1 Timoo̱ 3:11 - Xo̱jo̱n eén Néná

¹¹ Ti̱ bo̱a̱ ti̱ tsꞌén ínchjiín kui jaá, chjiéngá xcha̱ndikón, ko̱jo nga ku̱i̱ꞌíndisotaꞌinjín xota̱, ko̱jo nga nda tsꞌén kꞌuijñá kon, ko̱jo nga kui xi ka̱ma ka̱maꞌniátakón kjo̱a̱a̱ ngayeje nii̱.

1 Timoo̱ 3:11 ပူးပေါင်းရင်းမြစ်များ

Xo̱jo̱n Salmoo̱ 101:5

Sa̱ꞌinkjié kui xi én tsꞌéndataꞌin xota̱ xi xkjín, sa̱ꞌinchíkjo̱a̱jáa̱n kui xota̱ xi nkꞌa ngase, ko̱jo xi kjínkón ngase ka̱maa̱ yojoo̱.

Xo̱jo̱n Salmoo̱ 15:3

kui xi jmí xota̱ chji̱a̱taꞌinjín, kui xi jmí ni xi ndajín tsꞌénjo̱jín xota̱ xkjín, ko̱jo xi tsꞌénꞌónjiín xota̱ xi ngasee̱,

Xo̱jo̱n Salmoo̱ 50:20

Ngaskande mindyin má ji nga ndokjo̱e̱taꞌin ji ntsꞌie, kó ꞌbíndisetaꞌin ji ndií ti̱ kuii̱ na̱áa̱n.

Énkjínkón 10:18

Xota̱ ndiso boá xi ꞌbíꞌmá nga tjín xí chꞌoo̱, kó xi tsꞌéntsójó kjo̱a̱ndisoo̱, xota̱ xi kitikjo̱a̱ boá.

Énkjínkón 25:13

Xota̱ xi ꞌniátakón nga nangiyajo̱ ngo én, kuí boá xi xikoó ngo tjo̱ nchꞌàn xí foaꞌa kjiꞌanga ma cho̱ndoboaá, ngatꞌa̱ kuí boá xi tsjaá kjo̱a̱ꞌniátakón xota̱ xi katsangiyaa̱.

Lebitiko̱ 21:7

»Ka̱májín ku̱i̱xanjo̱jnú ngo na̱masien, ti̱nde ka̱májín tsi ngo na̱ xi je íjñá xi̱ꞌii̱n, ko̱jo tsi ngo na̱ xi chꞌo kiniꞌánjo̱ kjo̱a̱ꞌniú. Ngatjaꞌátsjienjnú nga jún jè ta̱ xá tsa̱ꞌa̱n tsí xi si̱ꞌánjnú.

Matioo̱ 4:1

Kósꞌe̱ A̱si̱énni̱xtjii̱n Néná kijíjo̱ Kjisoo̱ nangi kixií, tsi̱ꞌe̱ nga xindajín ndiabloo̱ skótꞌayákón.

Juaa̱ 6:70

Sꞌe̱ Kjisoo̱, bi̱ katsó: –A ánjín xi jaꞌajinjnúꞌun nga tiejójnú. Ta̱nga ngo jún xi xindajín ndiabloo̱ chji̱a̱ni.

Xota̱ Roma̱ 1:29

Katsꞌén ngayeje to̱ko̱ya ni xi kixi̱jín, katsꞌén kjo̱a̱tondo̱, kamámejeén ni xi tsi̱ꞌe̱jín, kisꞌiee̱ kjo̱a̱ton, kisꞌiee̱ kjo̱a̱ꞌontakón, katsꞌénkꞌién xkjín, kisꞌiee̱ kjo̱a̱xti, tsꞌenṉcha̱jo xkjín, katsꞌén ni xi ndajín.

1 Timoo̱ 1:12

Ndokꞌóchjì tsjàa̱ Ndi̱a̱ná Kristo̱ Kjisoo̱, kui xi katsjána ngaꞌniú, ngatꞌa̱ kuí boá xi kamáꞌniátakónna, kó katsjána xá xi̱ꞌbi̱,

1 Timoo̱ 3:2

Ta̱nga chjiéngá bi̱ kon ka̱ma xi mejeén nga xota̱ xi ngito̱ko̱o̱ na̱ngo̱xi̱i̱ ka̱ma: Nga jmíjín xi chꞌo tsꞌén ku̱i̱chji̱a̱taꞌin, ko̱jo nga ta̱ ngo tsi chjo̱on tjiín, ko̱jo nga nda kjótsoꞌbájo̱ yojoo̱, ko̱jo nga nda sa̱ꞌínkjiín kon ni xi sa̱ꞌín, ko̱jo nga xcha̱ndikón, ko̱jo nga chjiéngá sa̱ꞌíntiee̱ xotaa̱ nga ki̱a̱ kꞌuíndo ndiꞌaa̱, ko̱jo nga chjiéngá ka̱maa̱ ko̱kóyá,

1 Timoo̱ 6:2

Kó xi tjiín ngo ndi̱a̱ xi sꞌijii̱n Néná, jmí tsi kjo̱a̱a̱ nga ndse̱je̱n sꞌijii̱n Néná ngo joó sꞌe̱ sku̱i̱e̱ndikónjín, ta̱sá chjiéngá nda ngase sa̱ꞌínseén, ngatꞌa̱ tjoó ndi̱a̱a̱ ko̱jo ngatꞌa̱ sꞌijii̱n Néná kui ndi̱a̱a̱. Kuí nii̱ xi takoyèe̱, ko̱jo tatíxomée̱ xota̱ na̱ngo̱xi̱i̱.

2 Timoo̱ 3:3

Jmí kjo̱a̱tjó, ko̱jo jmí kjo̱a̱ni̱ma̱takón kꞌuiéjiín, ko̱jo ku̱i̱ꞌíndisotaꞌin xota̱ xi ngasee̱, ko̱jo ka̱májiín ku̱i̱ꞌíꞌniuú yojoo̱ nga ni xi ndajín sa̱ꞌín, ko̱jo tamá ka̱ma, ko̱jo kondra̱ ka̱maa̱ ngayeje ni xi ndaa̱.

2 Timoo̱ 4:5

Ta̱nga ji, ta̱jmì niní xi si̱ꞌin ji, nda tsꞌén tꞌíjñí ji kjo̱a̱kjíntakóo̱n, ko̱jo ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí, ko̱jo tꞌíni̱jmì ji éntjatsi̱e̱e̱ Néná, kó nda ti̱ꞌinkjatjosén ji xáa̱.

Titoo̱ 2:3

Ti̱ bo̱a̱ ti̱ tsꞌén ínchjín xi xchaá, chjiéngá sku̱i̱e̱ndikón Néná, ko̱jo chjiénjín nga éndísó kꞌuitsómajo̱, ko̱jo ka̱májín tsꞌatio kꞌuí bino̱, ko̱jo chjiéngá na̱ mostraa̱ ni xi ndaa̱ ka̱ma,

Titoo̱ 3:2

Ngata̱ jmí xota̱ chji̱a̱taꞌinjín, ko̱jo ngata̱ jmí kjo̱a̱xchán ꞌboxiéjín, ta̱sá ndaxota̱ ngatama, kó ngatamabe xota̱ xi ngasee̱ nga tjiín kjo̱a̱ni̱ma̱kjo̱a̱.

1 Xo̱jo̱o̱n Peé 5:8

Nda ti̱ꞌankjójnú ni xi si̱ꞌánjnú, kó ti̱ndyiondajnú, ngatꞌa̱ kondra̱jnú kui xi xindajín ndiabloo̱, tsoꞌbá xikó maá ngo xandi̱je̱ xi tamá, nga tsꞌénmongase ꞌyání xi sa̱ꞌínkꞌién nga skji̱ni̱e̱.