1 Timoo̱ 3:7 - Xo̱jo̱n eén Néná

⁷ Ti̱ chjiéngá xcha̱ndikón ngi̱jii̱n xota̱ xi kji̱e̱ bejín Néná, tsi̱ꞌe̱ nga jmíjín xi chꞌo ka̱tso̱ kjo̱a̱a̱ kui, kó nga kꞌo̱kajinjín kjo̱a̱chꞌáṉchaa̱ xindajín ndiabloo̱.

1 Timoo̱ 3:7 ပူးပေါင်းရင်းမြစ်များ

Markoo̱ 4:11

Kó Kjisoo̱, bi̱ katsoó: –Jún je kiꞌmíyàjnú ni xi tjiꞌmaá xikótsꞌèn botixómá Néná, ta̱nga kui xota̱ xi síndo ndi̱tsén jàn énkjín xí tjindókjo̱a̱jo nga tjíꞌmíyaá ngayeje nii̱,

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

Ni xi kamá 22:12

Kó ki̱a̱ kui ngindiee̱ tikón ngo nda̱ xi ꞌmí Ananiya̱, ngo nda̱ xi ꞌniú ni̱ma̱ máa xotaa̱ ko̱jo xi ꞌniú kamábendikón kjo̱a̱kitii̱ Moisee̱, ngayeje xota̱ jundío̱ xi síndo na̱xi̱ńdáꞌniú Ndamasko̱ kjén nga ta̱ nda tsíchji̱a̱ kjo̱a̱a̱ kui nda̱a̱,

Ni xi kamá 6:3

Kó kuíni ntsꞌie, ti̱ndyi̱séjinjnú yito jáxíꞌín ngi̱jinjnú xi nda tsꞌén síndo ngindyi̱ko̱n Néná, ko̱jo xi ꞌniú tjíjii̱n A̱si̱énni̱xtjii̱n Néná, ko̱jo xi tjiín kjo̱a̱kjínkón, tsi̱ꞌe̱ nga kui xi sa̱ꞌín kui xaá.

1 Xota̱ Korinto̱ 10:32

Ngata̱ júnjín xi niꞌánkꞌákajnú xota̱ xi jundíoo̱, ko̱jo xota̱ xi jundío̱jín, ko̱jo xota̱ na̱ngo̱xi̱i̱ Néná.

1 Xota̱ Korinto̱ 5:12

Ngatꞌa̱ ánjín tsoboána nga xiyà an tsi nda ko̱jo tsi ndajín ndyi̱tsꞌèn xota̱ xi na̱ngo̱xi̱i̱jín chji̱a̱ni. Ta̱nga, a júnjín tsoboájnú nga jún xi bo̱a̱ kꞌuínjnú tsi nda ko̱jo tsi ndajín ndyi̱tsꞌèn xota̱ xi na̱ngo̱xi̱i̱ chji̱a̱ni.

2 Xota̱ Korinto̱ 6:3

Nde ngojín ni xi ndajín niꞌánjne̱, xi sa̱ꞌínkjién xotaa̱ tsi̱ꞌe̱ nga chꞌo tsꞌén skjo̱yá xájne̱.

2 Xota̱ Korinto̱ 8:21

Kuíni nga kixi̱ kixi̱ niꞌánjne̱ ni xi ndyi̱niꞌánjne̱, jmí tsi ta̱ ngindyi̱ko̱n Ndi̱a̱ná tsí, ko̱jo ngindyi̱ko̱n xotaa̱ boá nga.

Xota̱ Kolosa̱ 4:5

Ti̱ndyiónjnú xikoó xota̱ xi kjínkón ngi̱jii̱n xota̱ xi sꞌijinjiín Néná, kó ni xi nda ti̱ꞌánjnú nga kꞌuiéjnú ngi̱ndie.

1 Xota̱ Tesalónika̱ 4:12

tsi̱ꞌe̱ nga nda tsꞌén ku̱i̱ndyionjnú ngi̱jii̱n xota̱ xi sꞌijinjiín Néná, ko̱jo tsi̱ꞌe̱ nga jmí ni xcha̱jàjínjnú.

1 Xota̱ Tesalónika̱ 5:22

Ti̱ꞌanchꞌójnúu̱ yojojnú ngayeje ni xi ndajiín.

1 Timoo̱ 3:6

Jmí tsi ngo nda̱ xi sꞌe̱ tsi kisꞌijii̱n Néná, ngatꞌa̱ tsi ta̱ je ka̱maa̱ yojoo̱, kó xikótsꞌèn kamájeé xindajín ndiabloo̱ bo̱a̱ ka̱maa̱.

1 Timoo̱ 5:14

Kuíni nga mejénna nga ku̱i̱xan ínchjín kꞌán xi je kꞌien xi̱ꞌii̱n xi kjindií, kó ngatꞌieé ndí, nga koo̱n ndiꞌaa̱, kó nga tsjandièjiín nga xota̱ xi kondraa̱ ku̱i̱chji̱a̱taꞌin.

1 Timoo̱ 6:9

Ngatꞌa̱ kui xota̱ xi mejeén nga ka̱ma cho̱o̱n, tsꞌenseén ni xi ꞌboṉcha̱jo, ngatꞌa̱ ta̱ chiboa ma mejénrií ni xi jmí ni chjíjiín ko̱jo ni xi ndajíntsꞌeén, kó kui nii̱ xi tsꞌenkjié ko̱jo xi tsꞌénchájá kui xotaa̱.

2 Timoo̱ 2:26

kó ngatangaa̱ ni xi ꞌboṉcha̱joni kui xindajín ndiabloo̱, kui xi ndyi̱a̱a̱ ndo̱bo̱a̱yà xotaa̱ tsi̱ꞌe̱ nga ta̱ ni xi mejénrií kui, ni xi sa̱ꞌínjo̱.

Titoo̱ 2:5

chjiéngá nga nda sa̱ꞌínkjiín kon ni xi sa̱ꞌín, ko̱jo chjiéngá tsjie ka̱ma ini̱ma̱a̱, ko̱jo nga skoón ndiꞌaa̱, ko̱jo nga ndaxota̱ ka̱ma, ko̱jo nga sku̱i̱e̱ndikón xi̱ꞌii̱n, bo̱a̱ tsꞌén nga ta̱ꞌyajín xi chꞌo tsꞌén ku̱i̱chji̱a̱taꞌin eén Néná.

Titoo̱ 2:8

Én nda ndókjo̱e̱ ji, kó nde ngojín xi ka̱maa̱ ku̱i̱chji̱a̱taꞌii̱n, tsi̱ꞌe̱ nga soboá ka̱maa̱ kondraa̱, kó bo̱a̱ tsꞌén nga nde chií ka̱májiín chꞌo ka̱tso̱ná.

3 Xo̱jo̱o̱n Juaa̱ 1:12

Ngayeje xotaa̱ chji̱a̱ kjo̱a̱a̱ nga ndaxota̱ Ndemetrioo̱, kó ja̱koxi̱ boá ni xi chji̱a̱. Ngaskande ji̱n nda ndokjo̱a̱jne̱ kjo̱a̱a̱ kui, kó jún jè yàjnú nga ja̱koxi̱ boá ni xi niꞌánjne̱, ko̱jo ni xi ndokjo̱a̱jne̱.