1 Timoo̱ 3:15 - Xo̱jo̱n eén Néná

¹⁵ kó tsi kꞌo̱ndíyána, mejénna nga xchi̱e̱ ji kótsꞌèn ꞌbíndo xota̱ xi tsi̱ꞌe̱ Néná, kuí boá kui xotaa̱ xi na̱ngo̱xi̱i̱ Néná xi tikoón. Xota̱ na̱ngo̱xi̱i̱ kuí boá xi kjininkꞌá, ko̱jo xi tsja ngaꞌniuú én xí ja̱koxi̱i̱.

1 Timoo̱ 3:15 ပူးပေါင်းရင်းမြစ်များ

Xo̱jo̱n Salmoo̱ 42:2

Ini̱ma̱na xíndaá nga mejeén sku̱i̱e̱ Néná, kui Néná xí tikoón. Kjiꞌání nga kjuín án na̱ngo̱xi̱i̱, kó kjóchó an ngindyikin ji.

Xo̱jo̱n Salmoo̱ 84:2

Achichí ni xi kjimaa̱ ini̱ma̱na nga mejeén nga ki̱a̱ kꞌuíjñá ndi̱tsee̱n na̱ngo̱xi̱i̱ ji Ne, ¡ini̱ma̱na ko̱jo yojona mejeén nga si̱eé kui Néná xí tikoón.

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 18:18

Ja̱koxi̱ ni xi xiánjnúꞌun nga ngayeje ni xi kuítꞌaꞌniújnú kꞌi̱e̱ tꞌanangii̱, ti̱ si̱tꞌaꞌniú ki̱a̱ ndiꞌakꞌajmii̱, kó ngayeje ni xi chjándójnú kꞌi̱e̱ tꞌanangii̱, ti̱ kꞌuíndondé ki̱a̱ ndiꞌakꞌajmii̱ nga.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 6:69

Kó ji̱n jè kisꞌijinjne̱, kó je yàjne̱ nga ji xi Kristoo̱, ndií Néná xí tikoón.

Ni xi kamá 1:2

ngaskande ni̱xtjin nga kijí ndiꞌakꞌajmi jàn, ngije ja̱bo̱a̱ je katsjaá kjo̱a̱botíxoma já apostro̱ xi je jaꞌájin nga A̱si̱énni̱xtjii̱n Néná katsꞌénkjién,

Ni xi kamá 14:15

–¡Jún já! Míkjo̱a̱a̱ nga bi̱ kjiꞌi ni xi ndyi̱niꞌánjnú. A yàjínjnú nga xota̱ ji̱n xikoó jún, ja̱ kuíni nga jéꞌe̱ ji̱n nga kꞌuiníjmi̱jne̱ éntjatsi̱e̱e̱ Néná, tsi̱ꞌe̱ nga kꞌuijñámasienjnú kui ni xi niꞌánjnú xi jmí ni chjíjiín, kó ta̱sá Néná ti̱ndyi̱sé nginíjnú, kui Néná xí tikón ja̱koxi̱i̱, xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín,

Xota̱ Roma̱ 3:2

Achichí tsie ngase chjínií, ta̱jñàní nga stsitsíjìi̱n. Tjón mára xiyàjnúꞌun nga ja̱koxi̱ boá nga Néná kamáꞌniátakón xota̱ jundíoo̱ nga kui katsꞌénkꞌasꞌiee̱n eén.

Xota̱ Roma̱ 9:26

Jè ngiti̱ bi̱jín kꞌuínjnú: Júnjín xi xota̱ na̱xi̱ńdána, ta̱sá bi̱ kꞌuínjnú: “Jún xí ndií Néná xi tikoón.”

1 Xota̱ Korinto̱ 10:32

Ngata̱ júnjín xi niꞌánkꞌákajnú xota̱ xi jundíoo̱, ko̱jo xota̱ xi jundío̱jín, ko̱jo xota̱ na̱ngo̱xi̱i̱ Néná.

1 Xota̱ Korinto̱ 3:16

A yàjínjnú nga na̱ngo̱xi̱i̱ Néná boá jún, ko̱jo nga A̱si̱énni̱xtjii̱n Néná tikónjinjnú.

2 Xota̱ Korinto̱ 3:3

ngatꞌa̱ ya cha̱n cha̱n nga jún boá xi xikoó kui xo̱jo̱n xi Kristoo̱ katsꞌénda, xi ji̱n kiniꞌánkꞌasꞌienjne̱ jún, ngo xo̱jo̱n xi jmí tsi tinta̱ kiniꞌánꞌindóni, ta̱sá A̱si̱énni̱xtjii̱n Néná xí tikoón xi kiniꞌánꞌindóni, ngo xo̱jo̱n xi jmí tsi nga̱soón ngo ndi̱jo̱ kiniꞌánꞌindó, ta̱sá ngi̱jin ini̱ma̱ná boá nínga akjatꞌa.

2 Xota̱ Korinto̱ 6:16

Kó kótsꞌèn ka̱mangojo̱ xkjín na̱ngo̱xi̱i̱ Néná, ko̱jo a̱sie̱én ngo ne xi tsꞌénda xotaa̱. Ngatꞌa̱ ñá boá xi na̱ngo̱xi̱i̱ Néná xí tikoón, xikó katsó ti̱ kuii̱ Néná: Ki̱a̱ kotíjña̱jìi̱n, kó ki̱a̱ kjótsoꞌbájìi̱n, kó an xí Nee̱ ka̱ma an, kó kui xotaa̱, xi xota̱ na̱xi̱ńdána ka̱ma.

2 Xota̱ Korinto̱ 6:7

Ndyi̱ꞌmìyájne̱ én xí ja̱koxi̱i̱, kó ngaꞌniuú Néná tikónjinjne̱. Kjo̱a̱kixi̱i̱ xikónií tsi ni xi niꞌánkjién nga bixkán ndyi̱niꞌánjne̱.

Xota̱ Ngalasia̱ 2:9

Kó Sandiyaá, ko̱jo Peé, ko̱jo Juaa̱, kuí boá xi ya nga ngito̱ko̱o̱ na̱ngo̱xi̱i̱, nga kamákjiín kjo̱a̱a̱ kui kjo̱a̱nda xi katsjána Néná, katsjájne̱ tsja nga ikꞌíndajo̱jne̱ tsi̱ꞌe̱ an ko̱jo Bernabee̱, si̱ꞌanjne̱ xaá Néná ngi̱jii̱n xota̱ xi jundío̱jín, tji̱e̱nga kui jaá sa̱ꞌín xaá Néná ngi̱jii̱n xota̱ xi jundío̱.

Xota̱ Ngalasia̱ 3:1

Jún xota̱ Ngalasia̱, ¡mí xí ta̱ chi̱ninijnú! ꞌYá xí tsꞌenṉcha̱jojnú jún tsi̱ꞌe̱ nga ko̱nda̱ꞌyáꞌénjínjnúu̱ kui én xí ja̱koxi̱i̱. Ngatꞌa̱ jè akako cha̱n cha̱n xikoó tsi jún má xi kamáyàjnú kui Jesukristo̱ xi akjatꞌa kroo̱.

Xota̱ Éfeso̱ 4:21

Tsi ja̱koxi̱ nga je kandaꞌyájnú, ko̱jo tsi ja̱koxi̱ nga Kristoo̱ xi akóyájnú, xikó kjiꞌi kui ja̱koxi̱ xi tikoón kui,

Ndeuteronomio̱ 31:23

Néná bi̱ katsoó Josuee̱: «Ji Josue̱, chjiéngá ꞌniú ko̱jo chꞌokon ka̱ma ji. Án boá xi kosiko̱joo ngayeje ni xi si̱ꞌin ji, kó jí boá xi si̱ꞌin ji nga kui xota̱ na̱xi̱ńdaá sa̱ꞌín nga skjántjé kui tꞌanangi xi je kixiyatjóo̱n nga tsjàa̱».

Ndeuteronomio̱ 5:26

Ngayeje xota̱ xi be nga májín ndaꞌyaá nda̱a̱ Néná, xikótsꞌèn je kandaꞌyáa̱ ñá, kó to̱kó tindyión nga̱sondie.

Xota̱ Kolosa̱ 1:5

Jún, bo̱a̱ ndyi̱niꞌánjnú, ngatꞌa̱ ndeskande nga kandaꞌyájnú én xí ja̱koxi̱ xi yaꞌa éntjatsi̱e̱e̱ Néná, ndyi̱chiyájnúu̱ ni xi Néná tikóntjoó ndiꞌakꞌajmii̱ xi tsja̱ajnú.

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

1 Timoo̱ 3:14

Kui nii̱ tjítsꞌenꞌindoó, kó tsꞌénkoyàa̱ nga tsá kjuínkoón,

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

1 Timoo̱ 3:2

Ta̱nga chjiéngá bi̱ kon ka̱ma xi mejeén nga xota̱ xi ngito̱ko̱o̱ na̱ngo̱xi̱i̱ ka̱ma: Nga jmíjín xi chꞌo tsꞌén ku̱i̱chji̱a̱taꞌin, ko̱jo nga ta̱ ngo tsi chjo̱on tjiín, ko̱jo nga nda kjótsoꞌbájo̱ yojoo̱, ko̱jo nga nda sa̱ꞌínkjiín kon ni xi sa̱ꞌín, ko̱jo nga xcha̱ndikón, ko̱jo nga chjiéngá sa̱ꞌíntiee̱ xotaa̱ nga ki̱a̱ kꞌuíndo ndiꞌaa̱, ko̱jo nga chjiéngá ka̱maa̱ ko̱kóyá,

1 Timoo̱ 3:5

(Ngatꞌa̱ nda̱ xi májiín botixómaá ndiꞌaa̱, kótsꞌèn ka̱maa̱ skoón xota̱ na̱ngo̱xi̱i̱ Néná).

1 Timoo̱ 4:10

Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

2 Timoo̱ 2:20

Ngi̱yaa̱ ngo ndiꞌa je, jmí tsi ta̱ ni xi to̱nsinié, ko̱jo tsi ta̱ ni xi to̱ntiboa tsí xi tjín, ti̱ tjín ni xi yá, ko̱jo ni xi ńdie kamándani nga, tjín xí ta̱ kjiꞌání tsi nga niꞌánkjién, xikoó nga ma sꞌué, kó ti̱ tjín ni xi ndyiojón ndyiojón niꞌánkjién.

Xota̱ Ebreo̱ 10:21

Kjisoo̱ boá kui chináꞌminá xí ꞌniú nkꞌa xaá xi tikóntjoón na̱ngo̱xi̱ ndikoón Néná.

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Xota̱ Ebreo̱ 3:12

Chónjnú yojojnú ntsꞌie, nga ngojín jún xi ꞌbeé ngo ini̱ma̱ xi ta̱nisién ndajín, ko̱jo tsi sꞌijinjiín tsi̱ꞌe̱ nga xín si̱ꞌankjaꞌájnúu̱ yojojnú kui Néná xí tikoón.

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

1 Xo̱jo̱o̱n Peé 4:17

Jè jachó chi̱bo̱a̱ nga Néná ku̱i̱ꞌítsꞌi̱yanii̱ nga ka̱tso̱yà tsi nda ko̱jo tsi ndajín katsꞌén xota̱ xi tsi̱ꞌe̱, kó tsi ñá tjón ku̱i̱ꞌítsꞌi̱yanii̱ nga bo̱a̱ sa̱ꞌín, kókjiꞌi ni xi ka̱maa̱ xota̱ xi ntꞌiéꞌénjiín éntjatsi̱e̱e̱ Néná.

Ni xi akakoo̱ 7:2

Ti̱ kamábe an ingo ndítsjie xi kjindibáni xtji̱e̱e̱n nínga fotjo tsꞌueé, xi tikoón chi̱bo̱a̱a̱ seyoo̱ kui Néná xí tikoón, kó kui ndítsjiee̱ ꞌniú askjandáyà nga tsíchji̱a̱a̱ xi ngi nijón ndítsjie xi je katseꞌeé ngaꞌniú, tsi̱ꞌe̱ nga sa̱ꞌínꞌoón tꞌanangii̱ ko̱jo ndáchíkoón, kó bi̱ katsoó: