1 Timoo̱ 4:4 - Xo̱jo̱n eén Néná

⁴ Nda ngayeje ni xi Néná katsꞌénda, kó chjiénjín nga si̱ꞌanchꞌo tsi chjábé nga ko̱e̱ꞌée̱ ndokꞌóchjì Néná.

1 Timoo̱ 4:4 ပူးပေါင်းရင်းမြစ်များ

Jenesii̱s 1:31

Kó tji̱e̱nga Néná askotsijee̱n nga tsjakon kamá ni xi katsꞌéndaa̱, kamájñó, sꞌe̱ jaskan kisisie̱èn. Kuí boá xi̱ꞌba̱ ni̱xtjin xi ma juu̱n.

Ni xi kamá 10:15

Sꞌe̱ bi̱ katsó nginí kui nda̱a̱ xi ma joó ndi̱yà: –Ni xi Néná je katsꞌéntsjie ngindyi̱ko̱n kui, ngata̱ ni ndándíjín sée̱.

Ni xi kamá 15:29

Nga xi̱ni̱e̱jínjnú yojoo̱ cho̱ xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo nga xi̱ni̱e̱jínjnú jín, ko̱jo yojoo̱ cho̱ xi kiniꞌánxíndo, ko̱jo nga ka̱májín tondo̱ ka̱majnú. Tsi si̱ꞌankjatjosónjnú ngayeje kui nii̱, ndakjíꞌí ni xi ndyi̱niꞌánjnú. Nda ngasꞌiejnú.”

Ni xi kamá 21:25

Kó kjo̱a̱a̱ xota̱ xi jundío̱jín xi je kisꞌijii̱n eén Néná, jè kiniꞌánꞌindójne̱ ngo xo̱jo̱n, nínga kiꞌmíyàjne̱ nga ka̱májín skji̱ni̱e̱ yojoo̱ cho̱ xi je kiniꞌánkꞌasꞌiee̱n a̱sie̱én ngo ne xi tsꞌénda xotaa̱, ti̱nde ka̱májín skji̱ni̱e̱ jín, ko̱jo yojoo̱ cho̱ xi niꞌánxíndo nga niꞌánkꞌién, kó ti̱ bo̱a̱ ti̱ tsꞌén ka̱májín tondo̱ ka̱ma.

Xota̱ Roma̱ 14:14

Be án kó ꞌniátakón an Ndi̱a̱ná Kjisoo̱ nga nde ngojín nichiniee̱ xi ndándí ngindyi̱ko̱n Néná, ta̱nga tsi ngo xota̱ xi sa̱ꞌínkjó nga ngo nichiniee̱ xi ndándí, ja̱ ndándí ka̱maa̱ kui.

Xota̱ Roma̱ 14:20

Ngata̱ niꞌínkjatsénjín ji nii̱ Néná ta̱ngatꞌanii̱ nichiniee̱. Nga ja̱koxi̱ ngayeje nii̱ xi tsjie, ta̱nga kui ni xi ndajínkjiꞌi kjiꞌá boá nga ta̱ngatꞌanii̱ nichinie sa̱ꞌínkꞌáka jé kje̱ꞌe xota̱.

Xota̱ Roma̱ 14:6

Kui xota̱ xi ndyi̱bendikón ngo ni̱xtjii̱n, ndyi̱tsꞌèn kuí nii̱ ngatꞌa̱ ndyi̱bendikón Ndi̱a̱ná, kó xi ndyi̱bendikónjín ngo ni̱xtjin, ndyi̱tsꞌènjín kui nii̱ ta̱ngatꞌaa̱ Ndi̱a̱ná. Kó kui xi ndyi̱kjinie ngayeje to̱ko̱ya nichiniee̱, ta̱ngatꞌanií Ndi̱a̱ná nga ndyi̱kjinie ngatꞌa̱ ndyi̱tsja̱á ndokꞌóchjì, kó xi ndyi̱kjiniejín ngayeje to̱ko̱ya nichiniee̱, ta̱ngatꞌanii̱ Ndi̱a̱ná nga bo̱a̱ ndyi̱tsꞌèn, kó ti̱ tsjaá ndokꞌóchjì nga.

1 Xota̱ Korinto̱ 10:23

“Ma niꞌán ngayeje nii̱” tsó xotaa̱, ta̱nga jmí tsi ngayeje nii̱ xi nda sa̱ꞌínná. “Ma niꞌán ngayeje nii̱” tsó xotaa̱, ta̱nga jmí tsi ngayeje nii̱ xi tsja̱ngaꞌniúná.

1 Xota̱ Korinto̱ 10:25

Ngayeje ni xi stiñá nínga stiñá yojoo̱ xi ka̱ma xi̱ni̱e̱jnú, kó ngata̱ bo̱a̱jín tsꞌén fojintakónjnú tsi kui nii̱ xi sa̱ꞌíndándíjnú ngindyi̱ko̱n Néná.

1 Xota̱ Korinto̱ 10:26

Ngatꞌa̱ tꞌanangii̱ ko̱jo ngayeje ni xi tjiín, tsi̱ꞌe̱ Ndi̱a̱ná boá.

1 Xota̱ Korinto̱ 10:30

Tsi tsjàa̱ ndokꞌóchjì Néná, kjo̱a̱a̱ nga kui katsjána nichiniee̱, míkjo̱a̱a̱ nga tjín kón xi ku̱i̱ꞌíchjána nga skjíni̱e̱ an nichinie kjo̱a̱a̱ ni xi je katsja an ndokꞌóchjì.

Ndeuteronomio̱ 32:4

Kuí boá xi tsꞌénkónná kjo̱a̱a̱ ni xi ndajiín. Kuí boá xi ngo Néná xi kixi̱ ko̱jo xi maꞌniátakón, ngatsjéni̱xtjin nga kixi̱ tsꞌensénná.

1 Timoo̱ 4:3

Kui xotaa̱ tsja̱ndièjín nga ku̱i̱xan xotaa̱, kó tsja̱ndièjín nga ka̱ma xi̱ni̱e̱ kaꞌa, nichinie xi Néná katsꞌénda nga ka̱ma skji̱ni̱e̱ xota̱ xi sꞌijii̱n Néná, kui xi je be ja̱koxi̱i̱, kui xi tsjaá ndokꞌóchjì Néná kjo̱a̱a̱ ngayeje nii̱.