1 Timoo̱ 4:6 - Xo̱jo̱n eén Néná

⁶ Tsi kui nii̱ xi ko̱ko̱yée̱ ntsꞌié, ngo nda̱ xi nda tsꞌénxátꞌaa̱ Jesukristoo̱ ka̱ma ji, kó tsja̱á ngaꞌniú kui eén kjo̱a̱sꞌijinná ko̱jo kjo̱a̱bokoyá xi tiꞌmitji̱ngi ji.

1 Timoo̱ 4:6 ပူးပေါင်းရင်းမြစ်များ

Xo̱jo̱n Salmoo̱ 19:7

Ta̱nisién ꞌniú nda kjo̱a̱kitii̱ Néná, kó kuí boá xi tsꞌendáyà ini̱ma̱a̱. ꞌNiú ꞌniátakón kjo̱a̱kitii̱, ngatꞌa̱ kuí boá xi tsjaá kjo̱a̱kjíntakón xota̱ xi nkꞌajín ꞌboxié yojoo̱.

Énkjínkón 4:2

Nda tsꞌén tsꞌénbokoyájnúꞌun an, kuíni nga, ngata̱ niꞌánchꞌójínjnú kui kjo̱a̱bokoyaá.

Matioo̱ 13:52

Sꞌe̱ Kjisoo̱, bi̱ katsó: –Kuíni nga ngayeje já chji̱ni̱e̱kjo̱a̱kiti xi bokoyá kjo̱a̱a̱ nínga botixómá Néná, xikónií ndi̱a̱a̱ ngo ndiꞌa xi ꞌboxié ni xchaá, ko̱jo ni tja̱tsi̱e̱ xi chjí xí síndotjoó.

Rkaa̱ 1:3

Nda kasasienna an nga ngije tsangase ndi̱yàa̱ kótsꞌèn kjindibáni, indonda an nga katsꞌenꞌindoó ji ndí Teofilo̱,

Ni xi kamá 1:15

Kui ni̱xtjin jàn, Peé jastjíe̱n ngamasiee̱n kui já ntsꞌiee̱, mara̱ tsi ta̱ úchán ko̱jo kan xi kamátikoó, kó bi̱ katsoó:

Ni xi kamá 20:31

Kuíni nga ti̱ndyiondajnú, kó ti̱ꞌankjaꞌátsjienjnú nga ján nó kamána nga ni̱xtjin ko̱jo nga ni̱xtji̱e̱n nga askjandájo̱ májnúꞌun nga atixomájnúꞌun nga ngo nga ngojnú.

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Xota̱ Roma̱ 15:15

Ta̱nga kamáko̱n an nga katsꞌenda an ngo xo̱jo̱n ngatꞌa̱ mejénná nga xchi̱yàjínjnú ni xi je itꞌajnúꞌun, kó katsꞌen an kui nii̱, kjo̱a̱a̱ kjo̱a̱nda xi katsjána Néná,

1 Xota̱ Korinto̱ 4:17

Kuíni nga katsangiyajnúꞌun nda̱ xi ꞌmí Timoo̱, nga kui xi xikoó tsi ndí tjóna, ngo nda̱ xi kixi̱ tsoꞌbájo̱ Ndi̱a̱ná, kuí xí sa̱ꞌínkjaꞌátsjienjnú xikó tjítsꞌen an nga tjítsꞌenxátꞌáa̱ Kristo̱ Kjisoo̱, xikótsꞌèn bokoyá an ngayeje na̱ngo̱xi̱ nínga foaꞌa an.

2 Xota̱ Korinto̱ 11:23

A xota̱ mosoo̱ Kristoo̱ boá kui jaá. Xikoó tsi tsobéna nga chjiá án. ꞌNiú ngase je katsꞌenxá an ta̱bo̱a̱jiín kui jaá, kjín ndi̱yà je akjaꞌyana ndo̱bo̱a̱yà, ti̱ kjín ndi̱yà je akjana, kó ti̱ kjín ndi̱yà nga je mején ma niꞌánkꞌiénna.

2 Xota̱ Korinto̱ 3:6

Kó kuí boá xi katsꞌénjne̱ nga mosoo̱ kjo̱a̱ꞌbínda tja̱tsi̱e̱ xi índajo̱ xota̱a̱ ka̱majne̱, jmí tsi ngo ni xi kjitꞌa ngo xo̱jo̱n, ta̱sá ngo ni xi tjítsꞌén A̱si̱énni̱xtjii̱n Néná. Ngatꞌa̱ kjo̱a̱kiti xi kisitꞌaa̱, kuí boá xi fíjo̱na kjo̱a̱bo̱yaa̱, ta̱nga A̱si̱énni̱xtjii̱n Néná kuí boá xi tsjáná kjo̱a̱mindyioo̱n.

2 Xota̱ Korinto̱ 6:4

Ta̱sá ngayeje ni xi niꞌánjne̱, bokó nga xaá Néná boá xi ndyi̱niꞌánjne̱, nga ꞌniú ndyi̱niꞌánchíkjo̱a̱jne̱, ko̱jo nga ndyi̱bitjatiójne̱ kjo̱a̱ni̱ma̱, ko̱jo nga chjiénjne̱ ngo ni, ko̱jo nga nda̱ kjimajne̱.

Xota̱ Éfeso̱ 6:21

Tikikoo̱, nda̱ ntsꞌie xi tjóna, ko̱jo xi kixi̱ tsꞌén xaá Ndi̱a̱ná, ka̱tso̱yàjnú kótsꞌèn tikòn an ko̱jo mí ni xi tjítsꞌen an.

Xota̱ Filipo̱ 2:20

Ngatꞌa̱ jmíjínna ingo nda̱ xi nda̱ kjimaa̱ nganda tsa̱jún xikoó Timoo̱.

Xota̱ Filipo̱ 2:22

Ta̱nga jún jè yàjnú kókón Timoo̱. Kui xi tsꞌénxájo̱na kó tsꞌénꞌbíni̱jmìjo̱na éntjatsi̱e̱e̱ Néná, kó bo̱a̱ kon kui xikoó ngo ndí xí tsꞌénxájo̱ na̱ꞌmii̱.

Xota̱ Filipo̱ 3:16

Ta̱nga kui ni xi je jachótji̱ngi ñá, chjiéngá ꞌniú ku̱i̱ndyionjinrá kuí nii̱.

Xota̱ Kolosa̱ 2:19

Jmí tsi ki̱a̱ ndyi̱fítji̱ngi kui xi tikóntjoón na̱ngo̱xi̱i̱, kui na̱ngo̱xi̱ xi yojoo̱ Kristoo̱. Kristoo̱ kuí boá xi tjitsꞌénngo kui yojoo̱, kó tsꞌéntsjángaꞌniuú nga kjiꞌiꞌniuú ngayeje to̱ko̱ya ni xi yaꞌajo̱ni, kó kjimaxchá kui yojoo̱ xikótsꞌèn mejeén Néná nga ka̱maxchá.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

Xota̱ Kolosa̱ 4:7

Xikó tsꞌén tikòn an kꞌi̱e̱e̱, ndí nda̱ ntsꞌié xi ꞌmí Tikikoo̱ ka̱tso̱yàjnú, kui nda̱ xi tjóna ko̱jo xi nda tjítsꞌén xaá nga mosoo̱ Ndi̱a̱ná xikoó an.

1 Xota̱ Tesalónika̱ 3:2

kó kanangiyajne̱ nda̱ ntsꞌié xí ꞌmí Timoo̱, kui xi tjítsꞌén xaá Néná nga tsꞌéntsáyà éntjatsi̱e̱e̱ Kristoo̱, tsi̱ꞌe̱ nga kijítsjángaꞌniújnú, ko̱jo nga ko̱síko̱jójnú kjo̱a̱a̱ nga ꞌniú ku̱i̱ndyiajinjnú kjo̱a̱sꞌijinjnú,

1 Timoo̱ 1:10

ko̱jo xota̱ xi tondo̱, ko̱jo xota̱ xi xonda, ko̱jo xota̱ xi ndyi̱botiñá moso̱, ko̱jo xota̱ xi ndiso xi ngaskande ngiboanéná ndyi̱tsó nga ndyi̱chji̱a̱, ko̱jo ngayeje xota̱ xi kondra̱ síndonii̱ kjo̱a̱bokoyá xi ndaa̱.

1 Timoo̱ 4:16

Chíi̱n yojòo̱ ko̱jo chíi̱n ni xi tibokoyée̱ xotaa̱, ꞌniú ti̱ndyíi̱n ngayeje kui nii̱, ngatꞌa̱ tsi bo̱a̱ si̱ꞌin, kjo̱tjoꞌàa̱ yojòo̱, kó ti̱ ko̱ꞌna̱xiéꞌé ji xi ku̱i̱ntꞌie̱é nga.

1 Timoo̱ 6:3

Tsi tjín káꞌá xota̱ xi ko̱kóyá kje̱ꞌe ni, kó tsi sasiénjiín én nda xi tsi̱ꞌe̱ Ndi̱a̱ná Jesukristoo̱, ko̱jo tsi bokoyájiín xotaa̱ nga xcha̱ndikón Néná,

2 Timoo̱ 1:6

Kó kuíni nga tsꞌénbotixomaa̱ tsi̱ꞌe̱ nga si̱ꞌinkjìn jí kui kjo̱a̱nda xi katsjaá Néná kjiꞌanga íjñasoón ndsa̱ an.

2 Timoo̱ 3:10

Ta̱nga ji Timo̱, jè nda ye ji ni xi akoyá an, ko̱jo xikó tsꞌen an, ko̱jo mí ni xi mejénna sa̱ꞌin an, ko̱jo kjo̱a̱sꞌijinna, ko̱jo kjo̱a̱chiyákjo̱a̱na, ko̱jo kjo̱a̱tjóna, ko̱jo xikótsꞌèn tjítsꞌenchíkjo̱a̱ an ni xi tsꞌénfoaꞌatio an,

2 Timoo̱ 4:3

Ngatꞌa̱ kji̱ndi̱bá ni̱xtjin nga xotaa̱ ngiti̱ sa̱ꞌínsénjiín nga ku̱i̱ntꞌiè kuí kjo̱a̱bokoyá xi ndaa̱, ta̱sá ni xi mejeén ini̱ma̱a̱ xi sa̱ꞌín, kó ko̱ngase ngo sen mostro̱ xi ko̱kóyaá ni xi tsjaa̱ nga ku̱i̱ntꞌie̱é kuí.

Titoo̱ 2:1

Ta̱nga ji, ndókjo̱e̱ ji ni xi nijanma kjo̱a̱bokoyá xi nda xi akakoyaá.

1 Xo̱jo̱o̱n Peé 2:2

Ngatamajnú xikoó ngo ndí xi sꞌe̱ katsen má, xi ma mejeén ndáchíkií na̱aa̱n, bo̱a̱ tsꞌén ngatamamejénjnú eén Néná, xikoó xi mejeén kꞌuí ntsjén xí kuí soboá soboaá, tsi̱ꞌe̱ nga nda tsꞌén ka̱maxchájnú, kó kjo̱tjoꞌa kjin kjinjnú,

2 Xo̱jo̱o̱n Juaa̱ 1:9

Ta̱ꞌyaní xi kjo̱a̱ꞌatjoón ni xi akóyá Kristoo̱, kó ki̱a̱jín kꞌuijñájin kui nii̱, tikónjinjiín Néná ngi̱jin ini̱ma̱a̱. Ta̱nga kui xota̱ xi ta̱kuítsí kjo̱a̱bokoyaá Kristoo̱ xi tsꞌénbokoyá, kuí boá xi̱ꞌba̱ xi tikónjii̱n ngi̱jin ini̱ma̱a̱ Néná xí Na̱ꞌmii̱ ko̱jo Ndií.

Xo̱jo̱o̱n Jundaa̱ 1:5

Ta̱nga ndatsi je yàjnú kui nii̱, mejénna nga sa̱ꞌinkjaꞌátsjienjnúꞌun nga Néná ngije tsꞌaxiéꞌá xota̱ na̱xi̱ńdaá nga tsꞌaxiéni nangi Ejipto̱, jaskan katsꞌénkjié xota̱ xi kisꞌijinjiín.