1 Timoo̱ 1:14 - Xo̱jo̱n eén Néná

¹⁴ Achichí tsie kjo̱a̱nda xi katsjána Ndi̱a̱ná, kó katsjána kjo̱a̱sꞌijin, ko̱jo kjo̱a̱tjó xi tjiín Kristo̱ Kjisoo̱.

1 Timoo̱ 1:14 ပူးပေါင်းရင်းမြစ်များ

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Matioo̱ 20:9

Sꞌe̱ jachókjaꞌáchjí já xí mara̱ chi̱bo̱a̱ ún nga jachótsꞌénxaá, kó ngo to̱n ndenario̱ kamáchjií.

Ni xi kamá 15:11

A mí tsí ta̱sá sꞌijin kjimáná nga ta̱ kjo̱tjoꞌa ñá ta̱ngatꞌanii̱ kjo̱a̱ndaa̱ Ndi̱a̱ná Kjisoo̱, xikoó kui jaá.

Xota̱ Roma̱ 16:20

Kó Néná xi tsjá kjo̱a̱xioó kuí xí sa̱ꞌín nga jún ko̱jna̱niéjnú xindajín Satanaa̱. Ngatꞌiéjnú kjo̱a̱ndaa̱ Ndi̱a̱ná Jesukristoo̱.

1 Xota̱ Korinto̱ 15:10

Ta̱nga ta̱ngatꞌanii̱ kjo̱a̱ndaa̱ Néná nga án xi an, kó kui kjo̱a̱nda xi katsjána, ta̱ kjo̱a̱ndajín kamá, ta̱sá ꞌniú ngase katsꞌenxá an ta̱bo̱a̱jiín ngayeje já apostro̱ xi ngasee̱, ndatsi jmí tsi an xi bo̱a̱ katsꞌen an, kjo̱a̱nda xi katseꞌéna boá xi bo̱a̱ katsꞌén.

1 Xota̱ Korinto̱ 3:10

Ngo chi̱bo̱a̱ kꞌuijñájnúꞌun. Xikó kjiꞌi kjo̱a̱nda xi katsjána Néná, tsi chji̱ni̱e̱xo̱ó án, án xí íjñá an xó xi ikꞌítjatsꞌennii̱ kui ndiꞌaa̱, kó kje̱ꞌe xí tjítsꞌénda nkꞌaa̱, ta̱nga chjiéngá ta̱xkiya sa̱ꞌíndajín ni xi tsoboaá nga sa̱ꞌínda nga ngo nga ngo.

2 Xota̱ Korinto̱ 13:14

Kjo̱a̱ndaa̱ Ndi̱a̱ná Jesukristoo̱, kjo̱a̱tjoó Néná ko̱jo A̱si̱énni̱xtjii̱n Néná ngatꞌíndojo̱jnú ngatsjéni̱xtjin. Bo̱a̱ kjiꞌi.

2 Xota̱ Korinto̱ 4:15

Ngatꞌa̱ ngayeje kui nii̱, kjima nganda tsa̱jún, tsi̱ꞌe̱ nga kjín xota̱ xi tsja̱á ndokꞌóchjì Néná, kjo̱a̱a̱ kui kjo̱a̱nda xi tjisákoó, kó bo̱a̱ tsꞌén nga Néná kꞌuié ngasee̱ kjo̱a̱je.

2 Xota̱ Korinto̱ 8:9

Ngatꞌa̱ jè yàjnú kjo̱a̱nda xi akóná Ndi̱a̱ná Jesukristoo̱, ngatꞌa̱ ta̱ngatꞌanii̱ nga tjoó jún nga ni̱ma̱ kamá kuí, ndatsi cho̱n boá. Tsi̱ꞌe̱ nga kui kjo̱a̱ni̱ma̱ xi kisꞌiee̱ kui, kamácho̱nnijnú jún.

Xota̱ Ngalasia̱ 1:13

Je kandaꞌyájnú xikótsꞌèn kisꞌijña an ngasꞌe̱, nga kamábendikón an Néná xikó tsꞌén xota̱ jundíoo̱, ko̱jo kótsꞌèn nga tsangatji̱ngíi̱ xota̱ na̱ngo̱xi̱i̱ Néná, ko̱jo kótsꞌèn kamámejénna nga katsꞌenkjié an.

1 Xota̱ Tesalónika̱ 1:3

Ngindyi̱ko̱n Néná xí na̱ꞌminá nga ngatsjéni̱xtjin foaꞌátsjienjne̱ jún, xikótsꞌèn sꞌijinjnú Néná, kó niꞌánjnú ni xi mejeén kui, ko̱jo xikótsꞌèn tjójnú, kó bosíko̱jojnú xingi̱jnú, ko̱jo kjo̱a̱a̱ nga ndyi̱niꞌánchíkjo̱a̱jnú kjo̱a̱ni̱ma̱ xi ndyi̱bitjatiójnú nga ndyi̱chiyájnúu̱ nga kꞌo̱xiéꞌájnú Ndi̱a̱ná Jesukristoo̱.

1 Xota̱ Tesalónika̱ 5:8

Ta̱nga ñá xí nga ni̱xtjii̱n ndokjo̱a̱ ñá, chjiéngá nda tsꞌén ku̱i̱ndyión ngatsjéni̱xtjin. Si̱ꞌansꞌijin Néná, kó kui nii̱ xi ngatamaná ngo ńjño ki̱cha̱ xi boꞌmá ni̱se̱e̱n ngo nda̱jun. Ngasꞌiená kjo̱a̱tjó. Xchiyàa̱ nga kjo̱tjoꞌa ñá, kó kui nii̱ xi ngatamaná xikoó ngo ki̱cha̱ xi ꞌbijñaá to̱ko̱ ngo nda̱jun.

1 Timoo̱ 2:15

Ta̱nga ínchjiín, kjo̱tjoꞌarií yojoo̱ nga kꞌuieé ndí, tsi ꞌniú ku̱i̱ndyiajin kjo̱a̱sꞌijii̱n, tsi kꞌuieé kjo̱a̱tjoó, ko̱jo tsi tsjietsꞌén kꞌuíndo ngindyi̱ko̱n Néná nga nda tsꞌén kꞌuíndo.

1 Timoo̱ 4:12

Ngata̱ boeꞌéndièjín ji nga ta̱ ton xchaa̱, ngatꞌa̱ xo̱ngò ji. Ta̱sá chjiéngá chi̱bo̱a̱ ka̱maa̱ ji xota̱ xi sꞌijii̱n Néná kjo̱a̱a̱ xikótsꞌèn ndokjo̱e̱, ko̱jo xikótsꞌèn tindyin, ko̱jo xikótsꞌèn tjiín kjo̱a̱tjó, ko̱jo xikótsꞌèn sꞌijii̱n Néná, ko̱jo xikótsꞌèn tsjie tindyin ji ngindyi̱ko̱n Néná.

1 Timoo̱ 6:11

Ta̱nga ji xi xotaa̱ Néná jí, ti̱yíi̱ kui nii̱, kó ki̱a̱ tꞌentji̱ngi ji kjo̱a̱kixi̱i̱, ko̱jo kjo̱a̱yandikoón, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱chiyákoón, ko̱jo kjo̱a̱ndaxota̱a̱.

2 Timoo̱ 1:13

ꞌNiú ti̱ꞌinsꞌijin ji Kristo̱ Kjisoo̱ kó ngatꞌieé kjo̱a̱tjoó, tsi̱ꞌe̱ nga bo̱a̱ tsꞌén ko̱ko̱yé ji kjo̱a̱bokoyá xi ndaa̱ xikótsꞌèn akóyaá án.

2 Timoo̱ 2:22

Chje̱ꞌéxíi̱n yojòo̱ ni xi ndajín xi mején tsꞌén já xo̱ngo̱ò, kó tꞌentji̱ngi ji kjo̱a̱kixi̱i̱, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱xioó, ki̱a̱ ti̱ꞌinkamaje̱ xota̱ xi tsjie ini̱ma̱a̱ ko̱jo xi chji̱a̱a̱ Ndi̱a̱ná.

Titoo̱ 2:2

Bo̱a̱ tꞌíi̱n xota̱ xi xchaá nga nda sa̱ꞌínkjó, ko̱jo nga xcha̱ndikón, ko̱jo nga nda sa̱ꞌínkjiín kon ni xi sa̱ꞌín, ko̱jo nga nda tsꞌén kꞌuíndojo̱ kjo̱a̱sꞌijii̱n, ko̱jo nga kꞌuieé kjo̱a̱tjó, ko̱jo nga kꞌuieé ngaꞌniú tsi̱ꞌe̱ nga sa̱ꞌínchíkjo̱a̱ ngayeje kjo̱a̱ni̱ma̱.

1 Xo̱jo̱o̱n Peé 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱, kui xi ta̱ngatꞌanii̱ kjo̱a̱ni̱ma̱takón jee̱ nga katsꞌéntsen nginíná nga ndyi̱chiyáa̱ nga ko̱jo ñá kꞌuiéná ngo kjo̱a̱mindyion, ta̱ngatꞌanii̱ nga jaꞌáꞌyaá Jesukristoo̱ ngi̱jii̱n xota̱ xi je jesoón.

1 Xo̱jo̱o̱n Juaa̱ 4:10

Kuí bí kui nii̱ xi kjo̱a̱tjoó: Nga jmí tsi ñá xí kiniꞌántjó Néná, ta̱sá kjo̱a̱a̱ nga Néná boá xi katsꞌéntjóná ñá, kó katsangiyaná ndií xikoó ngo kjo̱a̱tjó xi niꞌánkꞌasꞌien tsi̱ꞌe̱ nga kiniꞌánjetakoón jéná.

Ni xi akakoo̱ 22:21

Ndi̱a̱ná Jesukristoo̱ ngatsjájnú ngayeje kjo̱a̱ndaa̱. Bo̱a̱ kjiꞌi.