A ma Zhiklè a n'nde na a ndo, a n'nza a sam nga, a nga rka n'njèl nenga'a. N'njèlè Bab Zhiklè, man a mva na kra nenga'a staƌgenè, n'ndha a pombai a ma nzura'a.
Aman Zhiklè man a ngaƌa na skwi nhél sam: Hulko gèƌ auda te ruva! Nenga'a a nhul sam te ndav nga, aman te nga, sam nhela'a a ngrédè auda, a nga slaha a nga shin n'njèl Zhiklè a sam di Yèsu Kristi.
Nenga'a a ngreda n'njèl Zhiklè auda; nenga'a mèzhèɓ va na, a gshè skwi tèlèba a ma wuƋi nenga'a; te deɓa'a man a mpana ta ndohi te mali ta ma, a n'nza hai te ri mandi Bi mbia'a te géƌe'a.
A i kalahi a deɓ sak nenga'a, aman i tsi ri a nenga'a. A ngaƌayè: Az arsa ɓai! I ba i ɓèlè ara man a ngaya, ara kramamhi ngaya, man ta gi malwuƌi a géƌ Yèsu. Tsu ri a Zhiklè! Ndohi nhadka ma ta hadka ma malwuƌi Yèsu.