1 Timoo̱ 4:12 - Xo̱jo̱n eén Néná

¹² Ngata̱ boeꞌéndièjín ji nga ta̱ ton xchaa̱, ngatꞌa̱ xo̱ngò ji. Ta̱sá chjiéngá chi̱bo̱a̱ ka̱maa̱ ji xota̱ xi sꞌijii̱n Néná kjo̱a̱a̱ xikótsꞌèn ndokjo̱e̱, ko̱jo xikótsꞌèn tindyin, ko̱jo xikótsꞌèn tjiín kjo̱a̱tjó, ko̱jo xikótsꞌèn sꞌijii̱n Néná, ko̱jo xikótsꞌèn tsjie tindyin ji ngindyi̱ko̱n Néná.

1 Timoo̱ 4:12 ပူးပေါင်းရင်းမြစ်များ

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

1 Xota̱ Korinto̱ 11:1

Chja̱ꞌángíjnúꞌun xikó tjítsꞌen an, xikótsꞌèn an tsꞌénfoaꞌangíi̱ Kristoo̱.

Xota̱ Filipo̱ 4:8

Kó nga fetꞌaa̱ já ntsꞌie, kuí nii̱ xi ti̱ꞌankjójnú: ngayeje ni xi ja̱koxi̱, ngayeje ni xi yandikón ngindyi̱ko̱n Néná, ngayeje ni xi kixi̱, ngayeje ni xi tsjie, ngayeje ni xi ꞌniú nda, ko̱jo ngayeje ni xi tjiín jaꞌén xi nda. Tsi tjín ni xi nda ko̱jo ni xi tsoboaá nga niꞌántsjá, kuí nii̱ xi ti̱ꞌankjójnú.

1 Xota̱ Tesalónika̱ 1:6

Kó jún kachjaꞌángijnú ji̱n, kó ti̱ kachjaꞌángijnúu̱ Ndi̱a̱ná nga kixindyionjnú, ngatꞌa̱ ndatsi tsie kjo̱a̱ni̱ma̱ ikitjatiójnú nga kachjábéjnú eén Néná, ta̱nga A̱si̱énni̱xtjii̱n Néná katsjájnú kjo̱a̱tsja.

1 Xota̱ Tesalónika̱ 2:10

Jún ko̱jo Néná xí chistiko̱jnú, nga ji̱n xi xota̱ tsjie ji̱n, xota̱ xi kixi̱, ko̱jo xota̱ xi jmíjín xi chꞌo tsꞌén kandokjo̱a̱taꞌin kamájne̱ nga kisꞌiṉtjajne̱ ngi̱jinjnú jún xi sꞌijinjnú Néná.

1 Timoo̱ 1:14

Achichí tsie kjo̱a̱nda xi katsjána Ndi̱a̱ná, kó katsjána kjo̱a̱sꞌijin, ko̱jo kjo̱a̱tjó xi tjiín Kristo̱ Kjisoo̱.

2 Timoo̱ 2:15

Ti̱ꞌin ji ngo ngaꞌniú tsi̱ꞌe̱ nga nda tsꞌén kꞌuin jí ngindyi̱ko̱n Néná, xikoó ngo nda̱ xi je kiniꞌánjo̱ꞌo, xikoó ngo nda̱ xi tsꞌénxá xi jmíjiín míkjo̱a̱a̱ nga soboá ka̱maa̱, xi bokoyá cha̱n cha̱n én xí ja̱koxi̱i̱.

2 Timoo̱ 2:22

Chje̱ꞌéxíi̱n yojòo̱ ni xi ndajín xi mején tsꞌén já xo̱ngo̱ò, kó tꞌentji̱ngi ji kjo̱a̱kixi̱i̱, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱xioó, ki̱a̱ ti̱ꞌinkamaje̱ xota̱ xi tsjie ini̱ma̱a̱ ko̱jo xi chji̱a̱a̱ Ndi̱a̱ná.

2 Timoo̱ 2:7

Nda ti̱ꞌinkjé jí kjo̱a̱a̱ kui ni xi tꞌíxiaán, kó Ndi̱a̱ná tsja̱á nga kamákjiín ngayeje kui nii̱.

Titoo̱ 2:15

Kuí nii̱ xi chjiéngá ko̱ko̱yée̱. Te̱ꞌéngaꞌníi̱, kó ti̱ꞌinchji̱ni̱ ji xotaa̱, nga si̱ꞌinkjìn jí xá xí tjiín. Ngata̱ ngojín xota̱ xi ta̱ ton sku̱i̱e̱e̱.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Xo̱jo̱o̱n Sandiyaá 3:13

ꞌYání xi kjínkón ko̱jo xi ꞌniú makjiín ngi̱jinjnú. Nga ta̱kó kui nii̱ nga nda ni xi sa̱ꞌín, kó ni̱ma̱kjo̱a̱ ngatama nga sa̱ꞌín ni xi tsjaá kui kjo̱a̱kjínkón xi ndaa̱.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

1 Xo̱jo̱o̱n Peé 5:3

Ngata̱ tajájín niꞌánjo̱jnú xikoó tsi jún xi ndi̱a̱a̱ kui xota̱ xi ndyi̱chonjnú ka̱majnú, ta̱sá takójnúu̱ ngo chi̱bo̱a̱ xi nda xikótsꞌèn kꞌuíndo xota̱ xi tsi̱ꞌe̱ Néná.