Colossiens 1:10 - Mofa New Testament

¹⁰ a kin nzi ara man Bai Yèsu a woya'a, ara man ambaba, pèc pècèk, a skwi man amba staƋ staƋ tèlèba, a shkè auda te mizlinè kine, a kin grè a ma ma te nshin Zhiklè;

Ma Zhiklè

¹⁰ a kin nzi ara man Bai Yèsu a woyaʼa, ara man ambaha, pèc pècèk, a skwi man amba staɗ staɗ tèlèba, a shkè auda te mizlinè kine, a kin grè a ma ma te nshin Zhiklè;

Colossiens 1:10 ပူးပေါင်းရင်းမြစ်များ

Jean 15:16

Kinè n'ngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèƋè te ri Bab ga a nzlembaƋ ga, a da va kinè.

Jean 15:8

Gar haha n'njèl Bab ga, aman nyi nshèffè kinè a zhè kumba, a kin ndi a golahi ga.

Jean 17:3

Na haha nshèffè a mèƋèp, aman ta sen ka, ka Zhiklè nzura'a staƌgenè, a nenga'a man ka zlündo, Yèsu Kristi.

Romans 1:13

I woya aman kin suna, dalahimam ga: pats ngiƋè i huro i gaƋa i Ƌè a sam kinè, aman i ngècè skwi ntul mizlinè ga a sam kinè ba, lèmèlèmè ara man a sam ndohi herkeda ngiƋè; aman i ngatsa ria di ɓai.

Romans 4:12

Lèmèlèmè n'nga'a a bab ndohi man ngwon n`ngela, ndohi man ta hér n'ngél ngwon genè ka ɓai, aman ta jèjèr ncè-a-ndav man a zhè hala'a te Abraham, bab nga, aman a ngela ngwon di ɓai.

Romans 6:4

Gar haha te baptême, nara man ta re nga a vèvèƌ a nda nenga'a. Aman lèmèlèmè ara Kristi a nslambaƌkaƌauda te va ndohi m'metsa'a, a sam n'njèl Bab na, lèmèîèmè nga, sèi nga Ƌè te nshèffè mɓua'a.

2 Corinthians 2:14

Nga shid gèƋ a Zhiklè, aman nga tsi sabi pèc pècèk te Kristi, a nshin nenga'a a zhkè honga'a a sam tèlèba te nga.

2 Corinthians 4:6

Aman Zhiklè man a ngaƌa na skwi nhél sam: Hulko gèƌ auda te ruva! Nenga'a a nhul sam te ndav nga, aman te nga, sam nhela'a a ngrédè auda, a nga slaha a nga shin n'njèl Zhiklè a sam di Yèsu Kristi.

2 Corinthians 5:9

A géƌ nasa nga gi maya maya, aman nga nzi a nshèffè ara man ambaba Zhiklò, ko nga te ngwi ma, ko nga te va nga haha dai.

2 Corinthians 9:8

Zhiklè a slaha a va kinè pombai a vata ba, aman te skwi tèlèba kin ngèzhè, a kin ngots skwi mèshèlè, a kin slaha kin gi mizlinè man amba a vna,

Ephésiens 1:17

Zhiklè Bi nga Yèsu Kristi, Bab n'njèlè, da va kinè Mèzhèɓ nshin maya, da ngreda kine skwi auda, te nshin nenga'a.

Ephésiens 2:10

Aman nga skwi ri na, n'nga'a te Yèsu Kristi, aman nga gi mizlinè man amba, man Zhiklè a ntila nshèlèkura'a, a woya a nga gia'a.

Ephésiens 4:1

Gar haha i fa kinè ma a gèƋ, iyè ndo dangai a géƋ Bai Yèsu: Vanza a maya, ara man kin njèl Zhiklè man a baba kinè.

Ephésiens 4:13

ba nga tèlèba nga staƋ te ncè-a-ndav, te nshin kra Zhiklè; a nga ga a ndo nshfa'a, man skwi Kristi tèlèba n'nga'a jèlala'a a sam nenga'a.

Ephésiens 5:10

Vawor skwi man ambaba Bi Zhiklè!

Ephésiens 5:15

Gar haha, vagu maya a gèƋ nshèffè kinè, ara ndohi nrzla ka ɓai, aman ara ndohi maya.

Ephésiens 5:2

Vawoy ndo, lèmèlèmè ara Kristi man a woy kinè! A mvoko va na a ri na a gèƋ nga, ara skwi man a va na Zhiklè, a skwi man a zla na Zhiklè, man ambaba Zhiklè.

Philippiens 1:11

a nyiè kinè ngutsuɓa'a te ngizura'a man a shkè te Yèsu Kristi, a da zhè a nslébèrdè a nshid gèƌ a Bi Zhiklè a vna.

Philippiens 1:27

Vanza a maya te nshèffè kinè, aman kin nzala ma mbela'a te Kristi! Ko i dè a i rka kinè, ko i az a sam kinè ɓai, i da tsena ma kinè, kin nzi tara'a te Mèzhèɓ nstaƌ, a kin gi var a nda nga a ndav staƌ, a gèƌ ncè ma mbela'a a ndav.

Philippiens 4:18

Aman antanta i ngreda kinè, ara man i ngots skwi tèlèba, kumɓa, a njèkèƌia'a a zhè. I tèkwèn skwi asaɓai, a gèƌ skwi kinè man amba, man i ngots te ri Epaphrodite: ara skwi man kin va na Zhiklè man a wuffe a gèƌè'a, ambaba, man a cè'a.

Colossiens 2:19

Nenga'a a gsa va a Kristi, man gèƌ, ka ɓai. A géƌ Kristi, va ngsa zura'a, a nderzlè gèƌ vatasl a marhi ba, avaa ngrè amba amba, ara man Zhiklè a woya'a.

Colossiens 2:6

Ara man kin co Bai Yèsu Kristi, vodo a ma ma te nenga'a!

Colossiens 3:20

Kinè wudahai, vatsena ma bab a mam kinè te skwi tèlèba; aman kin gi arsa, ambaba Bi Zhiklè.

Colossiens 4:5

Vanza a maya a sam di ndohi nte deɓa, vahera na gèƋ a va mizlinè pèc pècèk!

1 Thessalonians 2:12

A nga fa kine ma a gèƌ, aman sèi kin nza a kin nzala Bi Zhiklè, man a baba kinè a sam kokwar-Bi nenga'a, a sam n'njèl nenga'a.

1 Thessalonians 4:1

A va'a, dalahimam nga, nga bid kinè, nga fa kinè ma a gèƋ, te Bai Yèsu: Ara man kin ngotso a sam nga, vodo arsa, ambaba Zhiklè. Skwi man kin gia'a, vagu holhola'a a ma ma.

2 Timothy 2:4

Aman ndo var man amba, a hér gèƋ ngwi na azɓai, aman a hér skwi man ambaba ndo nkworo.

Titus 3:1

Fa ta ma a gèƋ, aman ta manda gèƋ ta a hai a sam bihai a gomnahai, a ta fi gèƋ a ma tenga'a, a ta gi mizlinè man amba tèlèba,

Titus 3:14

A woy ndohi nga ba da slebau, da gu mizlinè man amba, a ta takaha ta ndohi ngiƋè a vna, a skwi mbela'a a shkè auda te ncè-a-ndav tenga'a.

Hébreux 11:5

A géƋ ncè-a-ndav, Zhiklè a nco Enoch, m'metsahi ɓai, a ta ngatsa a géƌ herkeda ɓai, aman Zhiklè a mco. Ga Zhiklè a ncè'a, a n'ngra na, ka ambabayè.

Hébreux 13:16

Mvi skwai, a ngi skwi man amba a sam ndohi ngiƋè, da pca kinè a gèƋ ɓai; aman mvi skwi arsa, ambaba Zhiklè.

Hébreux 13:21

da va kinè maya, aman te skwi man amba tèlèba kin gi ara man a woya'a. Da gu skwi man ambaba te ndav' nga, te Yèsu Kristi. A Yèsu, n'njèlè pèc pècèk a mèdèp. Amen.

2 Peter 1:8

Aman skwihi haha a sam kinè, a kin ngots tèlèba a vata, ta ɓir kinè, aman kin nzi a deli azɓai, aman kin gi a dèngwèr azɓai, te nshin Bi nga Yèsu Kristi.

2 Peter 3:18

Vagra a ma ma te pombai, te nshin Bi nga a Ndo m'mbel nga Yèsu Kristi. N'njèlè a nenga'a antanta, a ma ma, a mèdèp! Amen!

1 John 3:22

a skwi ko mèmè man nga jhèƋe'a, nga ngècè'a te ri nenga'a, a géƋ man nga fi gèƋ a ma nkwèr nenga'a, a nga gi skwi man ambaba.

1 John 5:20

Aman nga suna, kra Zhiklè a mshkè, a mva nga maya, aman nga sun nenga'a, man nzura'a a vava. Nga te nenga'a man nzura'a a vava, te Yèsu Kristi, kra nenga'a. Nenga'a Zhiklè nzura'a, nenga'a nshèffè a mèdèp.

3 John 1:6

Ta ngreda mwoy-ndo ngaya a sam di mpi ndohi Zhiklè. Ka gi amba, aman ka feda ta ma, ara man ambaba Zhiklè.