1 Timoo̱ 4:3 - Xo̱jo̱n eén Néná

³ Kui xotaa̱ tsja̱ndièjín nga ku̱i̱xan xotaa̱, kó tsja̱ndièjín nga ka̱ma xi̱ni̱e̱ kaꞌa, nichinie xi Néná katsꞌénda nga ka̱ma skji̱ni̱e̱ xota̱ xi sꞌijii̱n Néná, kui xi je be ja̱koxi̱i̱, kui xi tsjaá ndokꞌóchjì Néná kjo̱a̱a̱ ngayeje nii̱.

1 Timoo̱ 4:3 ပူးပေါင်းရင်းမြစ်များ

Jenesii̱s 9:3

An tjítsꞌenkꞌasꞌiénjnúꞌun ngayeje cho̱ ko̱jo ngayeje xka̱ xi ma chinie tsi̱ꞌe̱ nga xi̱ni̱e̱jnú.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Matioo̱ 14:19

Kósꞌe̱ ngije katsangiya tsi̱ꞌe̱ nga ku̱i̱ꞌíndotie xotaa̱ ngi̱jin ndi̱xcho̱o̱, iskjíbé pan xi uún ko̱jo tji̱o̱ xi joó, askotsijen nkꞌa jàn, katsꞌénchikonñé, sꞌe̱ akjángá, kó katsjaá kui paa̱n xota̱ tsi̱ꞌe̱, tsi̱ꞌe̱ nga kui jaá sa̱ꞌínkjaꞌasoón ngayeje xota̱ xi ngasee̱.

Matioo̱ 15:11

Jmí tsi kui ni xi ꞌbosꞌien tsꞌoa xotaa̱ xi tsꞌénndándí ngindyi̱ko̱n Néná, kuí ni xi fotjoo̱ tsꞌoa xi tsꞌénndándí.

Matioo̱ 15:36

Kó iskjíbé pan xi yitoo̱ ko̱jo tji̱o̱o̱, kó ngije katsjaá ndokꞌóchjì Néná, akjángá kó katsjaá xota̱ tsi̱ꞌe̱, tsi̱ꞌe̱ nga sa̱ꞌínkjaꞌasoón xota̱ kjiín.

Rkaa̱ 24:30

Kó ngije síndotꞌa yámíxa̱a̱, Kjisoo̱ iskjíbé paa̱n, katsꞌénchikonñé, akjángá sꞌe̱ katsjaá kui jaá,

Juaa̱ 6:23

Kósꞌe̱ kje̱ꞌe tjotso je xi chji̱a̱ni na̱xi̱ńdáꞌniú Tiberia̱ jachó ngi̱ndie nínga iskjinie pan, ngije Ndi̱a̱a̱ katsjá ndokꞌóchjì.

Ni xi kamá 27:35

Kó ngije tsíchji̱a̱ kui eén, Pabloo̱ iskjíbé ngo pan, kósꞌe̱ katsjaá ndokꞌóchjì Néná ngindyi̱ko̱n ngayeje kui jaá, kó akjángá, sꞌe̱ iskjinie,

Xota̱ Roma̱ 14:17

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií.

Xota̱ Roma̱ 14:3

Kui xota̱ xi ngayeje nii̱ xi kjinie, chjiénjín nga chꞌo ka̱maa̱ xota̱ xi ta̱ káꞌá tsí nii̱ xi kjinie, kó kui xota̱ xi ta̱ chiboa tsí má ni xi kjinie, chjiénjín nga skotsíjee̱n tsi nda ko̱jo tsi ndajín ndyi̱tsꞌèn xota̱ xi ngayeje nii̱ xi ma kjinie, ngatꞌa̱ Néná ngayeje xotaa̱ nga katsꞌénjo̱ꞌo.

Xota̱ Roma̱ 14:6

Kui xota̱ xi ndyi̱bendikón ngo ni̱xtjii̱n, ndyi̱tsꞌèn kuí nii̱ ngatꞌa̱ ndyi̱bendikón Ndi̱a̱ná, kó xi ndyi̱bendikónjín ngo ni̱xtjin, ndyi̱tsꞌènjín kui nii̱ ta̱ngatꞌaa̱ Ndi̱a̱ná. Kó kui xi ndyi̱kjinie ngayeje to̱ko̱ya nichiniee̱, ta̱ngatꞌanií Ndi̱a̱ná nga ndyi̱kjinie ngatꞌa̱ ndyi̱tsja̱á ndokꞌóchjì, kó xi ndyi̱kjiniejín ngayeje to̱ko̱ya nichiniee̱, ta̱ngatꞌanii̱ Ndi̱a̱ná nga bo̱a̱ ndyi̱tsꞌèn, kó ti̱ tsjaá ndokꞌóchjì nga.

1 Xota̱ Korinto̱ 6:13

Ni chiniee̱ tsi̱ꞌe̱ ndo̱ꞌo̱stsa̱ná boá, kó ndo̱ꞌo̱stsa̱ná tsi̱ꞌe̱ nichiniee̱ boá, ta̱nga nga jó kui nii̱ xi sa̱ꞌínkjié Néná. Ta̱nga yojoná jmí tsi katseꞌéná tsi̱ꞌe̱ nga tondo̱ ka̱ma ñá, ta̱sá tsi̱ꞌe̱ nga xaá Ndi̱a̱ná xi si̱ꞌán, ngatꞌa̱ yojoná tsi̱ꞌe̱ Ndi̱a̱ná boá.

1 Xota̱ Korinto̱ 7:28

Ta̱nga tsi ku̱i̱xen, tiniꞌínjéjín ji, kó tsi ngo tsa̱kjìn xo̱ngò ku̱i̱xan, tjítsꞌénjéjín. Ta̱nga xota̱ xi ku̱i̱xaa̱n kꞌuieé kjo̱a̱xtii̱ kui nga̱sondiee̱, kó an mejénna nga ku̱i̱tjájinjínjnú kui nii̱.

1 Xota̱ Korinto̱ 8:8

Nga ja̱koxi̱ jmí tsi ta̱ngatꞌanii̱ nichiniee̱ nga ꞌniú ngase tiña ku̱i̱ndyiontꞌáa̱ Néná, ngatꞌa̱ jmí tsi nda ngase ka̱ma ñá kjo̱a̱a̱ nichiniee̱, ti̱nde jmí tsi chiboa ngase ka̱ma ñá kjo̱a̱a̱ nga xi̱ni̱e̱ jàn nichinie.

Xota̱ Kolosa̱ 2:16

Kó kuíni nga, ngata̱ niꞌánsénjínjnúu̱ xota̱ xikó ka̱tso̱ kjo̱a̱a̱ ni xi chiniejnú, ko̱jo ni xi ꞌyójnú, ko̱jo tsi kjo̱a̱a̱ ni̱xtjii̱n sꞌué, ko̱jo tsi kjo̱a̱a̱ sꞌué xí má nga chjindié saá, ko̱jo tsi kjo̱a̱a̱ ni̱xtjin ndikón.

Xota̱ Kolosa̱ 3:17

Ngayeje ni xi si̱ꞌánjnú, ko̱jo ni xi kꞌuínjnú ngongá jaꞌeén Ndi̱a̱ná Kjisoo̱ xi ti̱ꞌankjiénjnú nga ko̱e̱ꞌéjnúu̱ ndokꞌóchjì Néná xí Na̱ꞌmii̱, ngatꞌaa̱ ni xi katsꞌén Kristoo̱ kjo̱a̱a̱ jún.

1 Timoo̱ 2:4

Néná mejeén nga kjo̱tjoꞌa ngayeje xotaa̱, ko̱jo nga sku̱i̱e̱ ni xi ja̱koxi̱i̱.

1 Timoo̱ 4:4

Nda ngayeje ni xi Néná katsꞌénda, kó chjiénjín nga si̱ꞌanchꞌo tsi chjábé nga ko̱e̱ꞌée̱ ndokꞌóchjì Néná.

1 Timoo̱ 5:14

Kuíni nga mejénna nga ku̱i̱xan ínchjín kꞌán xi je kꞌien xi̱ꞌii̱n xi kjindií, kó ngatꞌieé ndí, nga koo̱n ndiꞌaa̱, kó nga tsjandièjiín nga xota̱ xi kondraa̱ ku̱i̱chji̱a̱taꞌin.

Xota̱ Ebreo̱ 13:4

Ngayeje jún, cha̱ndikónjnú kjo̱a̱bixaa̱n, kó cha̱ndikónjnú xi̱ꞌinjnú ko̱jo tsi chjo̱ónjnú, ngatꞌa̱ xota̱ xi tondoo̱, ko̱jo kui xi ndyi̱tsꞌèntꞌaa̱ kjo̱a̱ xkjín, Néná boá xi ko̱tíjeé.

Xota̱ Ebreo̱ 13:9

Ngata̱ ki̱a̱jín mongíntjíngíjnúu̱ ngo kjo̱a̱bokoyá xi kje̱ꞌe tsó, ko̱jo xi yàjín, ngatꞌa̱ ta̱sá nda ngase nga ini̱ma̱ná sa̱kó ngaꞌniuú ngi̱yaa̱ kjo̱a̱ndaa̱ Néná, ta̱bo̱a̱jiín tsi ki̱a̱ kongíntji̱ngí kjo̱a̱botíxomaa̱ nichinie xi jmíni̱xtjin asíko̱jo xota̱ xi ki̱a̱ kijítji̱ngii̱.