1 Timoo̱ 1:9 - Xo̱jo̱n eén Néná

⁹ Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

1 Timoo̱ 1:9 ပူးပေါင်းရင်းမြစ်များ

Éksondo̱ 20:13

»Ngata̱ xota̱jín niꞌánkꞌiénjnú.

Éksondo̱ 21:14

»Kui xota̱ xi ta̱ xá sa̱ꞌínkꞌiénni kje̱ꞌe xota̱, chjiéngá ko̱yà, kó ndatsi ki̱a̱ ṉchandikónna tikóntꞌa, chje̱ꞌéxín ji tsi̱ꞌe̱ nga si̱ꞌankꞌien.

Énkjínkón 20:20

Kui ndí xí chꞌo ka̱tso̱o̱ na̱ꞌmii̱ ko̱jo na̱aa̱n, bo̱a̱ ka̱maa̱ xikoó ngo ndiꞌí xí inda inda ꞌbo nínga jñoó.

Énkjínkón 28:17

Xota̱ xi katsꞌenkꞌién ngo ini̱ma̱, kjótsoꞌbá chinga ngaskande nga ko̱yà, ¡ngata̱ jmíjín xi bosikójo!

Énkjínkón 28:24

Xi sa̱ꞌínchejeé na̱ꞌmii̱ ko̱jo na̱aa̱n, kósꞌe̱ bo̱a̱ ka̱tso̱ nga katsꞌénjéjín, kuí boá xi amingo̱ manii̱ xota̱ xi ꞌniú ndajín.

Énkjínkón 30:11

»Tjín xota̱ xi chji̱a̱ nga ndajín ka̱maa̱ na̱ꞌmii̱, kó nde tsꞌénchíkonñéjín na̱aa̱n.

Énkjínkón 30:17

»Xota̱ xi mojnókie na̱ꞌmii̱, ko̱jo xi tsꞌenchꞌó kjo̱a̱bokoyaá na̱aa̱n, kuí boá xi tsoboaá nga ni̱sie kuerboo̱ kꞌo̱xié ndyi̱ko̱n, ko̱jo nga cho̱ xi kjinie yojo siee̱n skji̱ni̱e̱ tikón.

Lebitiko̱ 20:9

»Tsi tjín xí chꞌo ka̱tso̱o̱ na̱ꞌmii̱ ko̱jo tsi na̱aa̱n, chjiéngá ko̱yà.

Matioo̱ 10:21

Kó ngo ntsꞌie, ti̱ kuii̱ sa̱ꞌínkꞌasꞌien xi ingo ntsꞌiee̱ nga si̱ꞌankꞌien, kó na̱ꞌmii̱ sa̱ꞌínkꞌasꞌien ndií, kó ti̱ kui ndií kondra̱ ko̱e̱je̱e̱ xi xchaá, kó sa̱ꞌínkꞌién xkjín.

Xota̱ Roma̱ 1:30

Tsíchji̱a̱taꞌin xkjín, chꞌo kamaá Néná, katsꞌén ni xi májín niꞌán ngindyi̱ko̱n xotaa̱, chꞌokon kamá, ti̱ kuii̱ je tsꞌaxié yojoo̱, katsꞌéntsijen ni xi ndajín, tsintꞌiéꞌénjiín xi xchaá.

Xota̱ Roma̱ 4:13

Ngatꞌa̱ jmí tsi kjo̱a̱a̱ kjo̱a̱kitii̱ nga Abraa̱n, ko̱jo xota̱ tji̱e̱e̱ katseꞌeé ni xi katsó Néná nga kui nga̱sondiee̱ tsi̱ꞌe̱ ka̱ma, ta̱ngatꞌanií kjo̱a̱kixi̱i̱ kjo̱a̱sꞌijii̱n.

Xota̱ Roma̱ 5:20

Ta̱nga kjo̱a̱kitii̱ jeꞌe tsi̱ꞌe̱ nga jeé ka̱makjín ngase, ta̱nga ngije kamákjín jeé, ti̱ kamátsié ngase kjo̱a̱ndaa̱ Néná.

Xota̱ Roma̱ 6:14

Ngatꞌa̱ jeé jè ngiti̱ kuijín xi botixómájnú, ngatꞌa̱ jmí tsi ngi̱yaa̱ kjo̱a̱kitii̱ tindyiónjnú, ta̱sá ngi̱yaa̱ kjo̱a̱ndaa̱ Néná tindyiónjnú.

Xota̱ Ngalasia̱ 3:19

Kósꞌe̱, kó mí chjínií kjo̱a̱kitii̱. Jeꞌe tsi̱ꞌe̱ nga sku̱i̱e̱ xotaa̱ nga jé boá xi ndyi̱tsꞌèn, kó ta̱ kjiꞌa tsi ka̱machjínií kui kjo̱a̱kitii̱, ngaskande nga kjindibá kui xota̱ tji̱e̱e̱ Abraa̱n xi Néná katsóyàtjoón nga kjo̱e̱ꞌe, kui xi Kristoo̱. Néná katsangiya ndítsjiee̱ nga katsjaá Moisee̱ kjo̱a̱kitii̱, kó Moisee̱ xí katsjaá xotaa̱ kui kjo̱a̱kitii̱.

Xota̱ Ngalasia̱ 5:18

Ta̱nga tsi ni xi mejeén A̱si̱énni̱xtjii̱n Néná xí ndyi̱niꞌánkjatjosónjnú, ngiti̱ kjo̱a̱kitii̱jín xi ko̱tíxomájnú.

Xota̱ Ngalasia̱ 5:21

ko̱jo xi tjiín kjo̱a̱ꞌontakón, ko̱jo xi ndyi̱tsꞌènkꞌién ini̱ma̱, ko̱jo xi tjimáchꞌi̱, ko̱jo xi chꞌo tsꞌén ndyi̱tsꞌèntsjàjo̱ xtín xkjín. Ngayeje ni xi̱ꞌbi̱ ko̱jo ni xi xikoó kui ni xi̱ꞌbi̱, tsꞌenkjaꞌátsjienjnúꞌun, xikó je kixianjnúꞌun ngasꞌe̱, nga kui xota̱ xi ndyi̱tsꞌèn kuí nii̱, sa̱kójiín nga Néná xí ko̱tíxomaa̱.

Xota̱ Ngalasia̱ 5:23

ko̱jo kjo̱a̱ndaꞌyáꞌén, ko̱jo kjo̱a̱a̱ nga ka̱máná kꞌuíꞌniúu̱ yojoná ni xi chꞌokjiꞌii̱, tsi kui nii̱ xi si̱ꞌán, jmíjín ngo kjo̱a̱kiti xi ku̱i̱ꞌíchjáná.

2 Xota̱ Tesalónika̱ 2:8

Sꞌe̱ kjiꞌa ꞌne̱ nga kjo̱tjokjá kuí xota̱ nga̱sondie xi tsi̱ꞌe̱ jeé, kó Ndi̱a̱ná Kjisoo̱ ta̱ tjo̱o̱ tsꞌoa tsí xi sa̱ꞌínkjién nga sa̱ꞌiín, kó ndiꞌí ꞌna̱a̱ nga kjo̱e̱ꞌe, sa̱ꞌínkjié.

1 Timoo̱ 4:7

Ta̱nga ngata̱ niꞌínsénjíi̱n én xchá xi jmí ni chjíjiín, ko̱jo én chi̱ni. Ta̱sá ti̱ꞌingée̱ ini̱màa̱ nga ngo nda̱ nda xi xota̱a̱ Jesukristoo̱ ka̱ma ji.

1 Timoo̱ 6:20

Ji Timo̱, nda tsꞌén ti̱ꞌinkjatjosén ji xá xi kiniꞌánkꞌasꞌiee̱n, ngata̱ niꞌínsénjíi̱n én xi jmí ni chjíjiín, ko̱jo éndísó xi chji̱a̱ xotaa̱ kui xi kjo̱a̱kjínkón ndyi̱tsoó,

2 Timoo̱ 2:16

Ta̱nga ngata̱ niꞌínsénjíi̱n én xi jmí ni chjíjiín xi tsi̱ꞌe̱ kui nga̱sondiee̱, ngatꞌa̱ xi bo̱a̱ tsꞌén chji̱a̱a̱ tsꞌénkjii̱n yojoo̱ Néná.

2 Timoo̱ 3:2

Ngatꞌa̱ xotaa̱ ka̱maꞌonkon, kó to̱o̱n xi ꞌniú sa̱ꞌíntjó ngase, ko̱jo je ka̱maa̱ yojoo̱, ko̱jo ta̱kuítsí xi sa̱ꞌíntjó yojoo̱, ko̱jo chꞌo ka̱tso̱o̱ Néná, ko̱jo ku̱i̱ntꞌiéꞌénjiín xi xchaá, ko̱jo xota̱ xi tsꞌénkiejín yojoo̱ nga bosíko̱jo ka̱ma, kó sku̱i̱e̱ndikónjín Néná.

Titoo̱ 1:10

Ngatꞌa̱ achichí má xota̱ xi to̱kó tjín xi ntꞌiéꞌénjiín kjo̱a̱bokoyá xi ndaa̱, kui xota̱ xi chji̱a̱ én xi jmí ni chjíjiín, kó ꞌboṉcha̱jo xotaa̱, ngase má kui xota̱ jundío̱ xi bokoyá nga si̱ꞌan sirkunsisioo̱n.

Titoo̱ 1:16

Be xò Néná ti̱xꞌi̱a̱n ndyi̱tsó, ta̱nga ni xi ndyi̱tsꞌèn, bokó nga jmí tsi sꞌijin ja̱koxi̱i̱ Néná. Kuí boá kui xotaa̱ xi ndajín, ko̱jo xi ntꞌiéꞌénjín, kó nde chiíjín maá tsꞌén ni xi nda.

Titoo̱ 1:6

Xi ka̱ma xota̱ xi xchaá, kuí boá xi jmíjín xi chꞌo tsꞌén ku̱i̱chji̱a̱taꞌin, kui xi ta̱ ngo tsi chjo̱on tjiín, kui xi ndií sꞌijin ka̱maa̱ Néná, ko̱jo xi ndií kixi̱ kꞌuíndo, nga jmíjín xi chꞌo tsꞌén ku̱i̱chji̱a̱taꞌin, ko̱jo nga ku̱i̱ntꞌiéꞌén.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

Xota̱ Ebreo̱ 11:31

Ta̱ngatꞌanii̱ kjo̱a̱sꞌijii̱n na̱masien xi ꞌmí Raa̱b, nga ki̱a̱jín nijan kꞌienjo̱ xota̱ xi tsintꞌiéꞌénjiín, ngatꞌa̱ kui naa̱ nda katsꞌénseén xota̱ Israee̱l xi kijíkatsijenꞌmaá tsi̱ꞌe̱ nga sku̱i̱e̱ kóchon kui ngi̱ndiee̱.

Xota̱ Ebreo̱ 12:16

ko̱jo tsi kꞌuié ngo xota̱ xi tondo̱ ka̱ma, ko̱jo tsi ngo xi sku̱i̱e̱ndikónjín nii̱ Néná xikó katsꞌén Esauu̱, kui xi ta̱ngatꞌanii̱ ngo chií ti̱bo̱a̱ nichinie xi atíñáni kjo̱a̱nda xi katsoboaá nga kui xi ndí xi tjón kamá katsaki.

1 Xo̱jo̱o̱n Peé 2:7

Jún xi je sꞌijinjnú Ndi̱a̱ná, achichí chjínií májnú jún, ta̱nga xota̱ xi sꞌijinjiín kui, ki̱a̱ boá nga fotjosón ni xi tsó xo̱jo̱n eén Néná: Kui ndi̱jo̱ xi katsꞌénchꞌó já chji̱ni̱e̱xo̱ó, kuí boá xi ndi̱jo̱ xi sꞌi̱tjatsꞌennii̱ ndiꞌaa̱ kamá.

1 Xo̱jo̱o̱n Peé 3:20

kui xi tsintꞌiéꞌénjín ni̱xtjin nga kisꞌijña Noee̱, kjiꞌanga Néná askoyá sakon sakoo̱n nga sa̱ꞌínkꞌoyà yojoo̱ xotaa̱, tji̱e̱nga kjimanda tjotso jee̱. Jin ma xota̱ xi jatjoꞌaa̱ yojoo̱ nga jesón ngándájín ngi̱jin ndáfoaa̱.

1 Xo̱jo̱o̱n Peé 4:18

Kó tsi niꞌin kjo̱tjoꞌa xota̱ xi kixi̱i̱, kókjiꞌi ni xi ka̱maa̱ xota̱ xi ꞌniú ndajiín, ko̱jo xota̱ jeé nga.

Xo̱jo̱o̱n Jundaa̱ 1:15

tsi̱ꞌe̱ nga ka̱tso̱yaa̱ ngayeje xotaa̱ kui nga̱sondiee̱ tsi nda ko̱jo tsi ndajín katsꞌén, ko̱jo tsi̱ꞌe̱ nga ko̱tíjeé ngayeje xota̱ xi ndajiín, kjo̱a̱a̱ ngayeje ni xi ndajín xi katsꞌén, ko̱jo kjo̱a̱a̱ ngayeje én chꞌo tsó xi katsoó Néná.”

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.

Ni xi akakoo̱ 22:15

Ta̱nga ndi̱tsén jàn kꞌuíndo ngayeje xota̱ xi ndajín, ko̱jo xi ndyi̱tsꞌèn kjo̱a̱tjiꞌe, kui xi ta̱xkiya ndyi̱tsꞌèntsjàjo̱ yojoo̱, xi ndyi̱tsꞌènkꞌién ini̱ma̱, xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo kui xi ndyi̱tsꞌèntjó ko̱jo xi ndyi̱tsꞌèn kjo̱a̱ndiso.