1 Timoo̱ 2:8 - Xo̱jo̱n eén Néná

⁸ Mejénna nga já xíꞌiín, nga ta̱jñàní nga ku̱i̱chji̱a̱a̱ Néná nga skjinínkꞌá tsja nga tsjietsꞌén kꞌuijñá ini̱ma̱a̱, kó nga sa̱ꞌínxchánjín, ti̱nde nga ku̱i̱chji̱a̱tijín nga bo̱a̱ sa̱ꞌín.

1 Timoo̱ 2:8 ပူးပေါင်းရင်းမြစ်များ

Joo̱b 16:17

Ndatsi jmíni̱xtjin katsꞌen an ni xi ndajín, ta̱nga kixi̱ chjiáa̱ Néná.

Xo̱jo̱n Salmoo̱ 134:2

¡Chjanínkꞌájnú ndsa̱jnú kjiꞌanga Néná ko̱ndókjo̱a̱jnúu̱! ¡Ki̱a̱ tsitsíjenjnú xtji̱e̱e̱n nínga tikón ṉchandikoón, kó ti̱ꞌantsjàjnúu̱ Néná!

Xo̱jo̱n Salmoo̱ 141:2

¡Ngatjachó énna xikoó ngo kjo̱a̱tjó xi sije̱n! ¡Kjininkꞌaá án ndsa̱ án xikoó tsi ngo kjo̱a̱tjó xi niꞌánkꞌasꞌien nga ma ngixoón!

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 26:6

Koniejón an ndsa̱ án, tsi̱ꞌe̱ nga ngiti̱ jmí jé kꞌuiéjínna, kó bo̱a̱ tsꞌén nga ka̱ma kjótsoꞌbá an ki̱a̱ tꞌa ṉchandikóo̱n, ji Ne,

Xo̱jo̱n Salmoo̱ 28:2

Ndaꞌyéní kjiꞌanga ni̱ma̱ xián án nga kuichjiaá, ko̱jo kjiꞌanga skjininkꞌa an ndsa̱ án ki̱a̱ xtji̱e̱e̱n nínga tikón ndiꞌandikón tsjièe̱.

Xo̱jo̱n Salmoo̱ 35:13

Ta̱nga kjiꞌanga kamáꞌoón kui, ngaskande ńjño tokjuie tsajá an, kó katsꞌenkjaꞌa an kjindiá yojona nga ndasen kamána, sꞌe̱ ni̱ma̱ kixian an nga tsíchji̱a̱a̱ Néná, ngaskande nga jatjosón ni xi tsíꞌáa̱.

Xo̱jo̱n Salmoo̱ 63:4

¡Nda kuichjiá an kjo̱a̱a̱ ji, tji̱e̱nga tikòn an nga̱sondie! ¡Ta̱ngatꞌanii̱ jaꞌée̱n nga skjininkꞌa an ndsa̱ án nga sa̱ꞌintsjaá!

Xo̱jo̱n Salmoo̱ 66:18

Tsi ndajínkjiꞌi ni xi kisꞌijñajii̱n ini̱ma̱na, nde tsintꞌiéjínrana Néná,

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Énkjínkón 21:27

Achichí chꞌoó Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, kó ngase má nga ndajín tsꞌén tsꞌenkꞌásꞌién.

Matioo̱ 21:21

Sꞌe̱ Kjisoo̱, bi̱ katsoó: –Ja̱koxi̱ ni xi xiánjnúꞌun nga tsi ꞌniú sꞌijinjnú Néná, kó nga jmí tsi jó tsi ján kꞌuijñájnúu̱ ini̱ma̱jnú, jmí tsi ta̱kuítsí nii̱ yáꞌingoo̱ xi ka̱majnú, ngaskande ka̱ma tsi bi̱ kꞌuínjnúu̱ kui tji̱ngi̱i̱: «Ti̱xín ji kꞌi̱e̱e̱, kó tjajmijin yojòo̱ ngi̱jii̱n ndáchíkoón», kó bo̱a̱ ka̱ma.

Matioo̱ 5:44

Ta̱nga an, bi̱ tꞌíxiánjnúꞌun: Tjó ti̱ꞌánjnú xota̱ xi kondra̱jnú, ti̱ꞌanchikonñéjnú xota̱ xi chꞌo tjítsójnú, nda ti̱ꞌanjo̱jnú xota̱ xi chꞌoo̱ jún, ndókjo̱a̱tjéjnú xota̱ xi chꞌo tjítsꞌénjnú, ko̱jo xi ndyi̱mongatji̱ngijnú,

Matioo̱ 6:12

Kó ti̱ꞌinjetakínjne̱ ni xi tjitjíe̱njne̱ ji̱n, xikótsꞌèn niꞌánjetakónjne̱ ngayeje xota̱ xi tjitjieén tsa̱ji̱n.

Rkaa̱ 23:34

Kó Kjisoo̱, bi̱ katsó: –Na̱ꞌmi, ti̱ꞌinjetakíi̱n kui xotaa̱, ngatꞌa̱ bejín ni xi ndyi̱tsꞌèn. Kó jájuún katsatonjo̱ kjo̱a̱chꞌáṉcha̱ ńjñoo̱.

Rkaa̱ 24:50

Kjisoo̱ kijíjo̱ já apostroo̱ ngaskande na̱xi̱ńdá Betania̱, ki̱a̱ iskjininkꞌa tsja, kó katsꞌénchikonñé.

Juaa̱ 4:21

Sꞌe̱ Kjisoo̱, bi̱ katsó: –Xota̱chjo̱on, sꞌijin ngatamaa̱ nga je ma kjachó chi̱bo̱a̱ nga je ngiti̱ jmíjín xi chjiéngá kji̱ndi̱bá kui tji̱ngi̱i̱, ko̱jo tsi chjiéngá ko̱e̱je̱ na̱xi̱ńdáꞌniú Jerusale̱n, tsi̱ꞌe̱ nga sa̱ꞌíndikón Na̱ꞌmii̱.

Ni xi kamá 10:2

kui nda̱a̱ ko̱jo xota̱ ndiꞌaa̱ kamábendikón ton ton Néná, kó tsie to̱nchji̱e̱ katsjá nga asíko̱jo xota̱ na̱xi̱ńdaá, kó ngatsjéni̱xtjin tsíchji̱a̱a̱ Néná.

Ni xi kamá 10:31

kó bi̱ katsóna: “Kornie̱, jè kandaꞌyá nga tindokjo̱e̱e̱ Néná, kó chji̱e̱e̱ jè tjíniꞌánkjaꞌátsjien ngindyi̱ko̱n Néná.

Ni xi kamá 10:4

Kó Korniee̱ ta̱ askotsijendárií kui ndítsjiee̱, kó achichí katsakjón nga asíyaá, sꞌe̱ bi̱ katsoó: –Mí xí machjieén Ndi̱a̱. Kósꞌe̱ bi̱ katsó ndítsjiee̱: –Nga tindokjo̱e̱e̱ Néná, ko̱jo nga tibosíke̱je ngayeje xota̱ ni̱ma̱ xi jmí to̱njiín, je jachó kui nii̱ ngindyi̱ko̱n Néná.

Ni xi kamá 21:5

Kó ngije jaꞌa xi ma yito ni̱xtjin, tsangínjne̱, kó ngayeje kui jaá kijíjo̱ chjo̱ón ko̱jo ndií, nínga kijíjo̱jne̱ ngaskande ndi̱tsee̱n na̱xi̱ńdáꞌniuú, kó ki̱a̱ nga̱nde ndáchíkoón ikindyia yejejne̱ tikójne̱, ko̱jo kandokjo̱a̱jne̱ Néná.

Ni xi kamá 7:60

Kó asiéntikoó, sꞌe̱ achichí ꞌniú askjandáyà, nga bi̱ katsó: –¡Ji Ndi̱a̱, ngata̱ ki̱a̱jín chꞌiée̱ xki̱ jé xi ndyi̱tsꞌènjo̱na kui xotaa̱! Kó ngije bo̱a̱ katsó, kꞌien ꞌne̱ ngijee̱.

1 Xota̱ Korinto̱ 1:2

xota̱ na̱ngo̱xi̱i̱ Néná xi síndo na̱xi̱ńdáꞌniú Korinto̱ kui xi kamátsjie ngindyi̱ko̱n Néná ngatꞌaa̱ Kristo̱ Kjisoo̱. Jún xi Néná tsíchji̱a̱jnú nga xota̱ tsjiee̱ ka̱majnú, ko̱jo kui xota̱ xi ta̱jñà ngi̱ndiení je sꞌijii̱n Ndi̱a̱ná Jesukristoo̱, Ndi̱a̱a̱ kui xotaa̱, ko̱jo Ndi̱a̱ tsa̱ñá.

1 Xota̱ Korinto̱ 7:7

Mejénna tsi ngayeje xotaa̱ ka̱ma xikoó an, ta̱nga Néná boá xi katsjáná ja̱ kje̱ꞌe ja̱ kje̱ꞌe kjo̱a̱nda nga ngo nga ngo ñá.

2 Xota̱ Korinto̱ 2:14

Ndokꞌóchji̱ì Néná, nga ngatsjéni̱xtjin tsja̱ajne̱ nga niꞌánjne̱ ngi̱yaa̱ jaꞌeén Kristoo̱ ko̱jo nga ji̱n tsꞌénkjiénjne̱ nga bokó ngayeje ngi̱ndie, kjo̱a̱kjíntakoón xikó maá tsi ngo ni xi sije̱n.

Xota̱ Filipo̱ 1:12

Jún ntsꞌie, mejénna nga xcha̱jnú nga kui ni xi kjimataꞌin an, kuí nii̱ xi katsjangaꞌniú ngasee̱ nga kjimatsie éntjatsi̱e̱e̱ Jesukristoo̱.

1 Xota̱ Tesalónika̱ 1:8

Ngatꞌa̱ jún boá xi tjón kachjábéjnú eén Ndi̱a̱ná, kó kjimatsie ngase, jmí tsi ta̱ na̱xi̱ńdáꞌniú Masendonia̱ ko̱jo na̱xi̱ńdáꞌniú Akaya̱ tsí, mején ngayeje ngi̱ndie tjiyá xikótsꞌèn sꞌijinjnú Néná, kó ngaskande ngiti̱ chjiénjín nga tjín ni xi ko̱ndókjo̱a̱jne̱ ji̱n kjo̱a̱a̱ kui nii̱.

1 Timoo̱ 5:14

Kuíni nga mejénna nga ku̱i̱xan ínchjín kꞌán xi je kꞌien xi̱ꞌii̱n xi kjindií, kó ngatꞌieé ndí, nga koo̱n ndiꞌaa̱, kó nga tsjandièjiín nga xota̱ xi kondraa̱ ku̱i̱chji̱a̱taꞌin.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

Xo̱jo̱o̱n Sandiyaá 4:8

Ti̱ꞌantiñajnúu̱ yojojnú Néná, kó kui sa̱ꞌíntiñajnú yojoo̱. Jún xota̱ xi ndyi̱niꞌánjéjnú, ti̱ꞌantsjiejnú ndsa̱jnú. Kó jún xi jó ni tjíjii̱n ini̱ma̱jnú, ti̱ꞌantsjiejnú ini̱ma̱jnú.

1 Xo̱jo̱o̱n Peé 3:7

Kó jún xi xi̱ꞌinjnú, ti̱ bo̱a̱ ti̱ tsꞌén ngatꞌiéjnú kjo̱a̱kjíntakón nga nda tsꞌén ku̱i̱ndyionjo̱jnú chjo̱ónjnú, cha̱ndikónjnú, ngatꞌa̱ ínchjiín jmí tsi bo̱a̱ tsꞌén ꞌniú xikoó jún, ngatꞌa̱ ngo chjo̱on ngo xi̱ꞌin xi je síndojo̱ xkjín, nijan sa̱kórií kjo̱a̱ndaa̱ kjo̱a̱mindyion xi tsjá Néná, tsi̱ꞌe̱ nga jmí ni sa̱ꞌínniꞌínjiín nga ku̱i̱chji̱a̱a̱ Néná.