YOANO 4:6 - Disambi Dipyadipya

⁶ Yi mpokolo a Yakobo akadi koku ; mbwôso Yisu akadi yi bokôkô bwalo bwa lwendo lwanci, akaxikama nako ku mpokolo. Kwakadi pepe yi ola amusambomo.

YOANO 4:6 ပူးပေါင်းရင်းမြစ်များ

MATEYO 27:45

Yi pôi ola amusambomo pakadi mwedima ku bungi bwa mbata pôi ola dibwa.

MATEYO 4:2

yi pakadi amancila bidya minyinya masangi anai yi matuku masangi anai, kunyuma lolo akakwombwa ncala.

MATEYO 8:24

yi mona, diele diakatepa dingi ku ngiembi, biakancibikibwa kibusu yi diele ; kaninga yei akadi mu tulu.

LUKA 2:7

Yi akalela mwananci a buxi, yi akamudinga mbuxa mile yi akamuladisa mu kidilu kia nyama, bwalo bwakasakabo kidi mu ncibo a benyi.

LUKA 9:58

Yi Yisu akamutôyela ene, Mibwabwa idi yi mena, yi nyonyi ya kulu idi yi maswa ; kaninga Mwana a Muntu kiena yi kidi kia kaladika mucwe ănci.

YOANO 11:9

Yisu akapingasa ene, Ki ku munyinya kudi ola disangi yi ibidi ? Aka muntu endenda ku munyinya, kasopuma diya, bwalo bwamamonayi obo a loboko lolu.

YOANO 4:12

Owe wamadika tetecu Yakobo bunene, akatupa mpokolo, yi akanwa momu mikyenci yi bana banci yi bibôbô bienci ?

YOANO 4:5

Akalwa lolo ku bula bwa Samalia bwabikidibwa ene, Sukala, pepe yi mbata akapa Yakobo mwananci Yosefe.

YOANO 4:7

Mwamukaxi akalwa, muna Samalia, kulwa suna mai ; Yisu akamwambila ene, Mpi mai a kunwa.

2 KOLINTI 8:9

Bwalo bunwalubukwa lwoxixi lwa Fumwecu Yisu Kalistu, ene, isanga akadi yi bodidi akatulowa mwokombi ku micwe yenu, binuxeakala yi bodidi bwalo bwa bokombi bwanci.

EBELEO 2:17

Mbwôso kwamalelekyela, yei kutekyebwa mu bintu bioso yi bakunyi banci bileli, bixeakalayi bokanda bunene bwa mwengo yi bwa kibaku mu bintu bidi ku bwalo bwa Ncembi, bixekwambayi bwalo bwa mabi a bantu.

EBELEO 4:15

Bwalo bututasoakala yi bokanda bunene butabiyi kwombwela mabombu ecu mwengo, mo bwakakwelekyexebwa mu bintu bioso luna coco, kutena bubi.