1 Timoo̱ 4:10 - Xo̱jo̱n eén Néná

¹⁰ Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

1 Timoo̱ 4:10 ပူးပေါင်းရင်းမြစ်များ

Xo̱jo̱n Salmoo̱ 107:2

¡Bo̱a̱ kꞌuin ñá, ngatꞌa̱ kuí boá xi tsꞌaxiéꞌáná kjiꞌanga xota̱ Ejiptoo̱ atíxománá!

Xo̱jo̱n Salmoo̱ 118:8

Chjí ngasenii̱ nga Néná xí ka̱maꞌniátakón, ta̱bo̱a̱jiín tsi xota̱ nga̱sondiee̱.

Xo̱jo̱n Salmoo̱ 36:6

Kjo̱a̱kixi̱ xi niꞌín ji, bo̱a̱ má kón xikoó na̱xi̱i̱ Néná, kó kjo̱a̱botíjée̱ bo̱a̱ má kón xikoó nínga na̱nga̱a̱ ndáchíkoón. ¡Jí boá xi tichìi̱n nga síndo xota̱ nga̱sondiee̱ ko̱jo cho̱o̱!

Xo̱jo̱n Salmoo̱ 37:40

Néná boá xi bosikójo, ko̱jo xi tsꞌéndé, tsꞌéndé ngi̱ya tsja xota̱ xi ndajiín, kó ꞌboxiéꞌá, ngatꞌa̱ Néná boá xi askoo̱n kó kamáꞌniátakón kuí.

Xo̱jo̱n Salmoo̱ 52:8

Ta̱nga an, xikó maá ngo yáꞌolibo̱ xi tikón tsingá tsingá ka̱ma nga kotíjña̱ an ki̱a̱ ndiꞌaa̱ Néná, ngatꞌa̱ kjo̱a̱ni̱ma̱takoón Néná boá xi ngatsjéni̱xtjin nga kjimaꞌniátakón an.

Xo̱jo̱n Salmoo̱ 84:12

¡Ji Ne xi tsi̱ꞌe̱ jájuún, achichíra̱tsjaa̱ kui nda̱ xi ji kjimaꞌniátakoón!

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 27:43

Kamáꞌniátakón Néná, ja̱ Néná ngatꞌaxiéꞌá ngotꞌe̱ ꞌne̱ tsobo̱a̱ tsi tjoó, ngatꞌa̱ bi̱ katsó: Án xí ndií Néná.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 4:42

kó bi̱ kiꞌmií kui xota̱chjo̱on: –Jmí tsi ta̱ kjo̱a̱a̱ ni xi kasejne̱ nga sꞌijinjne̱, sꞌijinjne̱ kjo̱a̱a̱ nga ji̱n má xi kandaꞌyájne̱ ni xi katsó, kó nga je yàjne̱ nga ja̱koxi̱ boá nga kui xi Kristoo̱, xi kꞌo̱xiéꞌá xotaa̱ kui nga̱sondiee̱.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

1 Xota̱ Korinto̱ 15:10

Ta̱nga ta̱ngatꞌanii̱ kjo̱a̱ndaa̱ Néná nga án xi an, kó kui kjo̱a̱nda xi katsjána, ta̱ kjo̱a̱ndajín kamá, ta̱sá ꞌniú ngase katsꞌenxá an ta̱bo̱a̱jiín ngayeje já apostro̱ xi ngasee̱, ndatsi jmí tsi an xi bo̱a̱ katsꞌen an, kjo̱a̱nda xi katseꞌéna boá xi bo̱a̱ katsꞌén.

2 Xota̱ Korinto̱ 1:10

Néná xín katsꞌénkjaꞌajne̱ kjo̱a̱bo̱yaa̱, kó bee̱takónjne̱ nga xín sa̱ꞌínkjaꞌajne̱, kó nga ta̱kó bo̱a̱ sa̱ꞌín.

1 Timoo̱ 2:3

Ngatꞌa̱ kuí nii̱ xi nda, ko̱jo xi tsja máa kui Néná xí tsꞌaxiéꞌáná.

1 Timoo̱ 2:4

Néná mejeén nga kjo̱tjoꞌa ngayeje xotaa̱, ko̱jo nga sku̱i̱e̱ ni xi ja̱koxi̱i̱.

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

1 Timoo̱ 3:15

kó tsi kꞌo̱ndíyána, mejénna nga xchi̱e̱ ji kótsꞌèn ꞌbíndo xota̱ xi tsi̱ꞌe̱ Néná, kuí boá kui xotaa̱ xi na̱ngo̱xi̱i̱ Néná xi tikoón. Xota̱ na̱ngo̱xi̱i̱ kuí boá xi kjininkꞌá, ko̱jo xi tsja ngaꞌniuú én xí ja̱koxi̱i̱.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

Xota̱ Ebreo̱ 11:26

Katsꞌénkjó kuí nga chjí ngasenii̱ kui kjo̱a̱ni̱ma̱ xi kjo̱a̱ꞌatio kui, kui xi ti̱ kjo̱a̱ꞌatio nda̱ xi katsó Néná nga sa̱ngíyá, ta̱bo̱a̱jiín nga kꞌuieé kjo̱a̱cho̱o̱n nangi Ejipto̱, ngatꞌa̱ Moisee̱ tsꞌénkoyaa̱ ni xi Néná tsja̱á.

Xota̱ Ebreo̱ 13:13

Tjianchóo̱n Kjisoo̱ tsobo̱a̱ ki̱a̱ ndi̱tsee̱n kui ṉdi̱a̱a̱, kó nijan ku̱i̱tja̱tió kuí kjo̱a̱soboá xi jaꞌatio kui.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.