YOANO 5:19 - Disambi Dipyadipya

¹⁹ Mbwôso Yisu akapingasa yi akabambila ene, Sôsôlwo, sôsôlwo, nwambila ene, Mwana kabiyi kudiencela bwalo bwoso, butena bwalo bwamonayi Tete ubwakisa ; malo moso akisa yei, Mwana ndo akisa kabidi mo nako.

YOANO 5:19 ပူးပေါင်းရင်းမြစ်များ

MATEYO 26:39

Yi akaya ku buxi kubende, yi akapona ku mpala anci, akalomba ene, Tetemi, aka ubili kukisa noku, ungudikixili mpamba you ; kaninga kumoni mwamene munapunanga, katemwebe mwapunanga.

LUKA 21:15

bwalo bunanupa musuku yi bwinu, bitaxelubukwa bungi bwabo batanda yinenu mwa kukulumuna, ndo kupetola mpeto.

YOANO 10:18

Kakuna muntu umoumwe ungwanculau, kate ndialadikilau biamene. Ndi yi bumanya bwa kuladika, ndi lolo yi bumanya bwa kuwangata kabidi. Nakangata mulangu ou kudi Tetemi.

YOANO 12:49

Bwalo buntatôyeli biamene mikyemi ; kate Tete akangutuma amangupa mulangu mikyenci binxetôya yi binxekwambila.

YOANO 12:50

Yi namalubukwa ene, mulangu ănci udi môyo ă kô kô. Mbwôso diembi dingwatôya, bea biapungwambila Tete, ndo bingwatôya.

YOANO 14:10

Kusokwetabusa ene, Meme ndi munda mwa Tete, yi Tete udi munda mwamene ? Meyi anwatôyela, kisoatôya biamene kanana, kate Tete asala munda mwamene, yei ndo encenca makisa.

YOANO 2:19

Yisu akapingasa yi akabambila ene, Nuxipi tempelo you, yi nakumubisa kabidi ku matuku asatu.

YOANO 3:3

Yisu akapingasa yi akamwambila ene, Sôsolwo, sosôlwo, nkwatôyela ene, Kutena muntu amalelebwa kabidi, kabiyi kumona bufumu bwa Ncembi.

YOANO 5:21

Byekyene biabisa Tete bafu, ubapapa môyo, bipapa Mwana bantu boso môyo bakyebayi.

YOANO 6:38

Bwalo bunamapweka mu diulu, kumoni kukisa nyinga yamene mikyemi, mo nyinga ya you akangutuma.

YOANO 8:28

Mbwôso Yisu akabambila ene, Panakala nwamakwombulula Mwana a muntu, kunyuma nunalubukwa ene, Meme ndi you, yi kisodikixila kintu biamene mikyemi, kate luna biamangweyesa Tete ndo bingwatôya malo aa.

YOANO 9:4

Ndi yi dibambu dia kukisa makisa anci a you akangutuma, pakala munyinya ukidiko. Butuku buiolwa butabiyi muntu kukisa.

MAKISA 2:24

Mo Ncembi akamubisa, akalebesa bipekye bia lufu, bwalo butalubukwayi kubambibwa kudilu.

LOMA 6:4

Mbwôso twamancikibwa yinanci pa kunumeyebwa ku lufu ; bea lolo biakabixibwa Kalistu kudi bafu ku mucwe ă dikai dia Tete, ndo bituxekwenda kabidi yi môyo mupyamupya.

LOMA 8:11

Yi ndo Mwoxixi a you akabisa Yisu kudi bafu apwakala munda mwenu, you akabisa Kalistu kudi bafu unapa mimbidi yenu ya kufwa môyo kabidi ku bwalo bwa Mwoxixi anci apwakala munda mwenu.

1 KOLINTI 15:12

Aka lolo Kalistu amakwambididibwa ene, akabixibwa kudi bafu, banga badi yinenu bamatôya beci ene, kwombuluka kwa bafu nyô ?

2 KOLINTI 4:14

Bwalo butwalubukwa ene, you akabisa Fumu Yisu unatubisa kabidi yi Yisu, yi unatuteka ku mpala yinenu ndongo.

2 KOLINTI 5:10

Bwalo butunakwebexebwa bungi bwecu ku buxi bwa kisambolelu kia Kalistu ; bixeangata muntu mwoso malo a mu mumbidi bea biamakwencayi, ndo anengela ndo mabi.

EFESO 2:5

isanga patwakadi bafu bwalo bwa mona ecu, amatuteka yi môyo yi Kalistu ndongo ; (nwamapandixibwa ku lwoxixi) ;

EFESO 3:16

anulongoli ngulu pa lwedi lwa bodidi bwa dikai dienci, yinuxesubixibwa yinayo kudi Mwoxixi anci mu muntu a munda ;

FILIPI 3:21

unapilula kabidi mumbidi ă kupwexebwa kwecu, bixefwanixibwau mumbidi ă dikai dienci, bea bidi mukixilu ălubukwayi yinau kupwesa isanga bintu bioso kudiyi mikyenci.

FILIPI 4:13

Mbili kwenca bintu bioso kudi you ungupapa ngulu.

KOLOSAI 1:11

Binuxesubixibwa lofo yi ngulu mioso, bea bidi mpinyu ya dikai dienci, ku bwika bwoso, yi ku kicwandundu kioso, yi kiango ;

KOLOSAI 1:16

Bwalc bwakapangibwa bintu bioso munda mwanci mu melu kulu yi pa loboko ; bintu biamonebwa ku meso yi bintu bitasomonebwa ; ndo bixikaminu bia bafumu ndo mafumu ndo makalanga ndo mamanya ; bintu bioso biamapangibwa kudiyi yi ku bwalo bwanci ;

1 TESALONIKA 4:14

Coco ndo twamakwetabusa ene, Yisu akafwa yi akabika kabidi,—mo nako kabidi bobo bamalala tulu mu Yisu,—Ncembi unabacwala yinanci.

1 PITA 3:18

Bwalo bwakatata Kalistu kusama kabidi ditata dimodimwe dyendeli nya ku bwalo bwa mabi, muna nkwami ku mucwe ă bantu batena yi nkwami ; bixetufikisayi kudi Ncembi ; akaxipibwa mu munyu, mo akatekyebwa yi môyo mu Mwoxixi ;

KIEBEXELU 2:23

Yi nakuxipa bana banci yi lufu ; yi bikokye bioso binalubukwa ene, Meme ndi you amaxixima mala yi micima ; yi nakufuta muntu mwoso enu bea biamalelekyela yi makisa enu.