Romans 8:17 - Mofa New Testament

¹⁷ Aman nga wudahi na, nga ndohi man, ta ngècè skwi Zhiklè a nda Kristi; aman nga si matakwan a nda nenga'a antanta, nga da ngècè n'njèlè nenga'a te deɓa'a.

Ma Zhiklè

¹⁷ Aman nga wudahi na, nga ndohi man, ta ngècè skwi Zhiklè a nda Kristi; aman nga si matakwan a nda nengaʼa antanta, nga da ngècè nʼnjèlè nengaʼa te deɓaʼa.

Romans 8:17 ပူးပေါင်းရင်းမြစ်များ

Matthew 16:24

A Yèsu a ngaƋa ta golahi nenga'a: Ndo man a woya a ndzadzarkayè, da hur a géƋ nshèffè na ɓai, da zuɓ wof ngézlèl na, da dzadzarkayè!

Matthew 25:21

Bi na a ngaƋa na: Ka gu amba, ɓèl ga nlèɓèslè'a, man amba. Ka lèɓèsla a géƌ skwi nkèshè'a. Anai i da ge ka a ndo mɓer skwi mbia'a. Do a sam mwuffè bi ngaya!

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nenga'a.

Luke 24:26

Sèi skwa a dza na Kristi di ka ɓi ƌè, ga a Ƌè a sam n'njèl nenga'a?

Jean 17:24

Bab ga, i woya aman tenga'a man ka pokoyè, ta zhè a sam ga, a ta rka n'njèl ga man ka vokoyè, a géƌ man ka woy iyè a ndav ngaya, aman herkeda n'nga di ɓai.

Actes 14:22

a ta va ta wuƌi a golahi Yèsu, a ta bid ta, aman ta nzi tara'a te ncè-a-ndav tenga'a. Ta gaƋa, sèi nga bizhè a ndev skwi man wuƋitpa kumba, ga nga Ƌè a kokwar Bi Zhiklè.

Actes 20:32

Anai, i pe kinè a ri Zhiklè, a ma pombi nenga'a. Nenga'a a n'ngots wuƋai, man a nzal kinè a ma ma, a mva ta skwi man ta da ngècè te ri Zhiklè a ndohi tèlèba man ndav ta nkezla a nenga'a.

Actes 26:18

A ka winè di tenga'a, aman ta menkaƋa deɓa te ruva a sam skwi nhél sam, te wuƋibi madzagai a sam Bi Zhiklè, aman ta ngècè mprè mali tenga'a, a skwi n'ndi gai a nda tengahi tèlèba, man Zhiklè a kezla ta te ncè Zhiklè a ndav.

Romans 5:17

Aman a géƋ mali ndo staƋ, m'metsi a gi bai, mba bi tenga'a man ta ngècè pombi mbia'a te nshèffè ta, a ngizura Zhiklè, a géƋ ndo staƋ, Yèsu Kristi.

Romans 8:3

Skwi man ma kita Zhiklè a slaha a ngia ɓai, te man wuƋi na azɓai a géƌ ndo, Zhiklè a ngau, aman a zlindkoƋi kra nenga'a a géƋ malai, a n'nga'a lèmèlèmè ara ndo. Zhiklè a phomde mali te ndo;

1 Corinthians 2:9

Aman a gau, ara man Ƌèlèwèr Zhiklè a gaƋa: Skw i man di ndo a rka ɓai, a zlembaƋ ndo a tsena ɓai, skwi man a nshkè a ndav ndo di ɓai, skwi man Zhiklè a tila ta ndohi man ta woya'a.

2 Corinthians 1:5

Aman ara man nga ngots matakwan Kristi kumba, nga ngots skwi mbid nga kumba ba te Kristi.

2 Corinthians 1:7

Skwi man nga zhèrè te ndav a gèƋ kinè, nga suna, a vava; nga suna, ara man kin ngots matakwan ba, kin da ngècè skwi mbid kinè ba.

Galates 3:29

Aman kinè a Kristi, kinè wudahi Abraham, a kin ngècè skwi man Zhiklè a mpasla na ri a hi a Abraham.

Galates 4:7

Gar haha anai ka ɓèlè asakaɓai, aman kra, kra hwaƌ gai. Te deɓa'a Zhiklè a nge ka a ndo n'ndi gi ba.

Ephésiens 3:6

Skwi n'ngheda sa a haha: ndohi nte deɓa ba ta ngècè skwi Zhiklè a nda tenga'a, ta humda a va staƌ, ndohi man ta mba a mpèsl ri Kristi Yèsu te ma mbela'a.

Philippiens 1:29

Aman kin ngots pomɓai te Kristi, a kin cè nenga'a a ndav, a kin si matakwan a géƌ Kristi ba.

Philippiens 3:10

I war a i shin wuƌi nslambaƌkaƌauda nenga'a, a nsi matakwan a nda nenga'a, a i lèmdè va ga a m'metsi nenga a,

Colossiens 1:24

Anai i wuffè te matakwan man i si a géƋ kinè. A matakwan Kristi, man az telè di ɓai, i rufa te va ga, a géƋ mpi ndohi Zhiklè, va nenga'a.

Titus 3:7

Aman te pombi nenga'a nga ngots ngizura'a, nga ga'a a ndohi n'ndi nshèffè a mèdèp, te nzhèrè te ndav.

Hébreux 1:14

Tengahi tèlèba mèzhèɓhi man ta gi mizlinè Zhiklè, man a takaha ta ndohai, aman ta ngècè skwi m'mbel ta, ara n'ndi gai.

Hébreux 1:2

Antanta, man tiƋè sama ma, a ngaƋa nga ma te kra nenga'a. Zhiklè a ngu nenga'a a ndo ngècè skwi Zhiklè tèlèba. Te nenga'a ba a ngu herkeda.

Hébreux 6:17

Gar haha Zhiklè a woya a ngreda ta ndohi n'ndi mpèsl ri nenga'a a vava, skwi man a huro a ngwèdè azɓai; a géƌ nenga'a a m'mbaƌa.

Jacques 2:5

Dalahimam ga, vatsena'a! Zhiklè a mpar ta ndohi ntawassa'a a géƌ herkeda haha, aman te ncè-a-ndav, ta ndi a ndohi mèshèlè, a ndohi n'ndi kokwar-Bi Zhiklè, man a mpasla ta ri a ndohi man ta woya'a a ndav ta.

1 Peter 1:4

a skwi man nga ngècè te ri Zhiklè man a gedèshè azɓai, a lizhè azɓai, a zi azɓai, ta ɓera kinè te zhiklè te géƌè'a,

1 Peter 4:13

Aman vawuffa, te man kin si matakwan a nda Kristi, aman a pats nda gudko va a n'njèl nenga'a, kin da wuffè a kin gi langlanga'a.

Apocalypse 21:7

Ndo man n'nga'a a ngula`a, a da ndi skwi haha tclcba. lyc, Zhiklè na, a nenga'a kra ga.

Apocalypse 3:21

Ndo man n'nga'a a ngula'a, i woy nga da nzi a sam n'nzi ga a vna, lèmèlèmè ara man i ga'a a ngula'a, a i nza t'hai a nda Bab ga a sam n'nzi bi nenga'a.