Hébreux 7:19 - Mofa New Testament

¹⁹ Ma kita a slaha a ntil skwi jèlèlè'a azɓai; a ta cko skwi man nga zhèrè te ndav, amba holhola'a, te nenga'a nga herda na va a Zhiklè.

Ma Zhiklè

¹⁹ Ma kita a slaha a ntil skwi jèlèlèʼa azɓai; a ta cko skwi man nga zhèrè te ndav, amba holholaʼa, te nengaʼa nga herda na va a Zhiklè.

Hébreux 7:19 ပူးပေါင်းရင်းမြစ်များ

Jean 1:17

Zhiklè a mbezdekona ma kita a ri a Moise. Aman ma pombai, a ma nzura'a, a mbezdekona a ri a Yèsu Kristi.

Jean 14:6

A Yèsu a ngaƋa na: Iyè civèƋ, a ma nzura'a, a nshèffè; ndo ngiƋè a shkè a sam Bab ga azɓai, sèi a bezkaƋ a iyè.

Actes 13:39

Ma kita Zhiklè, man Moise a va kinè, a slaha a mva kinè ngizura'a azɓai.

Romans 5:2

Te Yèsu, a ncè-a-ndav, nga ngots civèƌ pombi haha. Ngawuffokoya, a nga zhèr n'njèl Zhiklè te ndav, man a di a shkè, man Zhiklè a da va nga.

Romans 7:7

Kos ani nga gad kè? Ma kita mali Ƌè? Azɓai! Aman ma kita a ngra nga malai. Aman agassa ma kita ka ɓai, ar i sun ntétékè ɓai.

Romans 8:3

Skwi man ma kita Zhiklè a slaha a ngia ɓai, te man wuƋi na azɓai a géƌ ndo, Zhiklè a ngau, aman a zlindkoƋi kra nenga'a a géƋ malai, a n'nga'a lèmèlèmè ara ndo. Zhiklè a phomde mali te ndo;

Galates 2:16

Aman nga suna, ndo a ngècè ngizura'a azɓai a géƋ man a jèjèr ma kita Zhiklè, aman a géƋ man a cè Yèsu Kristi a ndav. Nga ba nga co Yesu Kristi a ndav, aman nga ba nga ngots ngizura'a a géƋ ncè Kristi a ndav, a géƋ nfi gèƋ a ma kita Zhiklè ka ɓai. Te ma kita Zhiklè ndo a ngècè ngizura'a asaɓai.

Galates 3:21

Mè? Ma kita Zhiklè a ma mpèsl ri Zhiklè ta hümdè azɓi ƌè? Halau, ta hümdè! Aman agassa ma kita a slaha a mvi nshèffè, ar ngizura'a a shkè te ma kita Zhiklè a vava.

Galates 3:24

Gar haha ma kita Zhiklè, skwi n'ngatsa nga maya a ma ma a sam Kristi, aman nga da ndi a ndohi nzura'a te ncè-a-ndav.

Ephésiens 3:12

Te nenga'a nga ngots civèƋ te ncè-a-ndav, aman nga herda na va a Zhiklè, a nga fi gèƋ a vna a zlau ka ɓai.

Colossiens 1:27

tenga'a man Zhiklè a woya a ngreda ta skwi mèshèlè a n'njèlè te skwi man n'ngheda a sam ndohi nte deɓa: nasa Kristi te kinè, n'njèlè man nga zhèrè te ndav.

1 Timothy 1:1

Paul, ndo sak Kristi Yèsu, ara man Zhiklè, ndo m'mbel nga, a woya'a, Bi Yèsu Kristi, man nga zhèrè te ndav,

Hébreux 10:1

Aman ma kita Zhiklè nenga'a mèzhèɓ skwi mbela'a man a di a shkè, skwi gèƌagèƌ ka ɓai. Gar haha a slaha a n'nge ta ndohi man ta zli skwi a Zhiklè jèlèlè'a a mèdèp azɓai. Aman a mvi a mvai ta zli skwi a Zhiklè pèc pècèk lèmèlèmè.

Hébreux 11:40

Zhiklè a nhur skwi mbela'a holhola'a a géƌ nga; aman nga da gi a njèìèlè'a a nda tenga'a.

Hébreux 11:6

Aman ndo man a nca a ndav ɓai, ambaba Zhiklè ɓai. Ko wawa man a herda na va a Zhiklè, sèi do co a ndav na, Zhiklè a zhè, a va ta skwi ntul ta a tengahia'a man ta hèshè'a.

Hébreux 3:6

Aman Kristi nlèɓèslè'a, nenga'a kra gi nenga'a. Nga, gi nenga'a, aman nga gshè va a n'njèl skwi man nga zhère te ndav, a nga fi gèƋ a vna, ba ndikèma'a.

Hébreux 4:16

Gar haha ngohurdokoy va a sam n'nzi bi na, man pombi a ngècè a pa, a nga fi gèƌ a vna, a nga da ngècè nsi ndo te va a pombai a pats man a woy skwi ntakaha nga a zhè.

Hébreux 6:18

Aman a skwi cèw man ta ngwèdè azɓai—aman Zhiklè a slaha a ncèkèlma azɓai—nga ngots skwi mbid nga nzura'a, nga man nga gshè va a nzhèrè te ndav man a zhè a ma nga.

Hébreux 7:11

Aman agassa mizlinè mvi skwi a Zhiklè te Lévi n'nga'a jèlèlè'a maa sam nenga'a ndohi ta ngots ma kita Zhiklè ar ta fèda ndo mvi skwi a Zhiklè ngiƋè ara Melchisédek èhèmè? Ara Aaron azɓi èhèmè?

Hébreux 7:20

A ngau a m'mbèƋè. Tengahi ngiƋè ta ga'a a ndo mvi skwi a Zhiklè te m'mbèƋè ka ɓai;

Hébreux 7:25

Gar haha a slaha a m'mbel ta tenga'a man ta shkè a sam Zhiklè a nzlembaƋ nenga'a, a mèdèp, te man nenga'a a nzi a nshèffè a mèdèp, aman a tsi ri a géƋ tenga'a.

Hébreux 8:6

Aman antanta Yèsu a ngots mizlinè amba holhola'a, lèmèlèmè ara nderzlèma mɓua'a man a bezda na rai, a ma mpèsl ri nenga'a, man ta amba holhola'a.

Hébreux 9:9

Nenga'a tèlèba skwi nlèmdè a patshi haha genè. Skwi man a via'a, a skwi man a zlia aranta, a slaha a ntil mèzhèɓ ndav ndo man a gi mizlinè Zhiklè, jèlèlè ɓai.

Jacques 4:8

Vaherda na va a Zhiklè, a nenga'a a di a herdeka kinè va. Vapana ri kinè, kinè ndohi malai, vatila ndav kinè, kin ndohi n'ngwèdè ndo!