1 Timoo̱ 1:16 - Xo̱jo̱n eén Néná

¹⁶ Kuíni nga Néná kamáni̱ma̱a̱ an, tsi̱ꞌe̱ nga Jesukristoo̱ akó ngayeje kjo̱a̱ndaa̱ nga katsꞌénkjiénna án. Kó bo̱a̱ tsꞌén nga an xi chi̱bo̱a̱ kamá an tsi̱ꞌe̱ xota̱ xi jaskan sꞌi̱jii̱n kui, tsi̱ꞌe̱ nga sa̱ko̱ó kjo̱a̱mindyion ngatsjéni̱xtjii̱n.

1 Timoo̱ 1:16 ပူးပေါင်းရင်းမြစ်များ

Xo̱jo̱n Salmoo̱ 25:11

Ta̱ngatꞌanii̱ kjo̱a̱tjó xi tjiín ji Ne, ti̱ꞌinjetakínní jé ꞌniú xí katsꞌen an.

Éksondo̱ 34:8

Ti̱ kjiꞌa kisꞌijñaxtien Moisee̱ ngaskande nga kisitꞌaa̱ kje̱n tꞌanangii̱ nga katsꞌéntsjaà Néná,

Xki̱ 23:3

Kósꞌe̱ Balaa̱n bi̱ katsoó Balaa̱k: «Ti̱ndyinra ji kꞌi̱e̱e̱. An chjiéngá skoya an nga kji̱ndi̱bá Néná, tsi̱ꞌe̱ nga ka̱tso̱yàna ni xi sa̱ꞌin an». Kó Balaa̱n kijí ngo ngi̱ndie xi nkꞌa ko̱jo xi kjiꞌitiya.

Rkaa̱ 15:10

Ja̱ bo̱a̱ xian an nga, nga ꞌbé kjo̱a̱tsja ngindyi̱ko̱n ndítsjiee̱ Néná, nga ngo xota̱ jé sa̱ꞌínkꞌoyà yojoo̱.

Rkaa̱ 23:43

Kó Kjisoo̱, bi̱ katsoó: –Ja̱koxi̱ ni xi xiáa̱n, nga ngotꞌe̱ má ku̱i̱ndyinje̱ní ndiꞌakꞌajmii̱.

Rkaa̱ 7:47

Kuíni nga bo̱a̱ xianñaa nga ndatsi kjín má jeé, jè kiniꞌánjetakoón, ngatꞌa̱ achichí ꞌniú katsꞌéntjó, ta̱nga kui xota̱ xi chiboa niꞌánjetakoón, chiboa tsí tsꞌéntjó.

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 6:54

Xi skji̱ni̱e̱ yojona, ko̱jo xi kꞌuí jínna, tjiín kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ ni̱xtjin nga kju̱i̱e̱tꞌaa̱ kui nga̱sondiee̱.

Ni xi kamá 13:39

kó nga ngayeje xi ngi̱yaa̱ kjo̱a̱kitii̱ Moisee̱ kamákixi̱jínni ngindyi̱ko̱n Néná, ta̱nga ta̱ngatꞌanii̱ Kjisoo̱ nga ka̱ma kixi̱ xi sꞌi̱jii̱n kui.

Xota̱ Roma̱ 15:4

Ngatꞌa̱ ngayeje ni xi je kiniꞌánꞌindó ngasꞌe̱ xo̱jo̱n eén Néná, kamánda tsi̱ꞌe̱ nga ko̱ko̱yaná, ki̱a̱ ka̱maa̱ nga kui kjo̱a̱tsiekoo̱n, ko̱jo kjo̱a̱niꞌándajoo̱n xo̱jo̱n eén Néná nga xchiyàa̱ ni xi tsja̱aná Néná.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

1 Xota̱ Korinto̱ 7:25

Kó kjo̱a̱ ngaá xota̱ xi síndo xo̱ngò kꞌaán, jmíjínna ngo kjo̱a̱botíxomaa̱ Ndi̱a̱ná xí tsjàa̱, ta̱nga xiyàa̱ ni xi bee̱ko̱n an, ngatꞌa̱ Néná katsjána kjo̱a̱ni̱ma̱takoón nga kui xi katsꞌénna ngo nda̱ xi si̱ꞌansꞌijíi̱n én xí ku̱i̱chji̱a̱.

2 Xota̱ Korinto̱ 4:1

Kó kuíni nga ta̱ngatꞌanii̱ kjo̱a̱ni̱ma̱takoón Néná nga katsjájne̱ kui xaá, kó ndyi̱niꞌankjiéjínjne̱ kjo̱a̱.

Xota̱ Éfeso̱ 1:12

Kó nga ji̱n xi tjón kamájne̱ nga kisꞌiejne̱ kjo̱a̱chiyákjo̱a̱a̱ ni nda xi sa̱kójinjne̱ Kristoo̱, kuíni nga ndyi̱niꞌántsjáa̱ kui Néná xí tjiín kjo̱a̱jee̱.

Xota̱ Éfeso̱ 1:6

Kuíni nga, nganiꞌántsjaá Néná kjo̱a̱a̱ kui kjo̱a̱nda je xi akó xi ta̱ katsjáná, xi kasakojinná ngi̱jii̱n kui ndí xí tjoó kui.

Xota̱ Éfeso̱ 2:7

bo̱a̱ katsꞌén tsi̱ꞌe̱ nga ni̱xtjin xi sꞌe̱ ndibaá, ko̱kó kókjiꞌi je kjo̱a̱cho̱o̱n kjo̱a̱ndaa̱, ko̱jo xikótsꞌèn nda ni xi katsjáná ñá, ngatꞌaa̱ ni xi katsꞌén Kristo̱ Kjisoo̱.

2 Xota̱ Tesalónika̱ 1:10

Bo̱a̱ ka̱ma ni̱xtjin nga kjo̱e̱ꞌe Ndi̱a̱ná, tsi̱ꞌe̱ nga xota̱ tsjiee̱ tsja̱á kjo̱a̱je, kó ngayeje xota̱ xi je kisꞌijii̱n kui, tsja ka̱maa̱ nga sku̱i̱e̱. Ngi̱jii̱n kui xotaa̱ je tindyiónjnú jún, ngatꞌa̱ jè kisꞌijinjnú ni xi je kiꞌmíyàjne̱ ko̱jo ni xi kiniꞌánjne̱ ji̱n.

1 Timoo̱ 1:13

ndatsi ngasꞌe̱ achichí chꞌo kixian an kondraa̱ kui, tsangatji̱ngíi̱ xota̱ xi tsi̱ꞌe̱, ko̱jo chꞌo kixiáa̱n. Ta̱nga Néná ni̱ma̱ kamaá an, ngatꞌa̱ kui ni̱xtjin jàn kji̱e̱ sꞌijinjínna Kristoo̱, kó bejín an ni xi katsꞌen an.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

1 Xo̱jo̱o̱n Peé 3:20

kui xi tsintꞌiéꞌénjín ni̱xtjin nga kisꞌijña Noee̱, kjiꞌanga Néná askoyá sakon sakoo̱n nga sa̱ꞌínkꞌoyà yojoo̱ xotaa̱, tji̱e̱nga kjimanda tjotso jee̱. Jin ma xota̱ xi jatjoꞌaa̱ yojoo̱ nga jesón ngándájín ngi̱jin ndáfoaa̱.

2 Xo̱jo̱o̱n Peé 3:15

Kó ngatamakjínjnú nga kui kjo̱a̱chiyákjo̱a̱ xi tjiín Ndi̱a̱ná, tsi̱ꞌe̱ nga kjo̱tjoꞌa ñá boá, xikótsꞌèn nda̱ ntsꞌie xi tjóná xi ꞌmí Pabloo̱, ítꞌajnú xo̱jo̱n, xikó kjiꞌi kjo̱a̱kjínkón xi katsjaá Néná.

2 Xo̱jo̱o̱n Peé 3:9

Ndi̱a̱ná tsꞌénkꞌandíyàjiín nga sa̱ꞌínkjatjosón ni xi katsóyàtjón nga sa̱ꞌín, xikótsꞌèn bee̱ko̱n kjín xota̱ nga tsꞌénkꞌandíyà. Ta̱sá koyakjo̱a̱jnú ngatꞌa̱ mejénjiín nga tjín xi xcha̱ja, ta̱sá mejeén nga ngayeje xotaa̱ sa̱ꞌínkꞌoyà yojoo̱.