Apocalipsis 6:6 - New Testament in Mazatec San Jerónimo Tecóatl

⁶ Ki'nchrè jngoò‑la̱ jta̱ ya̱ jngoò osen‑la̱ jñà xi ñijòn ma‑ne xi títsa̱jnakon nga kitsò: ―Nga jngoò nisoò trigo, jngoò na̱chrjein chjí‑la̱ chi̱'nda tjín‑ne. Ko̱ nga jàn nisoò cebada, ti̱koa̱á jngoò na̱chrjein chjí‑la̱ chi̱'nda tjín‑ne. Kì tà nìkits'ón‑jen jè asìti̱ ko̱ vino.

Apocalipsis 6:6 ပူးပေါင်းရင်းမြစ်များ

San Mateo 24:7

Na̱xa̱ndá ska̱àn‑kjoò xi kj'ei̱í na̱xa̱ndá. Koa̱ xi̱ta̱xá koi̱ìts'ia̱ nga ska̱àn‑kjoòko̱ xi̱ta̱xá xi kj'ei̱í na̱xa̱ndá. S'e̱ kjinchrá, s'e̱ ch'in, ko̱ k'oa̱ ch'ón nga xki̱ xi ján i̱'nde.

Apocalipsis 4:6

Ya̱ nguixko̱n jè xi tíjnasòn íxi̱le̱ nga tíhotíxoma, kjijna jngoò ndáchikon xi koni kji chi̱tsín kji xi 'ñó ote. Ya̱ i̱t'aà íxi̱le̱ ko̱ ya̱ i̱ndiì‑la̱, ñijòn ma xi títsa̱jnakon; kóho̱kji i̱jto̱n íts'i̱n ko̱ ya̱ i̱ndso̱'ba̱, xki̱ xi ján tjít'aà xko̱n.

Apocalipsis 4:8

Jñà xi ñijòn ma‑ne xi títsa̱jnakon nga jngoò ìjngoò, joòn jnga̱á tjín‑la̱. 'Ñó kjín ma‑ne xko̱n xi tjín nga jngoò itjandiì‑la̱ ko̱ i̱ya‑la̱. Mìkiì síkjáya ko̱ na̱chrjein ko̱ ni̱tje̱n nga tsò: Tsjeè‑né, tsjeè‑né, tsjeè‑né jè Na̱'èn‑ná xi Nainá, xi ta jè ta̱jngoó xi 'ñó tse nga'ñó tjín‑la̱, jè xi tsibìjna, jè xi tíjna ko̱ jè xi kjoi̱í ìjngoò k'a‑ne.

Apocalipsis 7:3

Kitsò‑la̱: ―Kì tà chjà ch'in 'bì‑lá i̱sò'nde ko̱ ndáchikon ko̱ yá, skanda k'e̱‑né nga jye si̱t'aà chi̱ba̱‑la̱ ya̱ tjen‑la̱ jñà xi chi̱'nda‑la̱ Nainá.

Apocalipsis 9:4

K'oa̱á s'ín kisatiìxoma‑la̱ nga mìkiì tsjá ch'in‑la̱ ngats'iì xka̱ ijñá xi tjín i̱sò'nde, ko̱ ni̱jngoò yá; tà jñà xi ko̱ma tsjá ch'in‑la̱ jñà xi̱ta̱ xi tsjìn‑la̱ chi̱ba̱‑la̱ Nainá ya̱ i̱tjòn tjen‑la̱.