1 Timoo̱ 1:15 - Xo̱jo̱n eén Néná

¹⁵ Én xí ma niꞌánsꞌijin boá xi̱ꞌbi̱, kó chjiéngá ngayeje xota̱ xi sa̱ꞌínsꞌijin: Nga Kristo̱ Kjisoo̱ jeꞌe kui nga̱sondiee̱, tsi̱ꞌe̱ nga kꞌo̱xiéꞌá xota̱ jé. Kó án boá xi tjón an ngi̱jii̱n kui xota̱jeé.

1 Timoo̱ 1:15 ပူးပေါင်းရင်းမြစ်များ

Joo̱b 42:6

Kuíni nga be an nga ki̱a̱jiín ni xi kixian an, tsꞌenkꞌoyà an yojona, kó ni̱ma̱kjo̱a̱ botíjña̱ an ngi̱jii̱n chojoo̱ ko̱jo ndisoo̱».

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 18:11

Ngatꞌa̱ ndií nda̱ xi̱ꞌii̱n jeꞌe tsi̱ꞌe̱ nga kꞌo̱xiéꞌá xota̱ xi je kichajaá.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Markoo̱ 2:17

Kó Kjisoo̱ nga tsintꞌié kuí nii̱, bi̱ katsó: –Xota̱ xi oo̱n xí chjieén chji̱ni̱e̱ndiki, jmí tsi xota̱ xi ndaa̱. Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱.

Rkaa̱ 15:2

kó já fariseoo̱ ko̱jo já chji̱ni̱e̱kjo̱a̱kitii̱, bi̱ katsó nga tsíchji̱a̱taꞌin Kjisoo̱: –Kui nda̱a̱ achichí nda yaꞌa xota̱ jé, kó ngaskande ṉño̱ kjiniejo̱.

Rkaa̱ 19:10

Ngatꞌa̱ ndií nda̱ xi̱ꞌii̱n, jeꞌekꞌaxiéꞌá xota̱ xi je ndi̱yà kichajá tjimá.

Rkaa̱ 5:32

Kó án jmí xota̱ xi kixi̱ jéꞌe̱chjiajáa̱n, xota̱ jé boá xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Juaa̱ 1:12

Ta̱nga ngayeje xota̱ xi katsꞌénjo̱ꞌo, ko̱jo xi kisꞌijii̱n jaꞌeén, kuí xí katsjaá ngi̱ndie nga ndií Néná kamá.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 12:47

Xi ku̱i̱ntꞌiè énna, kó sa̱ꞌínkjatjosónjín, ánjín xi kotijée̱, ngatꞌa̱ jmí tsi jéꞌe̱ an kui nga̱sondiee̱, tsi̱ꞌe̱ nga sa̱ꞌinjée̱ xotaa̱, ta̱sá jéꞌe̱ an, tsi̱ꞌe̱ nga kꞌoxiéꞌá an.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Ni xi kamá 11:1

Tsintꞌié já apostroo̱ ko̱jo já ntsꞌie xi chji̱a̱ni nangi Jundea̱ nga ko̱jo xota̱ xi jundío̱jiín je katsꞌénjo̱ꞌo eén Néná nga.

Ni xi kamá 11:18

Kó ngije tsintꞌié kuí nii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, xioó kisꞌińdo, kó katsjaá kjo̱a̱je Néná nga bi̱ katsó: –¡Ko̱jo kui xota̱ xi Israee̱ljín katsjaá Néná nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn tsi̱ꞌe̱ nga kꞌuieé kjo̱a̱mindyion!

Ni xi kamá 3:26

Kjiꞌanga Néná katsꞌénkjaꞌáꞌyaá ndií, tjón jún katsangiyajnú, tsi̱ꞌe̱ nga katsꞌénchikonñéjnú, ko̱jo tsi̱ꞌe̱ nga bo̱a̱ tsꞌén nga ngo nga ngojnú ngiti̱ jmí ni xi chꞌokjiꞌi si̱ꞌánjínjnú.

Xota̱ Roma̱ 11:14

Tsi tjítsꞌen onkon an xota̱ na̱xi̱ńdaá nangina, bo̱a̱ tjítsꞌen an, tsi̱ꞌe̱ nga kjo̱tjoꞌa chiboa kui xotaa̱.

Xota̱ Roma̱ 5:6

Kjiꞌanga ñá xí xota̱ jé kamájínná kaꞌnaxiéꞌá so̱bo̱a̱ yojoná, Kristoo̱ kꞌien ta̱ngatꞌanii̱ ñá, kuí má ni̱xtjin xi jaꞌájin Néná.

1 Xota̱ Korinto̱ 15:9

Ngatꞌa̱ xian an, nga an xí apostro̱ xi chichí ngase an ngi̱jii̱n já apostro̱ xi ngasee̱, nde tsoboájínna an nga apostro̱ xiáa̱n yojona, ngatꞌa̱ án xí tsangatji̱ngíi̱ xota̱ na̱ngo̱xi̱i̱ Néná.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

1 Timoo̱ 1:13

ndatsi ngasꞌe̱ achichí chꞌo kixian an kondraa̱ kui, tsangatji̱ngíi̱ xota̱ xi tsi̱ꞌe̱, ko̱jo chꞌo kixiáa̱n. Ta̱nga Néná ni̱ma̱ kamaá an, ngatꞌa̱ kui ni̱xtjin jàn kji̱e̱ sꞌijinjínna Kristoo̱, kó bejín an ni xi katsꞌen an.

1 Timoo̱ 1:19

ꞌNiú tindyin ji kjo̱a̱a̱ kjo̱a̱sꞌijìi̱n, ko̱jo nga tsjietsꞌén si̱ꞌinkjé ji ngindyi̱ko̱n Néná, ngatꞌa̱ tjín xí je íjñámasien kui nii̱, kó ngiti̱ sꞌijinjiín Néná, kuíni nga je tjimá kichajá,

1 Timoo̱ 3:1

Én xí maꞌniátakón boá xi̱ꞌbi̱: Tsi tjín xí mejeén nga kui xi ngito̱ko̱o̱ na̱ngo̱xi̱i̱ ka̱ma, ndakjíꞌí xá xí mejeén sa̱ꞌín.

1 Timoo̱ 4:9

Ta̱nisién ꞌniú ꞌniátakón kuí eén, kó chjiéngá ngayeje xota̱ xi sꞌi̱jii̱n.

1 Timoo̱ 6:13

Be Néná kui xi katsjaá kjo̱a̱mindyion ngayeje ni xi tjiín, kó ti̱ be Jesukristo̱ xi katsóyà ꞌyání kui, kjiꞌanga akatíjeé ngindyi̱ko̱n Ponsio Pilatoo̱, nga an tsꞌénbotixomaa̱ ji kui nii̱,

2 Timoo̱ 2:11

Ta̱nisién ꞌniú ꞌniátakón kui én xí bi̱ tsoó: Tsi akayajo̱ Kristoo̱, ti̱ bo̱a̱ ti̱ tsꞌén ku̱i̱ndyión xikótsꞌèn tikón kui.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.

1 Xo̱jo̱o̱n Juaa̱ 3:8

Ta̱nga kui xota̱ xi ndyi̱tsꞌènjeé, xota̱ xi tsi̱ꞌe̱ xindajín ndiabloo̱ boá, ngatꞌa̱ xindajiín ndeskande koó nga ítjatsꞌennii̱ nii̱ nga tjítsꞌénjé. Kuíni nga jatjokjaní ndií Néná, tsi̱ꞌe̱ nga sa̱ꞌínkjié ni xi ndajín xi tsꞌén xindajiín.

1 Xo̱jo̱o̱n Juaa̱ 5:11

Néná katsjáná kjo̱a̱mindyion ngatsjéni̱xtjii̱n, kó ngatꞌaa̱ ndií kuí nga sa̱kóná kuí kjo̱a̱mindyioo̱n. Kuí bí ni xi katsó Néná nga tsíchji̱a̱.

Ni xi akakoo̱ 21:5

Kó kui xi botixómaá, bi̱ katsó: –Ngayeje nii̱ xi tjítsꞌen tja̱tsi̱e̱ an. Kó ti̱ bi̱ ti̱ katsóna nga: –Títꞌe xo̱jo̱n, ngatꞌa̱ ja̱koxi̱ boá kuí eén, kó ka̱ma si̱ꞌanꞌniátakón.

Ni xi akakoo̱ 22:6

Kó kui ndítsjiee̱, bi̱ katsóna: –Kui eén, én xí ꞌniátakón, ko̱jo én xí ja̱koxi̱ boá, kó Ndi̱a̱ná kui Néná, kui xi a̱si̱énni̱xtjii̱n já chji̱ni̱e̱ꞌe̱én, kuí boá xi katsangiya ndítsjiee̱ tsi̱ꞌe̱ nga ko̱ko̱ó mosoo̱ ni xi je tsá ka̱ma.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,