1 Timoo̱ 2:4 - Xo̱jo̱n eén Néná

⁴ Néná mejeén nga kjo̱tjoꞌa ngayeje xotaa̱, ko̱jo nga sku̱i̱e̱ ni xi ja̱koxi̱i̱.

1 Timoo̱ 2:4 ပူးပေါင်းရင်းမြစ်များ

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Markoo̱ 16:15

Kó bi̱ katsoó: –Tangínjnú ngayeje són nga̱sondiee̱ kó tꞌíni̱jmìjnúu̱ éntjatsi̱e̱e̱ Néná ngayeje xota̱ xi tjiín.

Rkaa̱ 1:77

tsi̱ꞌe̱ nga kꞌuiyée̱ xota̱ na̱xi̱ńdaá nga Néná kꞌo̱xiéꞌá, tsi̱ꞌe̱ nga ka̱majetakoón jeé.

Rkaa̱ 14:23

Kó ndi̱a̱ xi tsi̱ꞌe̱ sꞌueé, bi̱ katsoó mosoo̱: “Tꞌen ji ngayeje ndi̱yàngí, ko̱jo ndi̱yà kꞌijñá, kó ndibéje̱ kjo̱a̱ꞌniú ngayeje xotaa̱, tsi̱ꞌe̱ nga stsi̱e̱ ndiꞌana.”

Rkaa̱ 24:47

ko̱jo nga chjiéngá jaꞌeén Kjisoo̱ kꞌuini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, ko̱jo tsi̱ꞌe̱ nga si̱ꞌanjetakoón jeé ngayeje xota̱ na̱xi̱ńdaá, kó nga na̱xi̱ńdáꞌniú Jerusale̱n ku̱i̱ꞌítsꞌi̱yani kui nii̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 17:17

Ti̱ꞌintsjieni ngi̱yaa̱ ja̱koxi̱i̱, ngatꞌa̱ ja̱koxi̱ boá ée̱n.

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Xota̱ Roma̱ 11:14

Tsi tjítsꞌen onkon an xota̱ na̱xi̱ńdaá nangina, bo̱a̱ tjítsꞌen an, tsi̱ꞌe̱ nga kjo̱tjoꞌa chiboa kui xotaa̱.

1 Timoo̱ 4:10

Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

2 Timoo̱ 2:25

Chjiéngá ni̱ma̱kjo̱a̱ ka̱ma ji nga si̱ꞌinchji̱ni̱ xota̱ xi kondra̱ síndoo̱ ni xi tibokoyé ji. Tsi̱ꞌe̱ nga tsi ta̱ꞌa nga Néná xí mejeén tsja̱á kjo̱a̱nda kui xota̱ kondraa̱, nga sa̱ꞌínkꞌoyà yojoo̱, tsi̱ꞌe̱ nga sku̱i̱e̱ ni xi ja̱koxi̱i̱,

2 Timoo̱ 3:7

Kui ínchjiín ngatsjéni̱xtjin mejeén nga ka̱maa̱ ngo ni xi tja̱tsi̱e̱, kó jmíni̱xtjin ka̱maa̱ ka̱makjiín ni xi ja̱koxi̱i̱.

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

Titoo̱ 2:11

Ngatꞌa̱ Néná je akoó kjo̱a̱ndaa̱ ngayeje xotaa̱, kó kuí boá xi ꞌboxiéꞌáná,

Xota̱ Ebreo̱ 10:26

Ngatꞌa̱ tsi ngayeje takón nga si̱ꞌanjé ngije kamáyà ni xi ja̱koxi̱i̱, jè ngiti̱ jmíjín ingo kjo̱a̱tjó xi ka̱ma si̱ꞌankꞌasꞌien kjo̱a̱a̱ jeé.

Xo̱jo̱o̱n Sandiyaá 3:14

Ta̱nga tsi kjo̱a̱ꞌontakón tikónjii̱n ini̱ma̱jnú, kó tsi ndyi̱bixkánjnú nga mejénjnú ko̱kójnú ꞌyání xi chꞌokon ngase, ngata̱ jejín ꞌna̱xiéjnú yojojnú, ti̱nde ngata̱ miyoniéjínjnú ni xi ja̱koxi̱i̱.

2 Xo̱jo̱o̱n Peé 3:9

Ndi̱a̱ná tsꞌénkꞌandíyàjiín nga sa̱ꞌínkjatjosón ni xi katsóyàtjón nga sa̱ꞌín, xikótsꞌèn bee̱ko̱n kjín xota̱ nga tsꞌénkꞌandíyà. Ta̱sá koyakjo̱a̱jnú ngatꞌa̱ mejénjiín nga tjín xi xcha̱ja, ta̱sá mejeén nga ngayeje xotaa̱ sa̱ꞌínkꞌoyà yojoo̱.

2 Xo̱jo̱o̱n Juaa̱ 1:1

Án boá ngo nda̱ xi xota̱ xi xchaá na̱ngo̱xi̱i̱ tsꞌentindejnúꞌun jún xi xota̱ na̱ngo̱xi̱ xi je jaꞌájinjnú Néná, kui xota̱ xi ja̱koxi̱ nga tjóna, kó jmí tsi ta̱ án tsí xi tjóna, ti̱ tjórií jún ngayeje xota̱ xi je kamábe ni xi ja̱koxi̱i̱ nga.

Ni xi akakoo̱ 14:6

Kó kamábe an ingo ndítsjie xi tsoꞌbátji̱e̱n ngamasiee̱n ndiꞌakꞌajmii̱, kó ngo éntjatsi̱e̱ xi májiín fe tsꞌényaꞌa, tsi̱ꞌe̱ nga ku̱i̱ꞌíni̱jmi̱ì ngayeje xota̱ xi síndo tꞌanangii̱, ko̱jo na̱xi̱ńdá, ko̱jo xtín xota̱, ko̱jo én, ko̱jo xota̱ na̱xi̱ńdá,