1 Timoo̱ 4:13 - Xo̱jo̱n eén Néná

¹³ Ti̱ꞌinyée̱ xo̱jo̱n eén Néná xotaa̱, te̱ꞌéngaꞌníi̱ ko̱jo takoyèe̱, tji̱e̱nga kjóchó an.

1 Timoo̱ 4:13 ပူးပေါင်းရင်းမြစ်များ

Juaa̱ 5:39

Chjátꞌayájnú ni xi tsó xo̱jo̱n eén Néná, ngatꞌa̱ bo̱a̱ tsꞌén nga ki̱a̱ sa̱kójnú kjo̱a̱mindyion ngatsjéni̱xtjii̱n, kó kuí boá kui én chistiko̱ xi chji̱a̱ kjo̱a̱a̱ an,

Ni xi kamá 17:11

kó kui xota̱ jundíoo̱ nda ngase xota̱ kamá ta̱bo̱a̱jínnii̱ xi síndo na̱xi̱ńdáꞌniú Tesalónika̱, ngatꞌa̱ achichí tsja kamaá nga tsintꞌieé eén Néná, kó ndyiojón ndyiojón iskjítꞌoyà xo̱jo̱n eén Néná kui já jundíoo̱, ta̱ tsi̱ꞌe̱ nga sku̱i̱e̱ tsi kjeén nga ja̱koxi̱ én xí tjíꞌmíyaá.

Ni xi kamá 6:4

Kó ji̱n ta̱kó ko̱ndókjo̱a̱jne̱ Néná, ko̱jo ta̱kó kꞌuiníjmi̱jne̱ eén.

Xota̱ Roma̱ 12:8

Xi katseꞌeé kjo̱a̱nda tsi̱ꞌe̱ nga tsja̱angaꞌniuú xotaa̱, nga tsja ngaꞌniuú. Xi katseꞌeé kjo̱a̱nda tsi̱ꞌe̱ nga tsja̱a to̱n, ngayeje kon nga ngatasikójo. Xi katseꞌeé kjo̱a̱nda tsi̱ꞌe̱ nga kꞌuijñátjón, kixi̱ nga tsꞌén kuí xaá. Xi katseꞌeé kjo̱a̱nda tsi̱ꞌe̱ nga ni̱ma̱ ka̱maa̱ xotaa̱, tsjangatamaa̱ nga sa̱ꞌín kui xaá.

1 Xota̱ Korinto̱ 14:26

Kó mí ni xi xiánjnúꞌun já ntsꞌie. Kjiꞌanga matikójo̱jnú xingi̱jnú tjín xí sie salmo̱, tjín xí bokoyaá xota̱ xi ngasee̱, tjín xí tsáyà ni xi bokoó Néná, tjín xí chji̱a̱ kje̱ꞌe én xí makjínjiín xotaa̱ xi tsjá A̱si̱énni̱xtjii̱n Néná, tjín xí tsꞌenkꞌátioya én xí makjínjiín xotaa̱ xi tsjá A̱si̱énni̱xtjii̱n Néná. Ngayeje ni xi si̱ꞌánjnú nga ngo nga ngojnú, bo̱a̱ ti̱ꞌánjnú tsi̱ꞌe̱ nga xtjonínkꞌá xota̱ na̱ngo̱xi̱i̱.

1 Xota̱ Korinto̱ 14:3

ta̱nga xi tsáyà én xí Néná tsjaá, kuí boá xi chji̱a̱jo xotaa̱, tsi̱ꞌe̱ nga skjinínkꞌá, ko̱jo ko̱síko̱jo, ko̱jo sa̱ꞌíndajoo̱n.

1 Xota̱ Korinto̱ 14:6

Kó ngotꞌe̱ ꞌne̱ já ntsꞌie, tsi kjóchokonjnúꞌun nga tsꞌénchji̱a̱ an kje̱ꞌe én, xi makjínjiín xotaa̱ xi tsjá A̱si̱énni̱xtjii̱n Néná. Mí nganda xi sa̱kójnú tsi bo̱a̱ sa̱ꞌin an. Kjiꞌá nga ndakjiꞌi tsi kuichjiájojnúꞌun ngo ni xi akóna Néná, ko̱jo tsi ngo ni xi makjínna xi xiyàjnúꞌun, ko̱jo tsi xiyàjnúꞌun ngo én xí Néná tsjá, ko̱jo tsi ngo ni xi kokoyájnúꞌun.

1 Timoo̱ 4:16

Chíi̱n yojòo̱ ko̱jo chíi̱n ni xi tibokoyée̱ xotaa̱, ꞌniú ti̱ndyíi̱n ngayeje kui nii̱, ngatꞌa̱ tsi bo̱a̱ si̱ꞌin, kjo̱tjoꞌàa̱ yojòo̱, kó ti̱ ko̱ꞌna̱xiéꞌé ji xi ku̱i̱ntꞌie̱é nga.

1 Timoo̱ 4:6

Tsi kui nii̱ xi ko̱ko̱yée̱ ntsꞌié, ngo nda̱ xi nda tsꞌénxátꞌaa̱ Jesukristoo̱ ka̱ma ji, kó tsja̱á ngaꞌniú kui eén kjo̱a̱sꞌijinná ko̱jo kjo̱a̱bokoyá xi tiꞌmitji̱ngi ji.

2 Timoo̱ 3:15

kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

Titoo̱ 2:15

Kuí nii̱ xi chjiéngá ko̱ko̱yée̱. Te̱ꞌéngaꞌníi̱, kó ti̱ꞌinchji̱ni̱ ji xotaa̱, nga si̱ꞌinkjìn jí xá xí tjiín. Ngata̱ ngojín xota̱ xi ta̱ ton sku̱i̱e̱e̱.