1 Timoo̱ 4:16 - Xo̱jo̱n eén Néná

¹⁶ Chíi̱n yojòo̱ ko̱jo chíi̱n ni xi tibokoyée̱ xotaa̱, ꞌniú ti̱ndyíi̱n ngayeje kui nii̱, ngatꞌa̱ tsi bo̱a̱ si̱ꞌin, kjo̱tjoꞌàa̱ yojòo̱, kó ti̱ ko̱ꞌna̱xiéꞌé ji xi ku̱i̱ntꞌie̱é nga.

1 Timoo̱ 4:16 ပူးပေါင်းရင်းမြစ်များ

Éksondo̱ 23:13

»Ti̱ꞌankjatjosónjnú ngayeje kui kjo̱a̱kitii̱, kó nga chiíjín chjiáꞌajnúu̱ nga ko̱síko̱jójnú kje̱ꞌe ne, ti̱nde nga niꞌánkaxomájínjnú jaꞌeén.

Markoo̱ 13:9

Ta̱nga ti̱ juún chónjnú yojojnú, ngatꞌa̱ si̱ꞌankꞌasꞌienjnú ngi̱ya tsja jáxaá, kó kjoájnú ki̱a̱ ngi̱ya ndiꞌa nínga ndokjo̱a̱ eén Néná, kó ngindyi̱ko̱n xtitjón ko̱jo ngindyi̱ko̱n ree̱ kongínjo̱jnú ta̱ngatꞌanii̱ an, tsi̱ꞌe̱ nga ko̱ndókjo̱a̱jnú kjo̱a̱a̱ an ngindyi̱ko̱n kui xotaa̱.

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

Ni xi kamá 26:22

Ta̱nga ta̱ngatꞌanii̱ nga Néná asíko̱jona kuíni nga kixi̱ tikòn an ngotꞌe̱, nga tsꞌénchji̱a̱jo an kjo̱a̱a̱ ndi̱ya̱à Néná ngayeje xota̱, xi xchá xí kjindí, jmíni̱xtjin nga kje̱ꞌe ni xi tsꞌénchji̱a̱jo an kjo̱a̱a̱ ni xi tsíchji̱a̱ já chji̱ni̱e̱ꞌe̱én Néná, ko̱jo Moisee̱ nga tsíchji̱a̱ kjo̱a̱a̱ ni xi ka̱ma:

Ni xi kamá 6:4

Kó ji̱n ta̱kó ko̱ndókjo̱a̱jne̱ Néná, ko̱jo ta̱kó kꞌuiníjmi̱jne̱ eén.

Xota̱ Roma̱ 11:14

Tsi tjítsꞌen onkon an xota̱ na̱xi̱ńdaá nangina, bo̱a̱ tjítsꞌen an, tsi̱ꞌe̱ nga kjo̱tjoꞌa chiboa kui xotaa̱.

Xota̱ Roma̱ 16:17

Jún ntsꞌie, ꞌniú míꞌájnúꞌun nga xchónjnúu̱ yojojnú kjo̱a̱a̱ kui xota̱ xi bokjangá, ko̱jo xi tsꞌénchájá xotaa̱, kui xi kondra̱ fínii̱ ni xi je akakoyájnú, chje̱ꞌéxíntꞌajnúu̱ yojojnú xota̱ xi̱ꞌba̱.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

1 Xota̱ Korinto̱ 9:22

Ngi̱jii̱n xota̱ xi kji̱e̱ ꞌniújín sꞌijii̱n Néná, xikoó tsi ngo kui xotaa̱ katsꞌen an yojona, tsi̱ꞌe̱ nga asiko̱jo an nga ꞌniú ngase sꞌi̱jii̱n. Xi kókón ngayeje to̱ko̱ya xotaa̱, bo̱a̱ kon katsꞌen an yojona, tsi̱ꞌe̱ nga ti̱ kuí xí kjo̱tjoꞌani kaꞌa xota̱.

1 Xota̱ Korinto̱ 9:27

ta̱sá tsꞌéntsjàa̱ kjo̱a̱ni̱ma̱ yojona, kó tsꞌèe̱n kjo̱a̱ꞌniú tsi̱ꞌe̱ nga sa̱ꞌínkjatjosón ni xi mejénna nga sa̱ꞌín, ngatꞌa̱ tsi ta̱ xcha̱ja an ngije ja̱bo̱a̱ je ini̱jmìi̱ xota̱ xi ngasee̱.

Xota̱ Éfeso̱ 4:14

Bo̱a̱ tsꞌén nga ngiti̱ xikójiín ngo ndí ka̱ma ñá xí ngotjón ngotjón bosíkjo ni xi tsꞌénkjó. Ka̱májín ta̱xkiya kongíntji̱ngí ngo kjo̱a̱bokoyá tja̱tsi̱e̱ xi skjiénná kó kꞌo̱ṉcha̱joná, kui xi bokoyá xota̱ maña̱ xi ndi̱yà xi ndajín tjimaá.

Xota̱ Kolosa̱ 4:17

Bi̱ tꞌínjnúu̱ nda̱ xi ꞌmí Arkipoo̱: “Ti̱ꞌin ji ngo kjo̱a̱ꞌniú nga nda si̱ꞌinkjatjosén ji kui xá xi katsjaá Ndi̱a̱ná.”

1 Xota̱ Tesalónika̱ 2:16

Kó katsjandièjín nga kandokjo̱a̱jojne̱ xota̱ xi jundío̱jiín, tsi̱ꞌe̱ nga ti̱ bo̱a̱ ti̱ tsꞌén kjo̱tjoꞌa nga. Bo̱a̱ tsꞌén nga tsie ngase jé tsꞌén xikó kjiꞌi xi je katsꞌén. Ta̱nga ngotꞌe̱ ꞌne̱, jè jeꞌenié kui xotaa̱ kjo̱a̱xcha̱án Néná.

1 Timoo̱ 1:3

Kjiꞌanga kijí an nangi Masendonia̱, ꞌniú tsíꞌaá tsi̱ꞌe̱ nga ki̱a̱ ku̱i̱ndyin ji na̱xi̱ńdáꞌniú Éfeso̱, kó ti̱ kuíꞌá ngiñaá tsi̱ꞌe̱ nga kꞌuíchjée̱ xota̱ xi kje̱ꞌe ni xi ndyi̱bokoyá,

1 Timoo̱ 4:15

Ti̱ꞌin ji kui nii̱, kó ꞌniú tasínijìi̱n, tsi̱ꞌe̱ nga ngayeje xotaa̱ sku̱i̱e̱ nga nda tjítsꞌeén kjo̱a̱nda xi katseꞌeé.

1 Timoo̱ 4:6

Tsi kui nii̱ xi ko̱ko̱yée̱ ntsꞌié, ngo nda̱ xi nda tsꞌénxátꞌaa̱ Jesukristoo̱ ka̱ma ji, kó tsja̱á ngaꞌniú kui eén kjo̱a̱sꞌijinná ko̱jo kjo̱a̱bokoyá xi tiꞌmitji̱ngi ji.

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

2 Timoo̱ 3:14

Ta̱nga ji ta̱kó ꞌniú tꞌentji̱ngìi̱ ngayeje kui ni xi je akakoyaá, kui ni xi je kasasiee̱n, kó ye ji ꞌyání bo̱a̱ xi akóyaá,

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

Titoo̱ 1:9

Én xi ꞌniátakón xí akakoyaá, kó kuí xí chjiéngá ko̱kóyá, tsi̱ꞌe̱ nga ka̱maa̱ tsja̱angaꞌniuú kje̱ꞌe xota̱ nga sa̱ꞌínkjién kuí kjo̱a̱bokoyá ndaa̱, ko̱jo tsi̱ꞌe̱ nga sa̱ꞌínkie nga sa̱ꞌínkꞌoyà yojoo̱ kui xota̱ xi kondra̱ síndonii̱ kui kjo̱a̱bokoyaá.

Titoo̱ 2:15

Kuí nii̱ xi chjiéngá ko̱ko̱yée̱. Te̱ꞌéngaꞌníi̱, kó ti̱ꞌinchji̱ni̱ ji xotaa̱, nga si̱ꞌinkjìn jí xá xí tjiín. Ngata̱ ngojín xota̱ xi ta̱ ton sku̱i̱e̱e̱.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Filemoo̱ 1:19

An Pabloo̱, án má xi tjítsꞌenda an kui xo̱jo̱o̱n, kó bi̱ xian an: Án boá xi kꞌuichjí án. Ta̱nga ka̱mana sa̱ꞌinkjaꞌátsjiée̱n ni xi tjitjíe̱n tsa̱ꞌa̱n, ngatꞌa̱ ta̱ngatꞌanií én xí íni̱jmi̱ì nga tjiín kjo̱a̱mindyion ngindyi̱ko̱n Néná.

Xota̱ Ebreo̱ 12:15

Chindajnú nga ngojín xi sa̱ꞌínchꞌó kjo̱a̱ndaa̱ Néná, nga tsi ngo xi ndajín tjíjin ini̱ma̱a̱ tsja̱á kjo̱a̱xti, kuí nii̱ xi sa̱ꞌínniꞌii̱n xotaa̱, kó ka̱ma tsie kui ni xi ndajiín,

Xota̱ Ebreo̱ 13:9

Ngata̱ ki̱a̱jín mongíntjíngíjnúu̱ ngo kjo̱a̱bokoyá xi kje̱ꞌe tsó, ko̱jo xi yàjín, ngatꞌa̱ ta̱sá nda ngase nga ini̱ma̱ná sa̱kó ngaꞌniuú ngi̱yaa̱ kjo̱a̱ndaa̱ Néná, ta̱bo̱a̱jiín tsi ki̱a̱ kongíntji̱ngí kjo̱a̱botíxomaa̱ nichinie xi jmíni̱xtjin asíko̱jo xota̱ xi ki̱a̱ kijítji̱ngii̱.

Xo̱jo̱o̱n Sandiyaá 5:20

ngatamayajnú jún nga ta̱ ꞌyání xi sa̱ꞌínkjíꞌoyá ngo xota̱ jé kjo̱a̱a̱ kui ndi̱yà xi ndajínkjiꞌi xi kistsoꞌbá, jè tsꞌaxiéꞌá tsi̱ꞌe̱ nga ko̱yàjín nda̱ xi katsꞌénjeé, kó kuí boá xi katsꞌén nga kjín jeé kui nda̱a̱ je kiniꞌánjetakoón.