Ephésiens 1:4 - Mofa New Testament

⁴ Aman te Yèsu, a mpar nga mpèrè, man herkeda n'ngedi ɓai, aman ngagi a ndohi nkezla"a, mali nga azɓai a sam di na, te mwoy-ndo nenga'a,

Ma Zhiklè

⁴ Aman te Yèsu, a mpar nga mpèrè, man herkeda nʼnge di ɓai, aman nga gi a ndohi nkezlaʼa, mali nga azɓai a sam di na, te mwoy-ndo nengaʼa,

Ephésiens 1:4 ပူးပေါင်းရင်းမြစ်များ

Matthew 24:22

Aman Zhiklè nda takossa patshi saɓai, ar ndoa mbélèazɓai. Aman a géƋ ndohi man Zhiklè a mpar ta, a da takossa patshi sa.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèƋè, a ta ngreda skwi malwuƋi mbia'a, a nrkedai, aman ta pèkètède ta ndohi mparahia'a ba, man ta slaha.

Matthew 24:31

A nenga'a a di a zlinde ta golahi nenga'a, a ta tsi tolom mbia'a, a ta ɓic ta ndohi mparahia'a, te tsagi herkeda faƋ, te verzi gai, ndè a verzi gi ngiƋè.

Matthew 25:34

A bai a da gaƋa ta tengahi nte civèƋ ri mandi na: Vowashkè, kinè ndohi man Bab ga a pshè kinè ma. Vandau kokwar-Bi nenga'a, man ntila a géƋ kinè te nhinkaƋ herkeda.

Jean 10:16

A i ngots tambakhi ngiƋè, ta t'hwaƌ zlazlar haha di ɓai. Tenga'a sèi i lèka ta a haha, a ta tsena da'ai ga, a ta gi a rèwè staƋ, a ndo mɓer ta staƋgenè.

Jean 15:16

Kinè n'ngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèƋè te ri Bab ga a nzlembaƋ ga, a da va kinè.

Jean 17:24

Bab ga, i woya aman tenga'a man ka pokoyè, ta zhè a sam ga, a ta rka n'njèl ga man ka vokoyè, a géƌ man ka woy iyè a ndav ngaya, aman herkeda n'nga di ɓai.

Actes 13:48

Aman ndohi nte deɓa ta tsena ma haha, ta wuffè holhola'a, a ta slubordo ma Zhiklè, a ta co a ndav, tenga'a tèlèba, man Zhiklè a mpe ta hi a nshèffè a mèƋèp.

Actes 15:18

Bi Zhiklè a goƋ ar haha, nenga'a man a gi skwi haha tèlèba, a ngreda auda n'nzi a zhè.

Actes 18:10

Aman i zhè a nda ka, a ndo ngiƋè a slaha a nga ka matakwan azɓai. Aman ndohi ga kumba te kokwar haha.

Romans 8:33

Nwoya man a pin ta ndohi man Zhiklè a mpar ta wa? Zhiklè, nenga'a a nge ta a ndohi nzura'a.

1 Corinthians 1:8

Nenga'a ba a ɓer kinè, aman kin nzi tara'a, ha skwi tèlèba nrufa ma, aman a pats Bi Yèsu Kristi ma a da az a géƋ kinè ɓai.

Galates 5:13

Aman kinè, dalahimam ga, Zhiklè a baba kinè a sam mpra'a. Aman vagu maya, aman a géƌ man kin pra t'uda ma, kin va na civèƌ a ntétékè te va kinè ɓai. Aman te mwoy-ndo, ngiƌè da takaha ngiƌè, ngiƌè da takaha ngiƌè.

Galates 5:22

Skwi man a shkè auda te Mèzhèɓ: Mwoy ndo a ndav, mwuffè, gumai, nzhèr skwi a ma ma, ndo a se ka te va, ndav amba, nlèɓèslea,

Galates 5:6

Aman te Kristi Yèsu, ko ngwon n'ngela, ko ngwon n'ngel ɓai, skwi ambalai; sèi ncè-a-ndav te mwoy-ndo.

Ephésiens 2:10

Aman nga skwi ri na, n'nga'a te Yèsu Kristi, aman nga gi mizlinè man amba, man Zhiklè a ntila nshèlèkura'a, a woya a nga gia'a.

Ephésiens 3:17

Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedengge denga'a.

Ephésiens 4:2

Vamanda gèƋ a hai, a ndav nlüɓekwa'a, vozhor skwi a ma ma, valèɓèslè a va kinè, ngiƋè a sam ngiƋè, te mwoy-ndo.

Ephésiens 5:2

Vawoy ndo, lèmèlèmè ara Kristi man a woy kinè! A mvoko va na a ri na a gèƋ nga, ara skwi man a va na Zhiklè, a skwi man a zla na Zhiklè, man ambaba Zhiklè.

Ephésiens 5:27

aman a zlatseda a sam na, a ri na, ara mpi ndohi Zhiklè n'nga'a jèlèlè'a, derda az a pa ɓai, va m'min ɓai, mohtsomba ka ɓai; aman nkezla'a, mali az a pa ɓai.

Philippiens 2:15

Aman kinè, vanza, ma az a gèƋ kinè ɓai, zura"a, wudahi Zhiklè, mali az a sam kinè ɓai, te ndev ndohi herkeda man ta gedas ta, a ta ngwode ta a ndohi ambaɓihia"a, te ndev tenga"a kin hèl sam ara skwi nhèl sam t"herkeda,

Colossiens 1:22

Zhiklè a m'menda gumi a hai a nda kinè te kra nenga'a man a vau va nenga'a a m'metsai. A nda zlatsede kinè ndohi nkezla'a, mali az a sam kinè ɓai, ma az a gèƌ kinè ɓai a sam di na.

Colossiens 2:2

A va tawuƋi a ndav ta, a ta hümdè te mwoy-ndo a ta shin skwi mbela'a tèlèba te Kristi.

Colossiens 3:12

Gar haha kin ndohi man Zhiklè a mpar ta, ndohi nkezla'a, ndohi man a woy ta, vafeda skwi haha a va: nsi ndo te va, ndav nlüɓekwa'a, m'mènde gèƋ a hai, ndav amba, nzhèr skwia dai.

1 Thessalonians 3:12

Aman kinè, Bai Yèsu da gu aman kin grèa ma ma, a kin gi jèlèlè a ma ma te mwoy-ndo a ndav, ngiƋè a sam ngiƋè, lèmèlèmè ara nga a sam kinè.

1 Thessalonians 4:7

Aman Zhiklè a baba nga a sam skwi nlizhè ka ɓai, aman a sam nkezla'a.

2 Timothy 1:9

Zhiklè, nenga'a a m'mbel nga, a mbaba nga, a géƋ skwi man nga gu ka ɓai, aman a géƋ man a hur te ndav na, a géƋ pombi man a va nga te Yèsu Kristi, man herkeda n'nge di ɓai.

2 Timothy 2:10

Gar haha i zuɓ skwi tèlè, a géƋ ndohi man Zhiklè a mpar ta, aman tenga'a ba ta ndikè a sam mbela'a a n'njèlè man a ndivè azɓai a mèdèp, te Yèsu Kristi.

2 Timothy 2:19

Aman Bi Zhiklè a fu verzi man wuƋi na zhè, ma haha mwindèa a pa: Bai Yèsu a sun ndohi na, a ndo man a baba na nzlembaƋ Bai Yèsu, do do auda a sam skwi ambaɓia'a.

Jacques 2:5

Dalahimam ga, vatsena'a! Zhiklè a mpar ta ndohi ntawassa'a a géƌ herkeda haha, aman te ncè-a-ndav, ta ndi a ndohi mèshèlè, a ndohi n'ndi kokwar-Bi Zhiklè, man a mpasla ta ri a ndohi man ta woya'a a ndav ta.

1 Peter 1:2

man Zhiklè, Bab nga, a mpar ta ara man a hur hala'a te Mèzhèɓ nenga'a, a ta, pi ndav a nenga'a, ta pana a pombaz Yèsu Kristi. Zhiklè da va kinè pombai a gumi kumba!

1 Peter 1:20

Zhiklè a n'ngatseda nenga'a a hai, ga herkeda a gai, nenga'a man a ngudkoƌauda toktok haha a géƌ kinè.

1 Peter 2:9

Kinè verzi ndohi man Zhiklè a baba kinè, ndohi mvi skwi a Zhiklè, Bi mbia'a; kinè ndohi hala'a, ndohi man a kwor ta. Kinè skwi nsléberdè nenga'a, man a baba kinè auda te ruva a sam nhèl sam nenga'a mbela'a.

2 Peter 3:14

Gar haha, dalahimam ga, vagu maya a vata, aman a da ngats kinè te gumai a sam di na, ma az a gèƋ kinè ɓai, te mali ka ɓai.

1 John 4:16

A nga suna, a nga co a ndav, B; Zhiklè a woy nga. Bi Zhiklè, nenga'a mwoy-ndo, a ndo man a nzi te mwoy-ndo, a nzi te Bi Zhiklè, a Bi Zhikle a nzi te nenga'a.

Apocalypse 13:8

A ndohi tèlèba a géƋ herkeda ta da tsi ri a nenga'a. Tenga'a man nzlembaƌ tenga'a mwindè'a te ƌèlèwèr nshèffè kra tambak, man ta zlama na da'ai, daga nhinkaƋ herkeda ma, ta tsi ri a nenga'a azɓai.

Apocalypse 17:8

Skwi dak man ka rka'a, a zhè a matsa, ani asaɓai, a da skè auda za'a te vèvèƌ mpèltemtema'a, a da hi na a sam ngedassa'a, a ndohi a gèƌ herkeda ta da rzl ta, ndohi man nzlembaƌ ta mwindèa te ƌèlèwèr nshèffè ɓai, daga nhinkaƌ herkeda, aman ta rka skwi dak ara man a nza, antanta asaɓai, a da zhè za'a.