1 Timoo̱ 3:16 - Xo̱jo̱n eén Néná

¹⁶ Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

1 Timoo̱ 3:16 ပူးပေါင်းရင်းမြစ်များ

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Matioo̱ 13:11

Kó Kjisoo̱, bi̱ katsó: –Ngatꞌa̱ jún jè kiꞌmíyàjnú ni xi tjiꞌmaá xikótsꞌèn botixómá Néná, ta̱nga kui xotaa̱ kji̱e̱ ꞌmíyajiín.

Matioo̱ 28:2

Kó ngo kjo̱a̱ndi̱ko̱n ꞌniú jaꞌa, ngatꞌa̱ ngo ndítsjiee̱ Néná jatjajenni ndiꞌakꞌajmii̱ kó nga jeꞌe, katsꞌéntíyaá ndi̱jo̱ xi kjiꞌixtio nga̱tsjo̱ó, sꞌe̱ kisꞌijñasón nga̱soón.

Matioo̱ 3:16

Kó ngije kastindá Kjisoo̱, jataxie ngi̱jin ndáfoaa̱, kó katjoxꞌá ndiꞌakꞌajmi jàn, kó kamábe nga jatjajen A̱si̱énni̱xtjii̱n Néná nga ja̱kjiꞌi tójo má kjiꞌi, kó kjindibánié Kjisoo̱.

Matioo̱ 4:11

Kósꞌe̱ kui xindajín ndiabloo̱ xín kijí, kó katsꞌénkjii̱n yojoo̱ Kjisoo̱, kó ndítsjiee̱ Néná jachókoón Kjisoo̱ xi katsꞌénseén.

Markoo̱ 1:13

Kó ki̱a̱ kisꞌijña yichán ni̱xtjin, sꞌe̱ xindajín Satanaa̱ askotꞌayákón. Kó ngi̱jii̱n cho̱ tamá kisꞌijña, kó ndítsjiee̱ Néná katsꞌénseén Kjisoo̱.

Markoo̱ 16:19

Kó bo̱a̱ tsꞌén Ndi̱a̱ Kjisoo̱ ngije tsíchji̱a̱jo xota̱a̱, kachjaninkꞌa nga kijí ndiꞌakꞌajmi jàn, kó tsja fojnií Néná kisꞌijñatꞌa.

Markoo̱ 16:5

Kó nga tsꞌasꞌien ngi̱ya ti̱xa̱nga̱tsjo̱ó, kamábe ngo nda̱ xo̱ngò xí yajá ngo ńjñondio tiboa, xi tikón xtji̱e̱e̱n nga fojnií nínga kisꞌie Kjisoo̱, kó kui ínchjiín achichí katsakjónní,

Rkaa̱ 2:32

kui xi xikoó ngo ndiꞌí xí sa̱ꞌíntsijee̱n xota̱ xi jundío̱jín, kui xi ka̱ma kjo̱a̱jee̱ xota̱ na̱xi̱ńdáa̱ Israee̱l.

Rkaa̱ 20:44

Ndabii̱ Ndi̱a̱na katsoó. Ja̱ kótsꞌèn nga xota̱ tji̱e̱e̱ Ndabii̱ kjindibáni Kristoo̱.

Rkaa̱ 22:43

Kósꞌe̱ ngo ndítsjie xi chji̱a̱ni ndiꞌakꞌajmi jàn jatjokjàtꞌaa̱ xi katsjángaꞌniuú.

Rkaa̱ 24:4

Kó ta̱ bi̱ ta̱ kamaá kjo̱a̱a̱ kui nii̱, kó jó já jaꞌatꞌa tiñaa̱ xi ndyi̱yajá ńjño xi ꞌna̱,

Rkaa̱ 24:51

Kó tji̱e̱nga katsꞌénchikonñé, kijíboaꞌátꞌaxiín, kó Kjisoo̱ kachjaninkꞌa ndiꞌakꞌajmi jàn.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 15:26

Ta̱nga nga kjo̱e̱ꞌe xí sa̱ꞌíndajoo̱n, kui xi sangiya an ta̱ngatꞌanii̱ Na̱ꞌmii̱, kui A̱si̱énni̱xtjii̱n Néná xí ja̱koxi̱ xi sa̱ngíyá Na̱ꞌmii̱, kuí xí chistiko̱na ka̱ma, kó kuí xí ku̱i̱chji̱a̱ kjo̱a̱a̱ an,

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 17:5

Ngotꞌe̱ ꞌne̱ Na̱ꞌmi, tꞌa nínga tindyin jí, te̱ꞌéní kjo̱a̱je xi kisꞌiena nga kisꞌijñajoo̱, ngindiee̱ nga kamánda kui nga̱sondiee̱.

Juaa̱ 20:12

kó ki̱a̱ kamábe jó ndítsjie xi ndyi̱yajá ńjño tiboa, ngo xi tikón to̱ko̱ ko̱jo ngo xi tikón sé nínga kisꞌijña yojoo̱ Kjisoo̱.

Juaa̱ 6:62

Ja̱, kó ka̱majnú tsi xcha̱jnú nga ndií nda̱ xi̱ꞌii̱n ko̱e̱je̱nijíngí nginí nínga ja̱bo̱a̱ tikón.

Ni xi kamá 1:19

Kó kui nii̱ kamábe ngayeje xota̱ na̱xi̱ńdáꞌniú Jerusale̱n, kuíni nga kui ngi̱ndiee̱ Asélndama̱ katsoó, nga én tsi̱ꞌe̱ kui jaá, ngi̱ndiee̱ jín, tsó kui eén.

Ni xi kamá 10:34

Kó Peé bi̱ katsó nga tsíchji̱a̱: –Ngotꞌe̱ ꞌne̱ makjínna nga ja̱koxi̱ boá nga Néná skjánjín tsꞌénjo̱ xotaa̱,

Ni xi kamá 14:27

Kó ngije jachó na̱xi̱ńdáꞌniú Antiokiya̱, ítikó xota̱ na̱ngo̱xi̱i̱, kó íni̱jmi̱ì ngayeje ni xi katsꞌén Néná ngi̱ya tsja kui jaá, ko̱jo nga Néná boá xi katsꞌén nga xota̱ xi jundío̱jiín je sꞌi̱jii̱n Kjisoo̱ nga.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Xota̱ Roma̱ 10:12

Ngatꞌa̱ Néná jmí ndasénjiín tsi xota̱ jundío̱ ko̱jo tsi xota̱ xi jundío̱jín, ngatꞌa̱ Néná kuí boá xi Ndi̱a̱a̱ ngayeje xota̱, kó achichí ndaxota̱ tsꞌénjo̱ ngayeje xota̱ xi sa̱ꞌínkaxoma jaꞌeén.

Xota̱ Roma̱ 10:18

Ta̱nga an bosíyá an: A tsintꞌiéjín. ¡Ja̱koxi̱ nga jè tsintꞌié! Bi̱ tsó xo̱jo̱o̱n Néná: Nda̱a̱ je kandaꞌyá ngayeje nga̱sondiee̱, kó eén je jachó ngaskande nínga fetꞌanii̱ nga̱sondiee̱.

Xota̱ Roma̱ 16:25

Nganiꞌántsjaá Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱.

Xota̱ Roma̱ 16:26

Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda já chji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.

Xota̱ Roma̱ 3:4

¡Jmí!, Néná ngatsjéni̱xtjin nga ja̱koxi̱ boá ni xi tsó, kó ngayeje xotaa̱ nga ndiso, xikótsꞌèn kjitꞌa xo̱jo̱n eén Néná: Kixi̱ ka̱ma ji kjo̱a̱a̱ ni xi sé jí, kó ji si̱ꞌin ji, kjiꞌanga xchítꞌaa̱ tsi nda ko̱jo tsi ndajín ni xi kiniꞌín ji.

Xota̱ Roma̱ 8:3

Ngatꞌa̱ Néná xí kamaá katsꞌén ni xi kamájiín katsꞌén kjo̱a̱kitii̱ Moisee̱, ngatꞌa̱ kjo̱a̱kitii̱ jmí ngaꞌniú kisꞌiejiín nga tsꞌaxiéꞌá xota̱ nga̱sondiee̱ ngatꞌa̱ inda kamá xotaa̱. Ta̱nga Néná katsangiya ndií nga xikoó ñá kamá, kó nga ta̱ngatꞌanii̱ jéná nga kꞌien, kó kui íchjí tsi̱ꞌe̱ nga Néná sa̱ꞌínkjié jeé xota̱ nga̱sondiee̱.

Xota̱ Roma̱ 9:5

Xota̱ Israee̱l kuí xí xota̱ tji̱e̱ xchaá xota̱ xi jaꞌájin Néná, kó ngi̱jii̱n kui xotaa̱ jatjo kui xi katsó Néná nga kjindibáni Kristoo̱ nga jín nga yojo ka̱ma xikoó ñá, kuí boá xi Néná xí botixómaá ngayeje ni xi tjiín. Ngatamachikonñé kui ta̱ kjiꞌání. Bo̱a̱ kjiꞌi.

1 Xota̱ Korinto̱ 15:47

Kui nda̱ xi tjoón ńdie kamándani, kó xota̱ xi chji̱a̱ni kui tꞌanangii̱ kamá, kó nda̱ xi ma joó, kui xi Ndi̱a̱ná, ndiꞌakꞌajmii̱ kjindibáni.

1 Xota̱ Korinto̱ 2:7

Én xí ndyi̱ndokjo̱a̱jne̱ kjo̱a̱kjínkoón Néná xi jmíjín xi bee boá, kjo̱a̱kjínkón xi tjiꞌmaá, tsi̱ꞌe̱ nga ko̱jo ñá, ka̱ma kꞌuiéná kjo̱a̱je xi íjñanda Néná ndeskande ngindiee̱ nga katsꞌénda nga̱sondiee̱.

2 Xota̱ Korinto̱ 1:19

Ngatꞌa̱ Jesukristoo̱ kuí xí ndií Néná, kó kjo̱a̱a̱ kuí boá xi ikꞌíni̱jmìjne̱ Silbanoo̱, ko̱jo Timoo̱, ko̱jo an ngi̱jinjnú, jmí tsi “jo̱o̱n” ko̱jo “jmí” ti̱ kjiꞌa katsó, kuí boá xi ngatsjéni̱xtjin “jo̱o̱n” tsó Néná.

Xota̱ Ngalasia̱ 2:8

Ngatꞌa̱ kui Néná xí katsꞌénkjién Peé nga apostroo̱ xota̱ xi jundío̱ kamá, ti̱kuíní xi katsꞌénkjiénna nga apostroo̱ xota̱ xi tjín nga̱sondiee̱ kamá an.

Xota̱ Ngalasia̱ 4:4

Ta̱nga nga jatjosón kui ni̱xtjii̱n, Néná katsangiya ndií, xi ngo xota̱chjo̱on katsennii̱, kó kui ndií kjo̱a̱kitii̱ tikónjin ndeskande koó nga katsen,

Xota̱ Éfeso̱ 1:9

kó akóná ni xi kamámejeén nga sa̱ꞌín, xi íjñá ꞌma kje̱ꞌe ni̱xtjin, ngatꞌa̱ kamátsjaá nga índa tjón tjón ni xi sa̱ꞌín Kristoo̱.

Xota̱ Éfeso̱ 6:19

Ti̱ bo̱a̱ ti̱ tsꞌén ndókjo̱a̱tjéjnúꞌun nga ko̱ndókjo̱a̱jnúu̱ Néná, tsi̱ꞌe̱ nga tsja̱ana én xí kꞌuini̱jmì an, ko̱jo tsi̱ꞌe̱ nga stsakjonjín an nga kuichjiá an, kó bo̱a̱ tsꞌén nga ka̱ma koko an ni xi kisiꞌma ngasꞌe̱ xi tsꞌén bokó éntjatsi̱e̱e̱ Néná ngotꞌe̱.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

Xota̱ Kolosa̱ 1:27

Néná kamámejeén akoó kui xotaa̱, kókjiꞌi kjo̱a̱cho̱o̱n kjo̱a̱jee̱ ni xi tjiꞌmaá ngi̱jii̱n xota̱ xi tjín ngayeje nga̱sondiee̱, kó kui ni xi tjiꞌmá xi tjisꞌíjñátsijen ngotꞌe̱ kuí boá Kristo̱ xi tikónjinjnú, kó ta̱ngatꞌaa̱ kuí boá nga ndyi̱chiyájnú nga sa̱kójnú kjo̱a̱je.

Xota̱ Kolosa̱ 1:6

Kui éntjatsi̱e̱ xi kandaꞌyájnú, jè tjíꞌbíni̱jmì ngayeje són nga̱sondiee̱, kó nda tjítsꞌeén xotaa̱, xikó kamá ngi̱jinjnú ni̱xtjin nga kamáyà ja̱koxi̱jnú kjo̱a̱ndaa̱ Néná.

Xota̱ Kolosa̱ 2:2

Tsjàa̱ kjo̱a̱ni̱ma̱ yojona, tsi̱ꞌe̱ nga sa̱kó ngaꞌniuú ini̱ma̱a̱ xota̱ na̱ngo̱xi̱i̱, nga ta̱ ngo tjín ko̱a̱ꞌa̱ xkjín nga kꞌuieé kjo̱a̱tjó, ko̱jo nga kꞌuieé kjo̱a̱cho̱o̱n kjo̱a̱kjíntakón xi ndaa̱, tsi̱ꞌe̱ nga ka̱makjiín ni xi íjña ꞌma Néná ngasꞌe̱, kui xi Kristoo̱ ngotꞌe̱.

2 Xota̱ Tesalónika̱ 1:10

Bo̱a̱ ka̱ma ni̱xtjin nga kjo̱e̱ꞌe Ndi̱a̱ná, tsi̱ꞌe̱ nga xota̱ tsjiee̱ tsja̱á kjo̱a̱je, kó ngayeje xota̱ xi je kisꞌijii̱n kui, tsja ka̱maa̱ nga sku̱i̱e̱. Ngi̱jii̱n kui xotaa̱ je tindyiónjnú jún, ngatꞌa̱ jè kisꞌijinjnú ni xi je kiꞌmíyàjne̱ ko̱jo ni xi kiniꞌánjne̱ ji̱n.

2 Xota̱ Tesalónika̱ 2:7

Ngatꞌa̱ jè tjitsꞌénxá ngaꞌniuú ni xi tjiꞌmaá ni xi ndajiín, ta̱ chaja tsí nga xtjo̱ꞌóxín ngamasiee̱n kui xi tsꞌénꞌbichjaá.

1 Timoo̱ 3:9

Chjiéngá ꞌniú kꞌuíndojin kjo̱a̱sꞌijii̱n, kui ni xi ikꞌíjñáꞌma ngasꞌe̱, ta̱nga ngotꞌe̱ ꞌne̱, je tjisꞌíjñátsijen, ko̱jo nga tsjietsꞌén kꞌuijñá kjo̱a̱kjíntakoón.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.

Xota̱ Ebreo̱ 7:7

Kó je yá cha̱n cha̱n ñá nga nkꞌa ngase xaá xi chji̱a̱a̱ Néná, tsi̱ꞌe̱ nga Néná sa̱ꞌínchikonñé ngo xi ngindie ngase xaá.

Xota̱ Ebreo̱ 8:1

Ngayeje ni xi ndyi̱chiboá, kuí ni xi̱ꞌbi̱ xi ꞌniú chjínií: Nga tikónná ngo chináꞌmi xi ꞌniú nkꞌa xaá, kui xi tikón nga fojnií kui Néná xí tsꞌénbotixómá ndiꞌakꞌajmii̱.

1 Xo̱jo̱o̱n Peé 1:12

Néná akoó kui já chji̱ni̱e̱ꞌe̱én ta̱nga jmí tsi kjo̱a̱a̱ nganda ti̱ kuii̱ tsi̱ꞌe̱, nganda tsa̱jún boá nga akakoo̱. Kuí bí kui én xi katseꞌéjnú ngotꞌe̱ jún xi je ikꞌíni̱jmìjnú kui éntjatsi̱e̱e̱, ta̱ngatꞌanii̱ ngaꞌniuú A̱si̱énni̱xtjii̱n Néná xi kanangiyani ndiꞌakꞌajmi jàn, kui ni xi ngaskande ndítsjiee̱ kamámejeén kamábe.

1 Xo̱jo̱o̱n Peé 1:20

Néná índa ndeskande koó ngindiee̱ nga kamánda nga̱sondiee̱ nga bo̱a̱ kjiꞌi ni xi ka̱maa̱, ta̱nga kui ni̱xtjin xi kjifetꞌaa̱ tjibóko ta̱ngatꞌanii̱ nganda tsa̱jún.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Peé 3:22

Jesukristoo̱ kijínijíngí ndiꞌakꞌajmi jàn, kó ki̱a̱ tikón nga fojnií Néná, kó kuí boá xi tsꞌénbotixómaá ndítsjiee̱, ko̱jo a̱siénni̱xtjin xi tjiín xá ko̱jo ngaꞌniuú.

1 Xo̱jo̱o̱n Juaa̱ 1:2

Kui kjo̱a̱mindyion xi je akakoo̱ xotaa̱, kó ji̱n má xi kamáyà ji̱n, kó chistiko̱ ji̱n, kó ndyi̱ꞌbíni̱jmìjne̱ kjo̱a̱a̱ kui kjo̱a̱mindyion ngatsjéni̱xtjii̱n, kui xi tikónjii̱n Na̱ꞌmii̱, kó jè akakoná.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.

1 Xo̱jo̱o̱n Juaa̱ 3:8

Ta̱nga kui xota̱ xi ndyi̱tsꞌènjeé, xota̱ xi tsi̱ꞌe̱ xindajín ndiabloo̱ boá, ngatꞌa̱ xindajiín ndeskande koó nga ítjatsꞌennii̱ nii̱ nga tjítsꞌénjé. Kuíni nga jatjokjaní ndií Néná, tsi̱ꞌe̱ nga sa̱ꞌínkjié ni xi ndajín xi tsꞌén xindajiín.

Ni xi akakoo̱ 17:5

kó xtjien kjitꞌaa̱ ngo jaꞌén xi tjiꞌmá xi bi̱ tsó: “BABILONIA̱ NA̱XI̱ŃDÁ XI JE, KUI BOÁ XI NA̱AA̱N NGAYEJE ÍNCHJÍNMASIÉN KO̱JO NGAYEJE NI XI TA̱NISIÉN ꞌNIÚ CHꞌO KJIꞌI XI TJÍN KUÍ NGA̱SONDIEE̱.”

Ni xi akakoo̱ 17:7

Kó kui ndítsjiee̱, bi̱ katsóna: –Míkjo̱a̱a̱ nga fíndikoón jí. Kꞌi̱e̱ xiyaá kjo̱a̱a̱ ni xi tjiꞌmaá kui naa̱, ko̱jo kui cho̱ chꞌokjiꞌi xi tikónsoón, kui xi tjiín yito to̱ko̱ ko̱jo tie ndi̱ja̱a̱.

Ni xi akakoo̱ 7:9

Ngije kamá kui nii̱, askotsijen an kó kamábe an achichí ꞌniú kjín xota̱ xi ngaskande nde ta̱ꞌyajín xi kamaá íxki̱, xota̱ xi chji̱a̱ni ngayeje na̱xi̱ńdá, ko̱jo ngayeje xtín xota̱, ko̱jo ngayeje to̱ko̱ya én, ko̱jo ngayeje nangi, ndyi̱a̱kixi̱ kui xotaa̱ kje̱n nínga tikón xi botixómaá, ko̱jo kje̱n cho̱tsa̱nga̱a̱, nga ndyi̱yajá ńjño tiboa, kó xka̱jèn ndyi̱yaꞌa ngi̱ya tsja.