1 Timoo̱ 2:7 - Xo̱jo̱n eén Néná

⁷ Kó kuíni nga Néná, an katsꞌénna ngo xi ꞌbini̱jmì éntjatsi̱e̱e̱. An xi apostro̱ an, ja̱koxi̱ boá ni xi tꞌíxián an, jmí tsi tsꞌénꞌbindiso an, kó án boá xi mostroo̱ xota̱ xi jundío̱jín, tsi̱ꞌe̱ nga kokoyáa̱ kjo̱a̱sꞌijin xi ja̱koxi̱i̱.

1 Timoo̱ 2:7 ပူးပေါင်းရင်းမြစ်များ

Xo̱jo̱n Salmoo̱ 111:7

Ja̱koxi̱ boá kjo̱a̱kitii̱ Néná, ka̱ma ka̱maꞌniátakón kjo̱a̱botíxomaa̱,

Eklesiastee̱ 1:12

An, Nda̱ xi Tsáyà Eén, re xi chji̱a̱ni Israee̱l kamá an ki̱a̱ na̱xi̱ńdáꞌniú Jerusale̱n.

Eklesiastee̱ 7:27

Ngije tsangasendi̱yà cha̱n cha̱a̱n ngayeje nii̱, an, Nda̱ xi Tsáyà Eén, kuí nii̱ xi xian an:

Juaa̱ 7:35

Sꞌe̱ bi̱ katsoó xkjín xota̱ jundíoo̱: –Ñání tsꞌénfí kui nda̱a̱ nga ka̱májínná sa̱kóná. A tsꞌénkjó nga ki̱a̱ ko̱e̱je̱ nínga síndo xota̱ jundíoo̱ xi chji̱a̱ni kje̱ꞌe na̱xi̱ńdá, sꞌe̱ ko̱kóyaá xota̱ ngriengoo̱.

Ni xi kamá 14:27

Kó ngije jachó na̱xi̱ńdáꞌniú Antiokiya̱, ítikó xota̱ na̱ngo̱xi̱i̱, kó íni̱jmi̱ì ngayeje ni xi katsꞌén Néná ngi̱ya tsja kui jaá, ko̱jo nga Néná boá xi katsꞌén nga xota̱ xi jundío̱jiín je sꞌi̱jii̱n Kjisoo̱ nga.

Ni xi kamá 22:21

Kó Néná bi̱ katsóna: “Jè ka̱ma kꞌuin ji ꞌne̱, ngatꞌa̱ kjin nangi nínga sangiyaa ji nínga síndo xota̱ xi jundío̱jín.”

Ni xi kamá 26:20

kó kuíni nga tjón má xota̱ xi chji̱a̱ni na̱xi̱ńdáꞌniú Ndamasko̱ katsóyàa̱ eén Néná, sꞌe̱ jaskan xota̱ xi chji̱a̱ni na̱xi̱ńdáꞌniú Jerusale̱n, ko̱jo ngayeje xota̱ xi chji̱a̱ni nangi Jundea̱, kó ti̱ katsóyàa̱ xota̱ xi jundío̱jín nga, katsóyàa̱ tsi̱ꞌe̱ nga sa̱ꞌínkꞌoyà yojoo̱ jé xí ndyi̱tsꞌèn, kó nga ta̱sá Néná ko̱ngase ko̱jo nga sa̱ꞌín ni xi ndakjiꞌi, kósꞌe̱ bo̱a̱ tsꞌén ko̱kó yojoo̱ nga ja̱koxi̱ nga je ndi̱ya̱à Néná tjimá.

Ni xi kamá 9:15

Ta̱nga Ndi̱a̱ná, bi̱ katsoó: –¡Tꞌenchíi̱n! Ngatꞌa̱ nga kuí nda̱a̱ xi je jaꞌajin an tsi̱ꞌe̱ nga ku̱i̱chji̱a̱jo kjo̱a̱a̱ an xota̱ xi Israee̱ljín, ko̱jo re, ko̱jo ngayeje xota̱ xi chji̱a̱ni Israee̱l,

Xota̱ Roma̱ 1:9

Néná kui xi ngayeje ini̱ma̱na nga tjítsꞌen an xaá nga tsꞌénꞌbini̱jmì án éntjatsi̱e̱e̱ ndií, be nga ngatsjéni̱xtjin tsꞌénchji̱a̱tjejnúꞌun, kjiꞌanga chjiáa̱ kui.

Xota̱ Roma̱ 10:14

Ta̱nga, kótsꞌèn sa̱ꞌínkaxoma jaꞌeén Néná kui xota̱ xi kji̱e̱ sꞌijinjiín Néná. Kó kótsꞌèn sꞌi̱jii̱n Néná tsi kji̱e̱ ntꞌiéjín ꞌyání xi Néná. Kó kótsꞌèn ku̱i̱ntꞌiè tsi jmíjín xi ku̱i̱ꞌíni̱jmi̱ì.

Xota̱ Roma̱ 11:13

Ta̱nga jún xí xota̱ xi Israee̱ljínjnú xi tsꞌénchji̱a̱jojnúꞌun, ngatꞌa̱ án xí apostroo̱ xota̱ xi jundío̱jín, kó kuíni nga tsꞌén bendikón án xána.

Xota̱ Roma̱ 15:16

tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.

Xota̱ Roma̱ 9:1

Ja̱koxi̱ ni xi tꞌíxiánjnúꞌun nga ki̱a̱ majo̱ an Kristoo̱, ꞌbindisójín an, kó A̱si̱énni̱xtjii̱n Néná xí tsáyà nga ja̱koxi̱ ni xi tsꞌénkjó kjo̱a̱kjíntakónna.

1 Xota̱ Korinto̱ 9:1

A tikónndéjín an ngindyi̱ko̱n Néná. A apostro̱jín an. A ndyikón ánjín má xi kamábe Ndi̱a̱ná Kjisoo̱. ¡Ndokꞌóchji̱ì xá xí katsꞌen an nga jún jè xota̱a̱ Kristoo̱ jún!

2 Xota̱ Korinto̱ 11:31

Néná kui xi Na̱ꞌmii̱ Ndi̱a̱ná Jesukristoo̱ be nga ja̱koxi̱ boá ni xi tsꞌénchji̱a̱ an, kó kuí boá xi nganiꞌántsjaá ta̱ kjiꞌání.

Xota̱ Ngalasia̱ 1:16

Kó ni̱xtjin nga kamámejeén akóna ndií, tsi̱ꞌe̱ nga kꞌuini̱jmì án éntjatsi̱e̱e̱ Néná ngi̱jii̱n xota̱ xi jundío̱jín, kó nde ngojín xota̱ xi asíyáa̱ tsi nda, ko̱jo tsi ndajínkjiꞌi kui nii̱.

Xota̱ Ngalasia̱ 1:20

Néná xí be nga ja̱koxi̱ boá ngayeje ni xi tsꞌénꞌbitꞌa an xo̱jo̱n.

Xota̱ Ngalasia̱ 2:16

Kó jè ya ji̱n nga ngojín xota̱ xi kixi̱ ka̱ma ngindyi̱ko̱n Néná kjo̱a̱a̱ ni xi tjítsꞌén nga sa̱ꞌínkjatjosón kjo̱a̱kitii̱, ta̱sá kixi̱ ka̱ma ta̱ngatꞌanii̱ nga sꞌijii̱n Jesukristoo̱. Kuíni nga ko̱jo ji̱n xi jundío̱ ji̱n kiniꞌánsꞌijinjne̱ Jesukristoo̱, tsi̱ꞌe̱ nga kixi̱ ka̱ma ji̱n ta̱ngatꞌanii̱ kjo̱a̱sꞌijii̱n Kristoo̱, kó jmí tsi kjo̱a̱a̱ nga si̱ꞌankjatjosón ji̱n ni xi tjítꞌa kjo̱a̱kitii̱, ngatꞌa̱ kjo̱a̱a̱ kjo̱a̱kitii̱ nde ngojín xota̱ xi ka̱ma kixi̱ ngindyi̱ko̱n Néná.

Xota̱ Ngalasia̱ 2:9

Kó Sandiyaá, ko̱jo Peé, ko̱jo Juaa̱, kuí boá xi ya nga ngito̱ko̱o̱ na̱ngo̱xi̱i̱, nga kamákjiín kjo̱a̱a̱ kui kjo̱a̱nda xi katsjána Néná, katsjájne̱ tsja nga ikꞌíndajo̱jne̱ tsi̱ꞌe̱ an ko̱jo Bernabee̱, si̱ꞌanjne̱ xaá Néná ngi̱jii̱n xota̱ xi jundío̱jín, tji̱e̱nga kui jaá sa̱ꞌín xaá Néná ngi̱jii̱n xota̱ xi jundío̱.

Xota̱ Ngalasia̱ 3:9

Kó kuíni nga ngayeje xota̱ xi sꞌijii̱n Néná ma chikonñé xikótsꞌèn kamáchikonñé Abraa̱n, kui xi kisꞌijii̱n Néná.

2 Timoo̱ 1:11

Néná katsjáxána tsi̱ꞌe̱ nga ka̱ma an ngo xi ku̱i̱ꞌíni̱jmì éntjatsi̱e̱e̱, ngo apostro̱ ko̱jo ngo mostro̱.

2 Xo̱jo̱o̱n Peé 2:5

Kó Néná ti̱ katsꞌénjetakónjiín xota̱ xi kisꞌińdo ni̱xtjii̱n Noee̱, ta̱sá katsangiyaa̱ stsé ꞌniú, kó ngayejee̱ nga jesón. Néná tsꞌaxiéꞌá Noee̱, nda̱ xi akóyaá xotaa̱ nga kixi̱ tsꞌén kꞌuíndo, kó jatjoꞌa Noee̱ ko̱jo ngi yito xota̱.