1 Corinthians 4:5 - Mofa New Testament

⁵ Gar haha kin bazla na mali a gèƌ a ndo ngiƌè tsam tsam ɓai, sèi Bai Yèsu a shkè, nenga'a a di a cko skwi tèlè auda a sam nhèla'a, ko skwi man n'ngheda'a te ruva, a ngrédè skwi man ndohi ta héré te ndav ta, auda. Te deɓa'a Bi Zhiklè a slébèrdè ndo staƌ staƌ, ara man a ngècè a géƌ skwi man a gau.

Ma Zhiklè

⁵ Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

1 Corinthians 4:5 ပူးပေါင်းရင်းမြစ်များ

Matthew 10:26

Kin gu zlau tenga'a ɓai! Skwi n'ngheda, a azɓai, man a di a ngrédè auda azɓai; skwi man ta gu a metsar azɓai, man ndo a di a shinè azɓai.

Matthew 24:30

Te deɓa'a skwi n'ngrédè Kra-ndo a ngrèdè auda te giƋfèk, a gerzi ndohi herkeda tèlèba ta tsi lalau, a ta rka Kra-ndo man a shkè te va vanai, a wuƋai, a n'njel na mbia'a.

Matthew 24:46

Mwuffe a sam ɓèl sa, aman bi nenga'a a shkè a deɓa, a ngècè'a, a gi arsa.

Matthew 25:21

Bi na a ngaƋa na: Ka gu amba, ɓèl ga nlèɓèslè'a, man amba. Ka lèɓèsla a géƌ skwi nkèshè'a. Anai i da ge ka a ndo mɓer skwi mbia'a. Do a sam mwuffè bi ngaya!

Matthew 25:23

Bi na a ngaƌa na: Ka gu amba, ka ɓèl ga nlèbèslè'a man amba. Ka lèɓèsla a géƌ skwi nkèshè'a. I da ga ka a ndo mɓer skwi mbia'a. Do a sam mwuffè bi ngaya!

Luke 6:37

Kin bazla na mali a gèƋ a ndo ngiƋè ɓai, a Zhiklè a da bazla kinè mali a jgèƋ kinè azɓai. Kin pa na mali a gèƋ ndo ngiƋè ɓai, aman Zhiklè a da pa kinè mali a gèƌ azɓai. Vapra ta mali a ndohai, a ta da pre kinè.

Jean 21:22

A Yèsu a ngaƋa: Aman i woya a n'nzai, ha pats man i shkè a deɓa, ma ngaya Ƌè? Sèi ka dzadzarkayè!

Jean 21:23

A kramamhi ta zlèzlèmè ma haha: Gol matsa a da metsi azɓai. Yèsu a ngaƋa na, a da metsi azɓi, ɓai. Aman a ngaƋa: Aman i woya a n'nzai, ha pats man i shkè a deɓa, ma ngaya Ƌè?

Jean 5:44

Aman kin woy aman ndohi ta sle barde kinè, kin woya man a Zhiklè ka ɓai, ncè-a-ndav kinè mè?

Romans 14:4

Ka wa, man ka fa na mali a gèƋ ɓèl ndo ngiâè? Nenga'a gar a zlècè, gar a kèlèhai, nasa ma bi na. A di a zlècè, te man Bi Zhiklè a slaha a nzlatseda.

Romans 2:1

Gar haha ka ndo, ko wawa man ka bèzlè mali a gèƋ ndohi ngiƋè, ka slaha ka tsoko gèƋ ngaya auda a sam kita azɓai. Aman te skwi man ka bazla na mali a gèƋ ndo ngiƋè, ka phomde va ngaya a ri ngaya, te man ka ba, ka gia lèmèlèmè ara man ka ga na ma a gèƌ.

Romans 2:16

a pats man Zhiklè a gi kita te Yèsu Kristi, a géƌ skwi n'ngheda'a te ndav ndohai, ara ma mbela'a man i njè'a.

Romans 2:29

Aman nenga'a ndo Juif nzura'a, man ndo Juif te ndav. Nenga'a n'ngél ngwon nzura'a, man ndav ntila, man ndo a ngoƋ ka ɓai, aman Mèzhèɓ Zhiklè a ngau. Ndo arsa a ngècè n'njèlè a sam ndohi ka ɓai, aman a sam Zhiklè.

Romans 2:7

Nshèffè a mèdèp a sam ndohi man ta nza tara'a te mizlinè man amba, a ta zhèr nslébèrdè, a n'njèlè, a skwi man a géƌèshè azɓai.

1 Corinthians 1:7

Aman a vava, skwi man Zhiklè a via'a, man kin ngatsa ɓi ba, azɓai, kinè man kin zhèr man Yèsu Kristi, Bi nga, a gudoko nga va a dai.

1 Corinthians 11:16

Aman ndo a zhè te ndev kinè, man a woya a ngi gèjau a géƌè'a, da suna, nga gi gèjau azɓai, a mpi ndohi Zhiklè lèmèlèmè.

1 Corinthians 11:26

Pèc pècèk aman kin ndi movar haha, a kin si kokwi haha, kin njè ma m'metsi Bi Yèsu, ha pats man a shkè a deɓa.

1 Corinthians 15:23

Aman staƋ staƋ, ngiƋè te deɓ ngiƋè, ngiâè te deɓ ngiâè: ndo nshèlèkura'a, Kristi; te deɓa'a, a pats man a shkè a deɓa, ndohi man ta a Kristi.

1 Corinthians 3:13

mizlinè ndo staƋ staƋ a di a ngredè auda. Pats n'ndikèma skwai a da ngredè auda; mizlinè a da ngredè va na auda te vogwa, a mizlinè ndo staƋ staƋ, ko mizlinè mèmè, vogwa a jkedè'a.

1 Corinthians 3:14

Aman mizlinè man ndo ngiƋè a ƌüzlo, a nzai, nenga'a a ngècè skwi ntul na.

1 Corinthians 3:8

Ndo man a zlekia'a, a ndo man a gi iyam a pa, ta lèmèlèmè. StaƋ staƋ a da ngècè skwi ntul na, ara mizlinè na.

2 Corinthians 10:18

Ndo amba a géƋ man a slébèrdè va na a ri na ka ɓai; aman a géƋ man Zhiklè a slébèrdè'a.

2 Corinthians 10:9

I woya man i pra kinè zlau avaa ƌèlèwèr ga ɓai.

2 Corinthians 4:2

Nga kwola skwi man ndohi ta gau, a ta ngheda, te man ta gi hori a gèƋè'a. Nga gi skwi a maya vaya azɓai, nga ngwèdè ma Zhiklè azɓai, aman nga ngreda mèzhèɓ ndav nga auda a ma nzura'a a sam di ndohi tèlèba, a sam di Zhiklè.

2 Corinthians 5:10

Aman nga tèlèba, sèi nga da zlècè a sam n'nzi kita Kristi, a sam man ndo staƋ staƋ a ngècè'a, gar amba, gar ambaɓai, ara man a gu a pats nshèffè na t'herkeda.

1 Thessalonians 5:2

Aman kinè a ri kinè kin sun a vava, pats Bai Yèsu a di a shkè ara ndo metsar a vaƋ.

Hébreux 4:13

Ko skwi staƌ n'ngheda a sam nenga'a ɓai. Aman skwi tèlèba n'ngreda t'uda a sam di Zhiklè, nenga'a aman te deɓa'a sèi nga da menda na skwi tèlèba.

Jacques 4:11

Kin tsu demgasl a va kinè ɓai, dalahimam ga! Ndo man a tsi demgasl a géƌ kramam nenga'a, man ɓai a bèzlè mali a gèƌ kramam na, a tsi demgasl a géƌ ma kita Zhiklè, a bèzlè mali a gèƌ ma kita Zhiklè. Aman ka ndo mbèzl mali a gèƋ ma kita Zhiklè, ar ka fi gèƋè'a azɓai, aman ka ndo kita na.

Jacques 5:7

Gar haha vozhor skwi a ma ma, dalahimam ga, ba pats man Bai Yèsu a shkè. Na haha, ndo mpizhè a zhèrè'a, aman herkeda a cko nyi mbela'a auda, a zhèrè a ma ma, aman a ngècè iyam nzlekai, a iyam ngrè skwai.

Jacques 5:9

Ndav kinè da sakat na a géƋ ngiƋè, a géƌ ngiƌè ɓai, dalahimam ga, man ɓai kin dè kèlè a kita. Na haha, ndo kita a zhè a ntamagai.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè m'mbi holhola'a, a fena guro, sei ta jkedè'a aranta, a ndi a nshid gèƌ, a nslébèrdè n'njèl Yèsu Kristi a pats man a gudko va a dai.

1 Peter 5:4

Gar haha a pats man ndo mɓer skwi mbia'a a da gudko va a dai, kin ngècè skwi mpèƋè gèƋ n'njèlè man a géƌèshè azɓai.

2 Peter 3:12

Vozhor pats Zhiklè, vafu gèƋè'a! A pats sa giƋfèk a skwi ntil herkeda ta ndiv ta a sam vogwa mbia'a.

2 Peter 3:4

Mshkè nenga'a man a mpasla kinè rai, na tema? Babhi nga ta bazl ta ma. Aman tèlèba a dè a ma ma lèmèlèmè ara te nhinkaƋ na.

Jude 1:14

Enoch ba, ndo matsaraƌa'a te verzi Adam, a nhodko ma a géƌ tenga'a, a ngaƋa: I rka Bi Zhiklè a shkè a nda ndohi nkezla'a gozhèm gozhèm kumba,

Apocalypse 1:7

Na haha, nenga'a a shkè te va vanai, a di staƋ staƋ tèlèba ta da rka'a; a ndohi ntuzo ba, a verzi ndohi herkeda tèlèba ta da gi wobau a géƋ nenga'a. A vava, amen.

Apocalypse 20:12

A i rka ndohi m'metsa'a, mbibihia'a ba a nkèshèhia ba, ta zlatsa a sam n'nzi bai. A ta winè Ƌèlèwèrhi a pa. Ɗèlèwèr ngiƋè, man ta winè'a, nenga'a Ƌèlèwèr nshèffè; a ta ga ta kita a géƋ ndohi m'meísa'a a géƋ skwi man ta gau, mwindè'a te Ƌèlèwèrhai.