1 Timoo̱ 1:5 - Xo̱jo̱n eén Néná

⁵ Kuíni nga bo̱a̱ kixianñaa ngatꞌa̱ mejénna nga si̱ꞌantjó xingi̱, nga kꞌuiéná ngo kjo̱a̱tjó xi ndibánií ngi̱jin ini̱ma̱ tsjiená, ko̱jo ngi̱jii̱n kjo̱a̱kjíntakón ndaná, ko̱jo ngi̱jii̱n kjo̱a̱sꞌijin ja̱koxi̱ná.

1 Timoo̱ 1:5 ပူးပေါင်းရင်းမြစ်များ

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 51:10

Ji Ne, ngo ini̱ma̱ xi tsjie ti̱ꞌindení, kó ngo a̱siénni̱xtjin xi kixi̱ tꞌíjñijìnní.

Matioo̱ 12:35

Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié.

Matioo̱ 5:8

Achichíra̱tsjaa̱ xota̱ xi tsjie ini̱ma̱a̱, ngatꞌa̱ kuí xí sku̱i̱e̱ Néná.

Ni xi kamá 15:9

kó Néná skjánjín tjítsꞌénná ñá ko̱jo kui jaá, ngatꞌa̱ ti̱ jè katsꞌéntsjie ini̱ma̱a̱ ngije kisꞌijii̱n Néná nga.

Ni xi kamá 23:1

Kó Pabloo̱ askotsijen ndá ndaá ngayeje jáxaá, kósꞌe̱ bi̱ katsoó: –Jún já ntsꞌie, ngaskande ngotꞌe̱ nda tsꞌén tikón kjo̱a̱kjíntakónna, kó tsjatsꞌèn tikòn an ngindyi̱ko̱n Néná.

Ni xi kamá 24:16

Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.

Xota̱ Roma̱ 10:4

Ngatꞌa̱ nga fetꞌanii̱ kjo̱a̱kitii̱ Kristoo̱ boá, tsi̱ꞌe̱ nga xota̱ kixi̱ ka̱ma ngayeje xi sꞌijii̱n kui.

Xota̱ Roma̱ 12:9

Ti̱ꞌantjó ja̱koxi̱jnú xingi̱jnú. Ti̱ꞌanchꞌójnú ni xi ndajiín, kó ni xi ndaa̱ tangíntji̱ngíjnú.

Xota̱ Roma̱ 14:15

Ta̱nga tsi ta̱ngatꞌanii̱ nichiniee̱ nga ntsꞌie ndasen kꞌuijñá ngindyi̱ko̱n Néná, ja̱ jè ngiti̱ tjójiín ntsꞌie. Ngata̱ niꞌínjín ji ngo ni nga ta̱ngatꞌanii̱ nichiniee̱ xcha̱ja xota̱ xi Kristoo̱ kꞌientjéni.

Xota̱ Roma̱ 9:1

Ja̱koxi̱ ni xi tꞌíxiánjnúꞌun nga ki̱a̱ majo̱ an Kristoo̱, ꞌbindisójín an, kó A̱si̱énni̱xtjii̱n Néná xí tsáyà nga ja̱koxi̱ ni xi tsꞌénkjó kjo̱a̱kjíntakónna.

1 Xota̱ Korinto̱ 13:1

Tsi mana ngayeje én xí chji̱a̱ xota̱ nga̱sondiee̱, ko̱jo én xí chji̱a̱ ndítsjiee̱, ta̱nga tsi jmíjínna kjo̱a̱tjó, ta̱ xikónií ngo ki̱cha̱ xi ꞌniú fonie, ko̱jo tsi ngo platiyo̱ xi ta̱xkiya fonie kjima an.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Ndeuteronomio̱ 10:12

»Mí ni xi mejeén Néná nga si̱ꞌánjnú jún. Ta̱ ngototo nga xcha̱ndikónjnú ko̱jo nga ko̱nda̱ꞌyáꞌénjnúu̱, ko̱jo nga si̱ꞌantjójnú, ko̱jo nga si̱ꞌantsjajnúu̱ ngayeje ini̱ma̱jnú.

1 Timoo̱ 1:18

Ji Timo̱, ndí tsa̱ꞌa̱n, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán nga si̱ꞌin, tsi̱ꞌe̱ nga xikó katsó já chji̱ni̱e̱ꞌe̱én Néná kjo̱a̱a̱ ji, bo̱a̱ tsꞌén nda ti̱xkéntjé ji ni xi ndaa̱.

1 Timoo̱ 1:19

ꞌNiú tindyin ji kjo̱a̱a̱ kjo̱a̱sꞌijìi̱n, ko̱jo nga tsjietsꞌén si̱ꞌinkjé ji ngindyi̱ko̱n Néná, ngatꞌa̱ tjín xí je íjñámasien kui nii̱, kó ngiti̱ sꞌijinjiín Néná, kuíni nga je tjimá kichajá,

1 Timoo̱ 3:9

Chjiéngá ꞌniú kꞌuíndojin kjo̱a̱sꞌijii̱n, kui ni xi ikꞌíjñáꞌma ngasꞌe̱, ta̱nga ngotꞌe̱ ꞌne̱, je tjisꞌíjñátsijen, ko̱jo nga tsjietsꞌén kꞌuijñá kjo̱a̱kjíntakoón.

2 Timoo̱ 1:3

Tsjàa̱ ndokꞌóchjì Néná nga nda tjítsꞌénjoo̱, kó nga foaꞌátsjienna ji ngatsjéni̱xtjin chjiáa̱ Néná nga ni̱xtjin ko̱jo nga ni̱xtji̱e̱n. Tsjie tikón kjo̱a̱kjíntakónna nga tsꞌén an xaá Néná, xikó katsꞌén xota̱ xi xchána.

2 Timoo̱ 1:5

Foaꞌátsjienna nga ngayeje ini̱ma̱a̱ nga sꞌijii̱n Néná. Tjón má na̱xcháa̱ xi ꞌmí na̱ Loindaa̱ kisꞌijii̱n, ko̱jo na̱áa̱n xi ꞌmí na̱ Eunisee̱ nga. Kó ngotꞌe̱ ꞌne̱ be an nga ti̱ bo̱a̱ ti̱ tsꞌén sꞌijii̱n ji nga.

2 Timoo̱ 2:22

Chje̱ꞌéxíi̱n yojòo̱ ni xi ndajín xi mején tsꞌén já xo̱ngo̱ò, kó tꞌentji̱ngi ji kjo̱a̱kixi̱i̱, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱xioó, ki̱a̱ ti̱ꞌinkamaje̱ xota̱ xi tsjie ini̱ma̱a̱ ko̱jo xi chji̱a̱a̱ Ndi̱a̱ná.

Titoo̱ 1:15

Ngayeje nii̱ xi tsjie maá xota̱ xi tsjietsꞌén tikón ini̱ma̱a̱, ta̱nga xota̱ xi ndándí síndo ngindyi̱ko̱n Néná, ko̱jo xi sꞌijinjiín Néná, ngojín ni xi tsjie maá kui, ngatꞌa̱ ngaskande ni xi tsꞌénkjó, ko̱jo kjo̱a̱kjíntakoón tsjiejín tikón.

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

Xota̱ Ebreo̱ 13:18

Ndókjo̱a̱jnúu̱ Néná kjo̱a̱a̱ ji̱n, ngatꞌa̱ ꞌniátakónjne̱ nga nda tsꞌén tikón kjo̱a̱kjíntakónjne̱ kjo̱a̱a̱ xá xí ndyi̱niꞌánjne̱, kó mejénjne̱ nga ta̱kó nda tsꞌén si̱ꞌanjne̱ ngayeje nii̱.

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

Xo̱jo̱o̱n Sandiyaá 4:8

Ti̱ꞌantiñajnúu̱ yojojnú Néná, kó kui sa̱ꞌíntiñajnú yojoo̱. Jún xota̱ xi ndyi̱niꞌánjéjnú, ti̱ꞌantsjiejnú ndsa̱jnú. Kó jún xi jó ni tjíjii̱n ini̱ma̱jnú, ti̱ꞌantsjiejnú ini̱ma̱jnú.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 3:16

Ta̱nga ngatꞌiéjnú kjo̱a̱ni̱ma̱kjo̱a̱, ko̱jo kjo̱a̱yandikón nga bo̱a̱ si̱ꞌánjnú. Ti̱ꞌánjnú kui nii̱ nga nda tsꞌén kꞌuijñá kjo̱a̱kjíntakónjnú ngindyi̱ko̱n Néná, ki̱a̱ ka̱maa̱ nga kui xota̱ xi ndyi̱chji̱a̱taꞌinjnú, kui xi ndyi̱tsó nga ndajínjnú xota̱, soboá ka̱maa̱ nga sku̱i̱e̱ nga nda ndyi̱niꞌánjnú ngatꞌa̱ sꞌijinjnú Kristoo̱.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

1 Xo̱jo̱o̱n Peé 4:8

Tsie kjo̱a̱tjó ngatꞌiéjnú ngi̱jinjnú, ngatꞌa̱ kjo̱a̱tjoó achichí jé sa̱ꞌínkjié.

2 Xo̱jo̱o̱n Peé 1:7

Kó kui kjo̱a̱yandikoón Néná, tjasónjnúu̱ nga tjó si̱ꞌánjnú xingi̱jnú xikoó tsi ntsꞌiejnú, kó kui kjo̱a̱a̱ nga niꞌántjó xingi̱jnú xikoó tsi ntsꞌié, tjasónjnúu̱ ngase kjo̱a̱tjó.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.

1 Xo̱jo̱o̱n Juaa̱ 3:23

Nga si̱ꞌansꞌijin Jesukristoo̱, kui xi ndií Néná, ko̱jo nga si̱ꞌantjó ja̱kꞌi̱e̱ ja̱ngaján xingi̱ xikótsꞌèn íjñá Néná nga si̱ꞌán, kuí bí kui nii̱ xi kjo̱a̱botíxomaa̱ Néná.

1 Xo̱jo̱o̱n Juaa̱ 3:3

Kó ngayeje xota̱ xi ndyi̱koyaa̱ kui, ndyi̱tsꞌèntsjie yojoo̱ ngindyi̱ko̱n Néná, xikótsꞌèn tsjie Jesukristoo̱.