YOANO 12:27 - Disambi Dipyadipya

²⁷ Nkyekyu mucima ămene utaputowa, yi nakutôya beci ? Ene, Tete ungupandisipo kikondo kieki ? Kate ku bwalo bobu ndo kunapulwa ku kikondo kieki.

YOANO 12:27 ပူးပေါင်းရင်းမြစ်များ

MATEYO 11:25

Ku kikondo kieki, Yisu akakulumuna ene, Nkwatumbisa, Tete, Fumu a diulu yi loboko, bwalo bwakasokoka bintu bebi kudi bena bwinu yi bena nkanyi, yi wakabiebesa kudi babaki.

MATEYO 11:26

Mo nako Tete, bwalo bwa kukisa nako kwapwakala bimpe ku meso ebe.

MATEYO 26:42

Yi akaya kabidi diamubidi, yi akalomba ene, Tetemi, aka you kasongudika kutena namamunwa, nyinga yebe yikixibwi.

MATEYO 26:45

Kunyuma akalwa kudi beyi yi akabambila ene, Nulali tulu nkyekyu, nwomowi kwomowa kwenu ; numoni ola amakokyela pepe, yi Mwana a Muntu amakwengebwa ku makaci a boni.

LUKA 22:44

Yi bwalo bwakadiyi yi kipekye kingi ku mucima ănci akalomba kulomba kungi. Yi kiya kienci kiakamata bea luna mampumpu manene a maxi adi mu kupona pa loboko.

LUKA 22:53

Panakadi yinenu ku dituku ku dituku mu tempelo, nwakadi kanusoxombola bianca bienu ndo kungukwata ; kate nkyekyu kudi ola enu, yi bumanya bwa mwedima.

YOANO 11:41

Biakanculabo dibwe. Yi Yisu akasangola meso anci kulu, yi akatôya ene, Tete, nkwaxinga, bwalo bwapungwombwa.

YOANO 12:23

Kaninga Yisu akabambila ene, Kikondo kiamafika kixetumbixibwa Mwana a Muntu.

YOANO 13:21

Pakamanayi bintu bebi kutôya, Yisu akadi yi buxitu ku mucima, yi akatôbôla yi akatôya ene, Sôsôlwo, sôsôlwo, nwambila ene, Muntu enu umoumwe unangwenga.

YOANO 18:37

Biakamutôyela Pilata ene, Owe udi Fumu lolo ? Yisu akatôya ene, Owe waputôya ene, meme ndi fumu. Ku bwalo bobu ndo kunamalelebwa, yi ku bwalo bobu ndo kunamalwa ku loboko binxetôbôlela sôsôlwo ntôbô. Muntu mwoso udi muna sôsôlwo ndo ombombwa diyi diamene.

1 TIMOTEO 1:15

Diyi didi diyi dia ko, diamalelekyela yi kwangacibwa kudi bantu boso, ene, Kalistu Yisu akalwa ku loboko kulwa pandisa boni ; bandi meme mwamukulu abo.

EBELEO 2:14

Mbwôso bwalo bwamakwabanyañana bana yi maxi yi munyu, yei kabidi mikyenci akasangila yi mwakadilu ou, bixelengolayi you ku lufu akadi yi mpinyu ya lufu, kulexi yi kutôya ene, diabolo ;

EBELEO 5:7

Yei, ku matuku a munyu ănci akalonga ndombu yi milombelelu yi kudila kwa ngulu yi masonci, kudi you akalubukwa kumupandusa mu lufu, yi akakwombwebwa ku bwalo bwa diedya dienci bwalo bwa Ncembi ;