Romans 12:12 - Mofa New Testament

¹² Vawuffa te nzhèrè te ndav, vozhor skwi a dai te matakwan, vatsu rai, kin ndeva ɓai!

Ma Zhiklè

¹² Va-wuffa te nzhèrè te ndav, vo-zhor skwi a dai te matakwan, va-tsu rai, kin ndeva ɓai!

Romans 12:12 ပူးပေါင်းရင်းမြစ်များ

Matthew 5:12

Vawuffa, vagu langlanga"a, aman skwi ntul kiné a gi a mbia'a te zhiklé, te géƋè'a. Aman ta paraha ta ndohi nhadka ma hala'a lèmèlèmè.

Luke 10:20

Aman kin wuffa ɓai, a géƌ man mèzhèɓhi ambaɓihia'a ta tsena ma kinè; aman vawuffa, a géƌ man nzlembaƌ kinè mwinƋè'a te zhiklè.

Luke 21:19

Aman kin manandav kinè a kin Ƌè a ma ma, kin da mbél nshèffè kinè.

Luke 8:15

Aman nenga'a a sam mbela'a, tenga'a man ta ɓer ma man ta tsena'a, a ndav amba a nzura'a, ta yi wuda, a ta nzi dai.

Actes 1:14

Tengahi tèlèba ta humda te nher gèƌ staƌ te ntsi ri pèc pècèk a nda ngwozai, a Marie, mam Yèsu, a kramamhi Yèsu.

Actes 12:5

A ta ɓür Pierre te gi dangai. Aman mpi ndohi Zhiklè ta tsu ri a Zhiklè pèc pècèk a géƌ nenga'a.

Actes 2:42

A ta slebau ma ndohi sak, a to do a ma ma te pa, a ta humda va, a ta tsaka movar, a ta tsu rai.

Actes 6:4

A nga, nga gi mizlinè njè ma Zhiklè a ma ma, a nga tsi rai.

Romans 15:13

Aman Bi Zhiklè nzhèrè te ndav, da ndha ndav kinè a mwuffè tèlèba, a gumai te ncè-a-ndav, aman kin ngots nzhèrè te ndav tèlèba a wuƋi Mèzhèɓ nkezîa'a.

Romans 15:4

Aman ma man ta windo hala'a ta windo man a njè nga, aman nga zhèr skwia dai. A ƌèlèwèr Zhiklè a bid nga, aman nga nzi te nzhèrè te ndav.

Romans 2:7

Nshèffè a mèdèp a sam ndohi man ta nza tara'a te mizlinè man amba, a ta zhèr nslébèrdè, a n'njèlè, a skwi man a géƌèshè azɓai.

Romans 8:25

Aman nga zhèr skwi te ndav, man nga rka a di di ɓai, nga nza a nga zhèrè genè.

1 Corinthians 13:13

Anai, ncè-a-ndav, nzhèr skwi te ndav, mwoy-ndo a ndav, te makar ta nzi dai. Aman mwondo a ndav a fen ta tèlèba.

2 Corinthians 12:8

l tsu ri a Bi Zhiklè a géƋ nenga'a sak makar, aman a jèkyè;

Philippiens 3:1

A va'a, dalahimam ga, vawuffa te Bi Yèsu! I ngézhè azɓai, aman i windè kinè ma lèmèlèmè pèc pècèk, a kin da ngècè wuƋi a vna.

Philippiens 4:4

Vawuffa te Bai Yèsu pèc pècèk, a i gaƋa kinè za'a: Vawuffa!

Colossiens 1:11

kin nzala, a wuƌai, ara wuƋi n'njèl nenga'a tèlèba, aman kin dè a ma ma te nzhèr skwi a dai, a mwuffè.

Colossiens 1:27

tenga'a man Zhiklè a woya a ngreda ta skwi mèshèlè a n'njèlè te skwi man n'ngheda a sam ndohi nte deɓa: nasa Kristi te kinè, n'njèlè man nga zhèrè te ndav.

Colossiens 4:12

Epaphras a ga kinè mbalai, gwoli kinè, ɓèl Yèsu Kristi, man atsi riagéƋkinè pèc pècèk, a vazaza a va, a géƋ man kin zlatsa jèlèlè'a, a kin shin skwi tèlèba man Zhiklè a woya'a, a vava.

Colossiens 4:2

Vatsu ri pèc pècèk, vanza a dai te nenga'a, a nshid gèƋ.

1 Thessalonians 1:3

a nga hér mizlinè kinè te ncè-a-ndav pèc pècèk, a mizlinè kinè te mwoy-ndo a ndav, ara man kin nzi te nzhèr Bi nga Yèsu Kristi te ndav, a sam Zhiklè, Bab nga.

1 Thessalonians 5:8

Aman nga, ndohi pats, nga da nza a zom te gèƌ ɓai, slarba man a ndav, nenga'a ncè-a-ndav a mwoy-ndo; a dzokwom te gèƋ, nenga'a skwi m'mbel nga man nga zhèrè te ndav.

2 Thessalonians 1:4

Nga jègèr va a gèƋ kinè a sam mpi ndohi Zhiklè te kokwar tsaƋ tsaƋ, a gèƋ man kin zhèr skwia dai, a gèƋ ncè-a-ndav kinè, a géƋ man kin cè'a man ta paraha kinè a sam tèlèba a ta ga kinè matakwan.

2 Thessalonians 3:5

Aman Bai Yèsu da ngwodkoƌi ndav kinè a sam mwoy-ndo Zhiklè, a sam nzhèr skwia dai te Kristi.

1 Timothy 6:11

Aman ka, ndo Zhiklè, hu ngaya a skwi haha, dzodzor ngizura'a: zlau Zhiklè, ncè-a-ndav, mwoy-ndo a ndav, nzhèr skwia dai, ndav nlüɓekwa'a.

2 Timothy 3:10

Aman ka, ka dzodzor njèma ga, maya nshèffè ga, skwi man i huro, ncè-a-ndav ga, nzhèr skwi man i zhèrè'a a dai, mwoy-ndo a ndav ga, nzhèrè te ndav ga,

Titus 2:13

a wuffedè ndav nga, a nga zhèr pats man Bi m'mbel nga Yèsu Kristi a ngudko va a di a n'njèl Zhiklè mbia'a.

Titus 3:7

Aman te pombi nenga'a nga ngots ngizura'a, nga ga'a a ndohi n'ndi nshèffè a mèdèp, te nzhèrè te ndav.

Hébreux 10:32

Aman vahur patshi man ta kala a deɓa ma, aman di kinè mwina tok tok, a kin nza tara'a te skwi mwuƋitpa mbia'a.

Hébreux 10:36

Aman skwi man a woy a zhè a sam kinè: Nzhèr skwia dai, n'nzi tara'a. Te deɓa'a man kin gu skwi man Zhiklè a woya'a, kin ngècè skwi man Zhiklè a mpasla kinè ri a pa.

Hébreux 12:1

Gar haha nga ba, aman ndohi malwuƋihi kumba aranta ta tèuda nga a pa, ara dzarai, ngojokokoy skwi tèlèba man a nzala nga, a mali man a gse nga hi pèc pècèk. Ngomonokoy ndav, ngohokoy a ma!

Hébreux 3:6

Aman Kristi nlèɓèslè'a, nenga'a kra gi nenga'a. Nga, gi nenga'a, aman nga gshè va a n'njèl skwi man nga zhère te ndav, a nga fi gèƋ a vna, ba ndikèma'a.

Hébreux 5:7

Te va man a zhè a géƋ herkeda dai, a ntsu ri a kuƋa a dai, a ngu mbuh mbuh, a mbèhè a Zhiklè, man a slaha a mbela'a te m'metsai. A Zhiklè a ntsena ntsi ri nenga'a, a géƋ man a m'manda gèƋ a hai pèc pècèk.

Hébreux 6:12

Nga woya aman a kin gi wudar azɓai, a kin jèjèr tenga'a man te ncè-a-ndav, te nzhèr skwia dai, ta ngècè skwi Zhiklè man a pasla ta ri a pa.

Hébreux 6:15

A Abraham a n'ngots skwi man mpasla na ri a pa, te man a nzhor a ma ma.

Jacques 5:7

Gar haha vozhor skwi a ma ma, dalahimam ga, ba pats man Bai Yèsu a shkè. Na haha, ndo mpizhè a zhèrè'a, aman herkeda a cko nyi mbela'a auda, a zhèrè a ma ma, aman a ngècè iyam nzlekai, a iyam ngrè skwai.

1 Peter 4:13

Aman vawuffa, te man kin si matakwan a nda Kristi, aman a pats nda gudko va a n'njèl nenga'a, kin da wuffè a kin gi langlanga'a.

1 Peter 4:7

Ndikèma skwi tèlèba a herdeka nga va ma. Gar haha, vanza a nshèffè a maya, a ntsi rai.

2 Peter 1:6

vangatsa na ngshèva a va maya te gèƋ; vangatsa na nzhèr skwi a ma ma a va ngshèva; vangatsa na zlau Zhiklè a va nzhèr skwi a ma ma,

Apocalypse 13:10

Ndo man a pe ta ndohi ngiƋe a dangai, a dè a gi dangai lèmèlèmè. Ndo man a keƋa ndo a kafahi gwèsh, ta da kéƋè'a a kafahi gwèsh lèmelèmè. Na haha, nzhèr skwia dai a ncè-a-ndav ndohi Zhiklè!