1 Timoo̱ 1:13 - Xo̱jo̱n eén Néná

¹³ ndatsi ngasꞌe̱ achichí chꞌo kixian an kondraa̱ kui, tsangatji̱ngíi̱ xota̱ xi tsi̱ꞌe̱, ko̱jo chꞌo kixiáa̱n. Ta̱nga Néná ni̱ma̱ kamaá an, ngatꞌa̱ kui ni̱xtjin jàn kji̱e̱ sꞌijinjínna Kristoo̱, kó bejín an ni xi katsꞌen an.

1 Timoo̱ 1:13 ပူးပေါင်းရင်းမြစ်များ

Lebitiko̱ 13:16

»Tsi ka̱ma tiboa nginí kui yojoo̱, kui xi oo̱n chjiéngá ko̱e̱je̱ nginí ngindyi̱ko̱n chináꞌmii̱.

Xki̱ 15:30

Ta̱nga tsi kui xotaa̱ je be ni xi mejénna, kó tsi xá katsꞌénjéní, kui xotaa̱, ndajín katsꞌén kondra̱na kó chjiéngá si̱ꞌankjie ngi̱jii̱n xota̱ na̱xi̱ńdána».

Rkaa̱ 12:47

Kui moso̱ xi je be mí ni xi mejeén ndi̱a̱a̱, kó kisꞌijñandajín, ti̱nde katsꞌénjín ni xi mejeén ndi̱a̱a̱, achichí kjín ńꞌniú kjoaá.

Rkaa̱ 23:34

Kó Kjisoo̱, bi̱ katsó: –Na̱ꞌmi, ti̱ꞌinjetakíi̱n kui xotaa̱, ngatꞌa̱ bejín ni xi ndyi̱tsꞌèn. Kó jájuún katsatonjo̱ kjo̱a̱chꞌáṉcha̱ ńjñoo̱.

Ni xi kamá 22:4

Ngasꞌe̱ tsangatji̱ngíi̱ nga sa̱ꞌínkꞌién an xota̱ xi tjimátji̱ngi kui ndi̱yà tja̱tsi̱e̱e̱, kó katsoboa an kósꞌe̱ katsangisꞌien an ndo̱bo̱a̱yà xí chjo̱on xí xi̱ꞌin.

Ni xi kamá 3:17

Kó ngotꞌe̱ ꞌne̱ já ntsꞌie, jè be an nga yàjínjnú ni xi kiniꞌánjnú jún ko̱jo já xí botixómaá.

Ni xi kamá 8:3

Kó nda̱ xi ꞌmí Sauloo̱ tjítsꞌénkjié xota̱ na̱ngo̱xi̱i̱, kó xki̱ ndiꞌa tsꞌasꞌiennié nga tsꞌaxié nga ífé kjo̱a̱ꞌniú xi chjo̱on xí xi̱ꞌin nga katsangisꞌien ndo̱bo̱a̱yà.

Ni xi kamá 9:1

Ta̱nga kui nda̱ xi ꞌmí Sauloo̱ nga ta̱kó tsꞌénmindyiándíkoón nga sa̱ꞌínkꞌién ngayeje xota̱ xi sꞌijii̱n Ndi̱a̱ná, jachó ngindyi̱ko̱n ngito̱ko̱o̱ chináꞌmi xi ꞌniú nkꞌa xaá,

Ni xi kamá 9:13

Kó Ananiyaa̱ bi̱ katsoó Ndi̱a̱ná: –Ji Ndi̱a̱, jè kjín má xi katsóyàna kjo̱a̱a̱ kui nda̱a̱, ko̱jo kjo̱a̱a̱ ngayeje ni xi ndajín xi katsꞌénjo̱ xota̱ na̱xi̱ńdá tsjièe̱ ki̱a̱ na̱xi̱ńdáꞌniú Jerusale̱n,

Ni xi kamá 9:5

Sꞌe̱ bi̱ katsó Sauloo̱: –ꞌYá jií bo̱a̱, Ndi̱a̱. Kó bi̱ katsó kui nda̱ xi tsíchji̱a̱a̱: –Án boá xi Kjisoo̱, kó ti̱ án boá xi timiyitji̱nginí.

1 Xota̱ Korinto̱ 15:9

Ngatꞌa̱ xian an, nga an xí apostro̱ xi chichí ngase an ngi̱jii̱n já apostro̱ xi ngasee̱, nde tsoboájínna an nga apostro̱ xiáa̱n yojona, ngatꞌa̱ án xí tsangatji̱ngíi̱ xota̱ na̱ngo̱xi̱i̱ Néná.

1 Xota̱ Korinto̱ 7:25

Kó kjo̱a̱ ngaá xota̱ xi síndo xo̱ngò kꞌaán, jmíjínna ngo kjo̱a̱botíxomaa̱ Ndi̱a̱ná xí tsjàa̱, ta̱nga xiyàa̱ ni xi bee̱ko̱n an, ngatꞌa̱ Néná katsjána kjo̱a̱ni̱ma̱takoón nga kui xi katsꞌénna ngo nda̱ xi si̱ꞌansꞌijíi̱n én xí ku̱i̱chji̱a̱.

Xota̱ Ngalasia̱ 1:13

Je kandaꞌyájnú xikótsꞌèn kisꞌijña an ngasꞌe̱, nga kamábendikón an Néná xikó tsꞌén xota̱ jundíoo̱, ko̱jo kótsꞌèn nga tsangatji̱ngíi̱ xota̱ na̱ngo̱xi̱i̱ Néná, ko̱jo kótsꞌèn kamámejénna nga katsꞌenkjié an.

Xota̱ Filipo̱ 3:6

Achichí ꞌniú askóo̱n nga katsꞌenkjatjosón an kjo̱a̱kitii̱, nga ngaskande tsangatji̱ngíi̱ xota̱ na̱ngo̱xi̱i̱. Kixi̱ kisꞌijña an xikótsꞌèn bokoyá kjo̱a̱kitii̱. Jmíjín xi chꞌo tsꞌén tsíchji̱a̱taꞌinna.

1 Timoo̱ 1:16

Kuíni nga Néná kamáni̱ma̱a̱ an, tsi̱ꞌe̱ nga Jesukristoo̱ akó ngayeje kjo̱a̱ndaa̱ nga katsꞌénkjiénna án. Kó bo̱a̱ tsꞌén nga an xi chi̱bo̱a̱ kamá an tsi̱ꞌe̱ xota̱ xi jaskan sꞌi̱jii̱n kui, tsi̱ꞌe̱ nga sa̱ko̱ó kjo̱a̱mindyion ngatsjéni̱xtjii̱n.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.

1 Xo̱jo̱o̱n Peé 2:10

Jún xi kje̱ꞌe ni̱xtjin nde ngo xota̱ na̱xi̱ńdá kamájínjnú, ta̱nga ngotꞌe̱ ꞌne̱, xota̱ na̱xi̱ńdaá Néná boá jún. Néná ni̱ma̱jín kamaá jún ngasꞌe̱, ta̱nga ngotꞌe̱ ꞌne̱ Néná ni̱ma̱ máa jún.