1 Timoo̱ 4:1 - Xo̱jo̱n eén Néná

¹ A̱si̱énni̱xtjii̱n Néná tsáyà cha̱n cha̱n nga ngije kjifetꞌa ni̱xtjii̱n, kꞌuié xota̱ xi kꞌuijñátꞌaxín xi ngiti̱ sa̱ꞌínsꞌijinjín Néná, kó ki̱a̱ ko̱e̱je̱tji̱ngii̱ nga ku̱i̱ntꞌie̱é a̱siénni̱xtjin xi ndiso, ko̱jo kjo̱a̱bokoyá xi tsi̱ꞌe̱ xindajín.

1 Timoo̱ 4:1 ပူးပေါင်းရင်းမြစ်များ

Jenesii̱s 3:13

Kósꞌe̱ Néná bi̱ katsoó kui naa̱: —Míkjo̱a̱a̱ nga bo̱a̱ kjiꞌi kon ni xi kiniꞌín ji. Kó bi̱ katsó kui naa̱: —Ye̱e̱ boá xí tsꞌenṉcha̱jona. Kuíni nga iskjíni̱e̱ an kui too̱.

Xki̱ 24:14

Jè tsꞌénfí an, ta̱nga ngindiee̱ nga kjuín án, xiyaá ni xi xota̱ Israee̱l jaskan sa̱ꞌínjo̱ xota̱ na̱xi̱ńdá xí tse̱.

Matioo̱ 18:7

Achichí ni tjiín kui nga̱sondiee̱ xi tsꞌén nga ngo xota̱ xi tsꞌénkjátjosónjiín Néná, kó jmíjín kótsꞌèn ka̱ma kꞌuichjáa̱. Ta̱nga, achichí nga ndajín kꞌuijñá kui xota̱ xi sa̱ꞌín ngo ni, tsi̱ꞌe̱ nga kje̱ꞌe xota̱ sa̱ꞌínkjatjosónjiín Néná.

Rkaa̱ 17:1

Sꞌe̱ Kjisoo̱, bi̱ katsoó nga tsíchji̱a̱jo xota̱ tsi̱ꞌe̱: Achichí niꞌin kjiꞌi nga jmíjín xi sti̱ngí kjo̱a̱a̱ nga ngo jé sa̱ꞌín, ¡ta̱nga ni̱ma̱ xò xí sa̱ꞌín ngo ni, tsi̱ꞌe̱ nga kje̱ꞌe xí sa̱ꞌínjé!

Juaa̱ 16:13

ta̱nga nga kji̱ndi̱bá A̱si̱énni̱xtjii̱n Néná xí ja̱koxi̱i̱, kuí xí ko̱kójnú ni xi ja̱koxi̱, ngatꞌa̱ jmí tsi kui xi ku̱i̱chji̱a̱ soboá, ni xi ku̱i̱ntꞌiè xí ku̱i̱chji̱a̱, kó kuí xí ka̱tso̱yà ni xi sꞌe̱ ka̱ma.

Ni xi kamá 13:2

Ngo ni̱xtjin tji̱e̱nga síndotikó nga ndyi̱tsꞌéndíkón Ndi̱a̱ná, ko̱jo nga ndyi̱tsꞌèn kjindiá, A̱si̱énni̱xtjii̱n Néná, bi̱ katsó: –Tꞌíjñitꞌaxínní Bernabee̱ ko̱jo Sauloo̱, tsi̱ꞌe̱ nga sa̱ꞌín kui xá xí tsíchji̱a̱ñàa̱.

Ni xi kamá 17:18

Kó tjín xota̱ xi kjínkón xi ꞌmí filósofo̱ xi iskjítꞌoyà ni xi akóyá já xí ꞌmí Epikúreo̱, ko̱jo xi iskjítꞌoyà ni xi akóyá já xí ꞌmí estoiko̱ xi ítsꞌi̱yanii̱ nga askjotíjo̱ Pabloo̱, kó tjín xí bi̱ katsó: –Mí ni xi tsꞌénchji̱a̱ kui nda̱ xi tá se chji̱a̱a̱. Kó kje̱ꞌe xi bi̱ katsó: –Máraá tsi kui nda̱a̱ xi tsꞌénꞌbini̱jmì kjo̱a̱a̱ Ne xi tja̱tsi̱e̱. Kui nii̱ xi katsó kui jaá ngatꞌa̱ nga Pabloo̱ íni̱jmì éntjatsi̱e̱e̱ Kjisoo̱, ko̱jo kjo̱a̱a̱ nga jaꞌáꞌyá nginií.

Ni xi kamá 20:23

ta̱ ngototo nga A̱si̱énni̱xtjii̱n Néná tsꞌéntsáyàna nga ngayeje na̱xi̱ńdáꞌniú, ndo̱bo̱a̱yà si̱ꞌankjína, ko̱jo nga tsie kjo̱a̱ni̱ma̱ xi kjo̱a̱ꞌatio an.

Ni xi kamá 21:11

kui nda̱ xi nga jachókónjne̱, iskjíbé tji̱xi̱ín Pabloo̱, ítaꞌniú tsja ko̱jo se, sꞌe̱ bi̱ katsó: –A̱si̱énni̱xtjii̱n Néná, bi̱ katsó nga ki̱a̱ xò na̱xi̱ńdáꞌniú Jerusale̱n xota̱ jundíoo̱ bi̱ xò tsꞌén ku̱i̱ꞌítaꞌniú nda̱ xi tsi̱ꞌe̱ kui tji̱xi̱ín, kósꞌe̱ sa̱ꞌínkꞌasꞌien xò ngi̱ya tsja xota̱ xi jundío̱jiín.

Ni xi kamá 28:25

kó nga jmí ni índajín, ńgó ńgó kijí, kó Pabloo̱ ta̱ bi̱ tsí katsoó: –Achichí nda tsíchji̱a̱jo xota̱ tji̱e̱ xchájnú A̱si̱énni̱xtjii̱n Néná nga katsꞌénkíchji̱a̱ nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó:

1 Xota̱ Korinto̱ 10:20

Ta̱sá tꞌíxián an nga xota̱ xi tsꞌenkꞌásꞌieén kjo̱a̱tjó ne xi tsꞌénda xotaa̱, nga xindajín boá xi ndyi̱tsꞌènkꞌásꞌieén kui nii̱, jmí tsi Néná xí ndyi̱tsꞌènkꞌásꞌieén, kó mejénjínna nga jún si̱ꞌanngojo̱jnú yojojnú xindajiín.

1 Xota̱ Korinto̱ 11:19

Chjiéngá nga kja̱xꞌi̱a̱ kja̱xꞌi̱a̱jnú xingi̱jnú, ta̱nga tsi̱ꞌe̱ nga xcha̱ ꞌyání xi ja̱koxi̱ nga ꞌniú síndo ngindyi̱ko̱n Néná.

1 Xota̱ Korinto̱ 12:11

Ta̱nga ta̱ ngo tsí A̱si̱énni̱xtjii̱n Néná xí tsꞌén kuí nii̱, ko̱jo xikótsꞌèn mejeén kui, kó bo̱a̱ tsꞌén tsjaá nga ngo nga ngo xota̱ na̱ngo̱xi̱i̱.

1 Xota̱ Korinto̱ 2:10

Ta̱nga A̱si̱énni̱xtjii̱n Néná jè akóná kui nii̱, ngatꞌa̱ A̱si̱énni̱xtjii̱n ngayeje nii̱ xi kotꞌa, ngaskande ni xi ꞌniú tjiꞌmaá Néná.

2 Xota̱ Korinto̱ 11:3

Ta̱nga nda̱ kjimana, nga xikótsꞌèn ye̱e̱ katsꞌénkjién kjo̱a̱mañaa̱ nga tsꞌenṉcha̱jo na̱ Ebaa̱, nga ti̱ bo̱a̱ ti̱ tsꞌén xi̱ꞌṉcha̱jojnú jún, tsi̱ꞌe̱ nga ka̱matsobéjii̱n kjo̱a̱kjíntakónjnú, kó jmí tsi tsjietsꞌén, ko̱jo tsi ngayeje takónjnú nga kongintjingíjnúu̱ Kristoo̱.

Ndeuteronomio̱ 32:29

Tsi ngi̱chíra xi̱ꞌinkjo̱a̱jnú katsaki, xcha̱ra̱jnú kjo̱a̱botíjé xi sa̱kójnú.

Ndeuteronomio̱ 4:30

Tsi ngi̱jii̱n kjo̱a̱ni̱ma̱jnú ko̱jo nga je nda̱ kjimajnú, kó tsi ko̱nda̱ꞌyáꞌén nginíjnúu̱ Néná,

Xota̱ Kolosa̱ 2:18

Ngata̱ niꞌánsénjínjnúu̱ xota̱ xi ni̱ma̱kjo̱a̱ ndyi̱tsꞌèn yojoo̱, kó ndítsjie ndyi̱tsꞌéndíkón, kuí boá xi ku̱i̱ꞌíchjaá nga sa̱kójnú ni xi niꞌán xi si̱ꞌánjnú, kui xotaa̱ ndyi̱tsó nga ngo xò ni akakoo̱, kó je ꞌboxié yojoo̱ ta̱nga kjo̱a̱kjíntakón xi tsi̱ꞌe̱ xí ndyi̱tsꞌènkjién.

2 Timoo̱ 3:13

Ta̱nga kui xota̱ xi ndajiín, ko̱jo xi ndyi̱ꞌbindísoó, ꞌniú ngase ndajín ka̱maa̱, nga kꞌo̱ṉcha̱ ko̱jo nga xꞌi̱ṉcha̱jo.

2 Timoo̱ 4:4

Kui xotaa̱ ngiti̱ ku̱i̱ntꞌièjiín én xí ja̱koxi̱i̱, kó ta̱sá ngayeje to̱ko̱ya én xchá xí sa̱ꞌínseén.

Xo̱jo̱o̱n Sandiyaá 3:15

Ngatꞌa̱ kui xota̱ xi bo̱a̱ ndyi̱tsꞌe̱én jmí tsi Néná xí tsꞌéntsjaá kui kjo̱a̱kjínkoón, kjo̱a̱kjínkoón nga̱sondiee̱ boá, ko̱jo xi tsi̱ꞌe̱ xotaa̱, ko̱jo xi tsi̱ꞌe̱ xindajín.

1 Xo̱jo̱o̱n Peé 1:20

Néná índa ndeskande koó ngindiee̱ nga kamánda nga̱sondiee̱ nga bo̱a̱ kjiꞌi ni xi ka̱maa̱, ta̱nga kui ni̱xtjin xi kjifetꞌaa̱ tjibóko ta̱ngatꞌanii̱ nganda tsa̱jún.

2 Xo̱jo̱o̱n Peé 2:1

Ngi̱jii̱n xota̱ jundíoo̱ kisꞌie já chji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.

2 Xo̱jo̱o̱n Peé 3:3

Tjón kui nii̱ xi ꞌniú tjajintakónjnú, nga ni̱xtjin xi kju̱i̱e̱tꞌaa̱, kꞌuié xota̱ xi kꞌuíndo xikótsꞌèn mejeén ini̱ma̱a̱ nga kꞌuíndo, kó ko̱jno̱kie ni xi je akakoyájnú,

1 Xo̱jo̱o̱n Juaa̱ 2:18

Jún ndí ndí tsa̱ꞌa̱n, kuí bí xi̱ꞌbi̱ ni̱xtjin xi je kjifetꞌaa̱, kó jún jè kandaꞌyájnú nga ndibá kondraa̱ Kristoo̱, kó ngotꞌe̱ ꞌne̱, achichí jè kjín má kondraa̱ Kristoo̱ xi je jatjokjaà, kuíni nga jè ya ñá nga kuí ni̱xtjii̱n xi je kjifetꞌaa̱.

1 Xo̱jo̱o̱n Juaa̱ 4:6

Ta̱nga ji̱n Néná ndokjo̱a̱nijne̱, kó kui xota̱ xi je be Néná kuí boá xi ntꞌiéjne̱, ta̱nga kui xota̱ xi Nénájín chji̱a̱ni ntꞌiéjínjne̱. Bo̱a̱ tsꞌén nga ka̱ma xcha̱ ñá ꞌyání xi tikoón a̱siénni̱xtjin xi ja̱koxi̱i̱, kó ꞌyání xi tikoón a̱siénni̱xtjin xi ꞌboṉcha̱a̱.

Xo̱jo̱o̱n Jundaa̱ 1:18

nga bi̱ katsó: “Nga kju̱i̱e̱tꞌa ni̱xtjii̱n, kꞌuié xota̱ xi ko̱jno̱kie ni xi tsi̱ꞌe̱ Néná, kó ki̱a̱ kꞌuíndojin ni xi ndajín xi mejeén sa̱ꞌín.”

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.

Ni xi akakoo̱ 13:14

Kó tsꞌenṉcha̱jo xotaa̱ tꞌanangii̱ kjo̱a̱a̱ kui chi̱bo̱a̱ xi katseꞌeé nga sa̱ꞌín ngindyi̱ko̱n kui cho̱ chꞌokjiꞌi xi tjoón, nga bo̱a̱ katsoó xotaa̱ tsi̱ꞌe̱ nga sa̱ꞌínda ngo a̱sie̱én kui cho̱ chꞌokjiꞌi xi ta̱kó tikoón ndatsi je kiniꞌánꞌónnii̱ ngo ki̱cha̱yojó.

Ni xi akakoo̱ 16:14

ngatꞌa̱ a̱si̱énni̱xtjii̱n xindajín boá, xi katsꞌén kjo̱a̱ndikón, kó kijíkꞌítikó ngayeje já re xi chji̱a̱ni kui nga̱sondiee̱ tsi̱ꞌe̱ nga skjánjo̱ kui Néná xí tjiín ngaꞌniuú. Bo̱a̱ sa̱ꞌín nga kjo̱chó ni̱xtjin, kjiꞌanga Néná ko̱tíjeé ngayeje xota̱ nga̱sondiee̱.

Ni xi akakoo̱ 18:2

Kó ꞌniú askjandáyà nga bi̱ katsó: –Jè kiniꞌánkjatsón, jè kiniꞌánkjatsón na̱xi̱ńdáꞌniú Babilonia̱, kui xi ndiꞌaa̱ xindajín je kamá, ko̱jo ngi̱ndie nínga síndo ngayeje to̱ko̱ya a̱siénni̱xtjin xi ndándí, ndo̱bo̱a̱a̱ ngayeje to̱ko̱ya cho̱ xi tjiín nga̱, ko̱jo ti̱xa̱a̱ cho̱ tamá xi chꞌo xi ka̱májín xi̱ni̱e̱,

Ni xi akakoo̱ 18:23

kó nginijánjín sa̱ꞌíntsijee̱n ndiꞌí xí tsꞌentsíjen, ti̱nde ngiti̱ ko̱nda̱ꞌyájín nda̱a̱ nda̱ xi ku̱i̱xaa̱n, ko̱jo nda̱a̱ na̱ xi ku̱i̱xaa̱n, ngatꞌa̱ xota̱ xi botiñá ko̱jo xi ꞌbotsie nii̱, kuí boá xi kisꞌiee̱ ngaꞌniú xí chji̱a̱ni tꞌanangii̱, kó kichꞌíṉche̱je ngayeje na̱xi̱ńdá ta̱ngatꞌanii̱ kjo̱a̱tjiꞌèe̱.

Ni xi akakoo̱ 19:20

Kó kui cho̱ chꞌokjiꞌii̱ kandobá, ko̱jo kui nda̱ chji̱ni̱e̱ꞌén ndísoó kui xi kjín kjo̱a̱ndikón katsꞌén ngindyi̱ko̱n, kui kjo̱a̱ndikón xí katsꞌénkjién, kui nda̱ chji̱ni̱e̱ꞌe̱én ndísoó nga índisojo̱ xota̱ xi katsjandiè nga ikꞌíjñaá chi̱bo̱a̱a̱ kui cho̱ chꞌokjiꞌii̱, ko̱jo nga katsꞌéndikón a̱sie̱én, kó kui cho̱ chꞌokjiꞌii̱, ko̱jo nda̱ chji̱ni̱e̱ꞌe̱én ndísoó, ikichijmijin tikón ngi̱jii̱n ndáchíkón ndiꞌí xí ta̱nisién ꞌniú je nínga tjítíngajo̱ ndso̱ko̱a̱n asufree̱.

Ni xi akakoo̱ 2:11

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, jmí ni ka̱májiín nga kji̱ndi̱bá kjo̱a̱bo̱ya xi ma joó.”

Ni xi akakoo̱ 2:17

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ ni xi ꞌmí manaa̱ xi tikónꞌmaá, kó ti̱ tsjàa̱ ngo ndí ndi̱jo̱ tiboa, kui xi kjitꞌaa̱ ngo jaꞌén tja̱tsi̱e̱ xi nde kji̱e̱ ngo xi be, ta̱kuítsí xota̱ xi kjíbé kuí ndí ndi̱jo̱o̱.”

Ni xi akakoo̱ 2:29

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱.”

Ni xi akakoo̱ 2:7

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ too̱ yá xí tsjá kjo̱a̱mindyion xi tikón ngi̱ndie tsjachoo̱n Néná.”

Ni xi akakoo̱ 20:10

kó kui xindajín ndiabloo̱ kui xi tsꞌenṉcha̱jo, ki̱a̱ ikichijmijin ndáchíkón ndiꞌí xí ta̱nisién ꞌniú jee̱ ko̱jo ndso̱ko̱a̱n asufree̱, nínga ikichijmijin cho̱ chꞌokjiꞌii̱ ko̱jo nda̱ chji̱ni̱e̱ꞌén ndísoó, kó ki̱a̱ boá nínga si̱ꞌankjaꞌatio kjo̱a̱ni̱ma̱ nga ni̱xtjin ko̱jo nga ni̱xtji̱e̱n ngatsjéni̱xtjin.

Ni xi akakoo̱ 20:8

kó kjo̱tjo tsi̱ꞌe̱ nga kꞌo̱ṉcha̱jo xi botixómaá na̱xi̱ńdá Ngoo̱j ko̱jo Mangoo̱j, kui xi ta̱jñà nanginí tsoó, tsi̱ꞌe̱ nga ku̱i̱ꞌítikó nga skja̱n juún, kui xi ta̱nisién kjín má xikó maá tsomií ndáchíkoón.

Ni xi akakoo̱ 3:13

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱.”

Ni xi akakoo̱ 3:22

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱.”

Ni xi akakoo̱ 3:6

¡Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱!”

Ni xi akakoo̱ 9:20

Kó xota̱ xi ngasee̱, kui xi jesónjínni kjo̱a̱a̱ kui kjo̱a̱ni̱ma̱a̱, kui xi ti̱nde bo̱a̱ tsꞌén katsꞌénkꞌoyájín yojoo̱, kó ti̱nde íjñámasienjín nga katsꞌéndikón xindajín, ko̱jo a̱sie̱én ne xi tsꞌénda xotaa̱ xi to̱nsinié, ko̱jo xi to̱ntiboa, ko̱jo xi ki̱cha̱, ko̱jo xi ndi̱jo̱, ko̱jo xi yá, kui ni xi nde májiín be, ko̱jo nde májiín fií,