnú, kó ka̱ma ki̱a̱ tsjayójojnú, kó ndyiojón ta̱jñó ka̱ma kongínrajnú ndi̱yàjnú. Ta̱nga kui já ndítsjiee̱ bi̱ katsó: —Jmí, ndokꞌóchji̱ì, ta̱nga ngi̱ya ndi̱yàtieé tsjayójojne̱.

Jenesii̱s 24:32

Kósꞌe̱ kui nda mosoo̱ kijíjo̱ Labaa̱n ndiꞌaa̱, kó ngije jachó ki̱a̱a̱, Labaa̱n katsjaá ndáfoa kui mosoo̱ ko̱jo já xí tjimájo̱ tsi̱ꞌe̱ nga ko̱ngóyá. Kó cho̱toꞌoyitsꞌeèn kachjeꞌéxiín chꞌià xí ndyi̱yaꞌa, kó katseꞌeé nichinie.

Jenesii̱s 43:24

Kó ngayejee̱ nga kiniꞌánkjaꞌa ngi̱ya ndiꞌaa̱ Kosiee̱, kó katseꞌeé ndáfoa tsi̱ꞌe̱ nga ko̱niéjón se ko̱jo katsjaá nichinie bórroó nga.

Xo̱jo̱n Salmoo̱ 119:4

Jí boá xi je akatíxome nga kjo̱a̱botíxomàa̱ si̱ꞌankjatjosón xikó má tsó.

Lebitiko̱ 25:35

»Kjiꞌanga ngo xota̱ Israee̱l xi ka̱mani̱ma̱ nga jmí to̱njiín, chjiéngá ko̱si̱ko̱jójnú, xikoó tsi ngo xota̱ xi xín nangi chji̱a̱ni xi ki̱a̱ jachókꞌíjñá kui na̱xi̱ńdaá.

Matioo̱ 25:17

kó nda̱ xi katseꞌeé jó to̱n talentoo̱, ngi jó katsꞌén ngase.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Rkaa̱ 7:38

kó kisꞌijñando tꞌa se Kjisoo̱, askjandá, sꞌe̱ ítsꞌi̱yanii̱ nga ndándyíko̱n aniéjónni sé Kjisoo̱, kó tsja̱to̱ko̱ katsꞌénxíjónni, sꞌe̱ atíndsoꞌá sé, kósꞌe̱ katsangijon ndásíjee̱n.

Rkaa̱ 7:44

Kó Kjisoo̱ askotsijee̱n kui naa̱, kósꞌe̱ bi̱ katsoó nda̱ xi ꞌmí Ximoo̱: –A titsitsijìi̱n kui naa̱. Tsꞌasꞌien an ndiꞌàa̱, kó jmí ndáfoa katseꞌéjínní xi aniejón an ndsa̱ko án, ta̱nga kui naa̱ ndándyíko̱n aniéjónni ndsa̱ko án, kó tsja̱to̱ko̱ katsꞌénxíjónni nga.

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

Ni xi kamá 22:12

Kó ki̱a̱ kui ngindiee̱ tikón ngo nda̱ xi ꞌmí Ananiya̱, ngo nda̱ xi ꞌniú ni̱ma̱ máa xotaa̱ ko̱jo xi ꞌniú kamábendikón kjo̱a̱kitii̱ Moisee̱, ngayeje xota̱ jundío̱ xi síndo na̱xi̱ńdáꞌniú Ndamasko̱ kjén nga ta̱ nda tsíchji̱a̱ kjo̱a̱a̱ kui nda̱a̱,

Ni xi kamá 6:3

Kó kuíni ntsꞌie, ti̱ndyi̱séjinjnú yito jáxíꞌín ngi̱jinjnú xi nda tsꞌén síndo ngindyi̱ko̱n Néná, ko̱jo xi ꞌniú tjíjii̱n A̱si̱énni̱xtjii̱n Néná, ko̱jo xi tjiín kjo̱a̱kjínkón, tsi̱ꞌe̱ nga kui xi sa̱ꞌín kui xaá.

Ni xi kamá 9:36

Kui ni̱xtjin jàn na̱xi̱ńdá Jope̱ kisꞌijña ngo na̱ xi xota̱ tsi̱ꞌe̱ Kjisoo̱ xi ꞌmí Tabita̱ (na̱ Ndorka̱, tsó kui eén nga én ngriengo̱). Kó kui xota̱chjo̱on ngatsjéni̱xtjin katsꞌén ni xi nda, kó asíko̱jo xota̱ ni̱ma̱ xi jmí to̱njiín.

Ni xi kamá 9:39

Kó Peé tji̱e̱nmá kijíjo̱ kui jaá, kó ngije jachó, tsangínjo̱ ki̱a̱ ndí ngi̱yaꞌma nínga kjiꞌijñakꞌien na̱ Ndorkaa̱, kó ngayeje ínchjín kꞌán xi je kꞌien xi̱ꞌii̱n askjandá nga jaꞌatjiyajoo̱n Peé, kó akoó ngayeje xtjí ko̱jo ńjñondio xi katsꞌénda na̱ Ndorkaa̱ nga kisꞌijña nga̱sondie.

Xota̱ Roma̱ 12:13

Tasíko̱jojnú ngayeje xota̱ tsjiee̱ Néná kjo̱a̱a̱ ni xi chjieén, kó tjó ti̱ꞌánjnú ngayeje xota̱ xi kjo̱chó ndiꞌajnú.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

1 Timoo̱ 2:10

Ni xi nda niꞌaán xí chjiéngá ngatándani yojoo̱, xikótsꞌèn tsoboaá nga tsꞌén ínchjín xi mejeén sa̱ꞌíndikón Néná.

1 Timoo̱ 3:2

Ta̱nga chjiéngá bi̱ kon ka̱ma xi mejeén nga xota̱ xi ngito̱ko̱o̱ na̱ngo̱xi̱i̱ ka̱ma: Nga jmíjín xi chꞌo tsꞌén ku̱i̱chji̱a̱taꞌin, ko̱jo nga ta̱ ngo tsi chjo̱on tjiín, ko̱jo nga nda kjótsoꞌbájo̱ yojoo̱, ko̱jo nga nda sa̱ꞌínkjiín kon ni xi sa̱ꞌín, ko̱jo nga xcha̱ndikón, ko̱jo nga chjiéngá sa̱ꞌíntiee̱ xotaa̱ nga ki̱a̱ kꞌuíndo ndiꞌaa̱, ko̱jo nga chjiéngá ka̱maa̱ ko̱kóyá,

1 Timoo̱ 3:7

Ti̱ chjiéngá xcha̱ndikón ngi̱jii̱n xota̱ xi kji̱e̱ bejín Néná, tsi̱ꞌe̱ nga jmíjín xi chꞌo ka̱tso̱ kjo̱a̱a̱ kui, kó nga kꞌo̱kajinjín kjo̱a̱chꞌáṉchaa̱ xindajín ndiabloo̱.

1 Timoo̱ 5:16

Tsi tjín xota̱ xi sꞌijii̱n Néná xi tjiín ínchjín kꞌán ndiꞌaa̱, ngatasikójo, tsi̱ꞌe̱ nga kuijín xota̱ na̱ngo̱xi̱i̱ sa̱ꞌín eé, ki̱a̱ ka̱maa̱ nga xota̱ na̱ngo̱xi̱i̱ ka̱maa̱ ko̱síko̱jo kje̱ꞌe ínchjín kꞌán xi je kꞌien xi̱ꞌii̱n xi ja̱koxi̱ nga jmíjín xi tjiín.

1 Timoo̱ 5:25

Ti̱ bo̱a̱ ti̱ tsꞌén ni xi nda niꞌaán ya cha̱n cha̱n, kó ni xi kje̱ꞌeé ka̱májín ngatsjéni̱xtjin nga kꞌuíndoꞌmá.

1 Timoo̱ 6:18

Tatíxomée̱ xota̱ cho̱o̱n nga ni xi nda sa̱ꞌín, ngatꞌa̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱ꞌínkabisoón xotaa̱ ni xi tjiín.

2 Timoo̱ 1:5

Foaꞌátsjienna nga ngayeje ini̱ma̱a̱ nga sꞌijii̱n Néná. Tjón má na̱xcháa̱ xi ꞌmí na̱ Loindaa̱ kisꞌijii̱n, ko̱jo na̱áa̱n xi ꞌmí na̱ Eunisee̱ nga. Kó ngotꞌe̱ ꞌne̱ be an nga ti̱ bo̱a̱ ti̱ tsꞌén sꞌijii̱n ji nga.

2 Timoo̱ 2:21

Kuíni nga tsi tjín xí sa̱ꞌíntsjie yojoo̱ kjo̱a̱a̱ kui ni xi ndajiín, xikónií tsi ngo ni xi niꞌánkjién nga ma sꞌué ka̱ma. Kuí xí tsjie ka̱ma, kó Ndi̱a̱ná ka̱ma sa̱ꞌínkjién, kó kꞌuijñánda tsi̱ꞌe̱ nga sa̱ꞌin ngayeje ni xi ndaa̱.

2 Timoo̱ 3:15

kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.

2 Timoo̱ 3:17

kó kuí xo̱jo̱o̱n xi sa̱ꞌín nga xota̱ xi ndyi̱tsꞌèn xaá Néná, kꞌuíndonda nga ka̱maa̱ nga sa̱ꞌín ngayeje ni xi ndaa̱.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Titoo̱ 3:1

Ti̱ꞌinkjaꞌátsjìi̱n xota̱ na̱ngo̱xi̱i̱ nga sku̱i̱e̱ndikón xota̱ xi botixómaá, ko̱jo jáxaá, ngatintꞌièꞌeén, kó ngatꞌíndonda nga sa̱ꞌín ngayeje ni xi nda.

Titoo̱ 3:14

Kó xota̱ tsa̱ñá ngatamakjiín nga sa̱ꞌín ni xi ndaa̱, ko̱jo nga ko̱síko̱jo tsi ngo xota̱ xi chjieén tsja, tsi̱ꞌe̱ nga kꞌuíndo xikoó xota̱ xi ka̱ma ngasee̱ nda tsꞌén kꞌuíndo ngindyi̱ko̱n Néná.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 10:24

Kó ku̱i̱ndyi̱sé ndi̱yàa̱ kótsꞌèn ko̱si̱ko̱jó ja̱kꞌi̱e̱ ja̱ngaján xingi̱ nga kꞌuié ngasená kjo̱a̱tjó, ko̱jo nga ni xi nda xi si̱ꞌán.

Xota̱ Ebreo̱ 13:2

Ngata̱ niꞌánchíyájínjnú nga nda si̱ꞌanjo̱jnú ngayeje xota̱ xi kjo̱chó ndiꞌajnú, ngatꞌa̱ ta̱ngatꞌanii̱ kui nii̱ nga tjín xi nde bejín nga ndítsjie boá xi katsꞌéntiee̱ ndiꞌaa̱.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.

1 Xo̱jo̱o̱n Peé 4:9

Ja̱kꞌi̱e̱ ja̱ngaján te̱ꞌéndièjnúu̱ nga kꞌuíndo ndiꞌajnú xingi̱jnú, kó tsjangatꞌiéjnú nga bo̱a̱ si̱ꞌánjnú.

3 Xo̱jo̱o̱n Juaa̱ 1:12

Ngayeje xotaa̱ chji̱a̱ kjo̱a̱a̱ nga ndaxota̱ Ndemetrioo̱, kó ja̱koxi̱ boá ni xi chji̱a̱. Ngaskande ji̱n nda ndokjo̱a̱jne̱ kjo̱a̱a̱ kui, kó jún jè yàjnú nga ja̱koxi̱ boá ni xi niꞌánjne̱, ko̱jo ni xi ndokjo̱a̱jne̱.