YAKOBO 1:27 - Disambi Dipyadipya

²⁷ Kixingilu kia babala kitena mbindu ku mpala a Ncembi Tetecu kidi noku ; kuxexela bana ba xiyi yi bakaxi ba bafu mu buxitu bwabo, yi kudinama mikyenci ku loboko kutena kantobo.

YAKOBO 1:27 ပူးပေါင်းရင်းမြစ်များ

MATEYO 12:32

Muntu mwoso unakala amatôyela Mwana a Muntu diyi, dinamulekyelebwa ; kaninga muntu mwoso unatôyela Mwoxixi a babaia diyi, kadinamulekyelebwa, ndo ku mwociya ou ndo ku mwociya ulolwa.

MATEYO 5:8

Balwangwasanibwi bobo badi yi babala ku micima, bwalo bunamonabo Ncembi.

LUKA 1:6

Yi bubidi bwabo bakadi yi nkwami ku mpala a Ncembi, badi mu kwenda yi milangu mioso ya Fumu yi mixiyilu yenci mioso kutena kubunca.

LOMA 12:2

Yi kanufwanixibwi mwociya ou, kate nukulumunibwi bwalo bwa kulungikibwa kwa lukanyi lwenu lupyalupya, binuxekweya nyinga ya Ncembi bidiyo, yinengela yi ya fionu yi yalelekyela te.

LOMA 2:13

Bwalo butasosuwa bombwi bombombwa bwadi ku mpala a Ncembi, kate bakixi bakisa bwadi banasuwixibwa.

NGALATIA 1:4

akadilongola mikyenci ku mucwe ă mabi ecu bixetupaulayi ku mwociya ou mubi ă nkyekyu you, bea bidi nyinga ya Ncembi yi Tetecu.

NGALATIA 3:11

Mo ku bwalo bwa bwadi, kumoni muntu umoumwe kusuwixibwa yinabu ku meso a Ncembi kwamonebwa mangwoso ; ene, Muna nkwami unakala yi môyo ku kwetabusa.

NGALATIA 5:6

Bwalo butasoakala bwadi bwalo munda mwa Kalistu ndo mwontonto ; kate kwetabusa kwamakwencafiana yi nyinga kudi bwalo.

NGALATIA 6:14

Ku bwalo bwamene, kiakali yi mwanu mwoso utena mwanu ă nkulusu a Fumwecu Yisu Kalistu, undi yi loboko lwamangukopekyebwa ku nkulusu ku mucwe ănci, yi meme ku bwalo bwa loboko.

EFESO 2:2

anwakakwenda munda mwao kalikali yi mwendelu ă mwociya ă loboko lolu, mwendelu ă fumu a bumanya bwa dinamu dia mwoxixi kulu, kidimu kieki kiamakwencañana nkyekyu mu bana ba ntamu.

1 TIMOTEO 1:5

Mo dicina dia mulangu didi nyinga ya mu mucima ă babala, yi kilubukilu kia munda kinengela, yi kwetabusa kutena mancanga ;

1 TIMOTEO 5:4

Mo ndo mukaxi mwoso a mufu udi yi ndo bana ndo bakilo, bobo beyi buxi kwebesa bena kidi kiabo bowa bwa Ncembi mikyeabo, yi kusayila bateteabo yi bamamabo ; bwalo budi noku yi nonu ku meso a Ncembi.

TITO 2:12

ludi mu kutweyesa tunyanani bwalo bwoso butena yi mwosambu ă Ncembi, yi xindilu ya loboko, yi twakali yi bweso, yi nkwami, yi mwosambu ă Ncembi mu mwociya ou ă nkyekyu ;

YAKOBO 3:17

Mo bwinu bulolwa kulu budi ku buxi babala, kunyuma bwa pclo, bulebela, bwa diedya, bwamakwo lubila yi bonkangi yi mamoma anengela ; butasoxiyananisa bantu, butena yi mancanga.

YAKOBO 3:9

Kudilu ndo kutwamatumbisa Fumu yi Tete, yi kudilu kabidi ndo kutwamafinga bantu bamapangibwa yi bufwani bwa Ncembi.

YAKOBO 4:4

Bena mendela, kanusolubukwa ene, bumbila bwa bena loboko budi nkyetekyete yi Ncembi ? Mbwôso muntu mwoso amananga kwakala kimbila kia loboko udiateka mikyenci mutandanani yi Ncembi.

2 PITA 1:4

Ku mucwe ăbio ndo kwamatulongolayi bilaka bienci bia dipiko, biamadika bunene ; binuxelwa babanyañani kudibio yi butonga bwa buNcembi, bwalo bunwamapanda musalu udi ku loboko ku mucwe ă luxindilu.

2 PITA 2:20

Bwalo panakala bamakwongoloka ku mbindu ya loboko ku kilubukilu kia Fumu yi Mupandixi Yisu Kalistu, akali bamadingibwa yi bamapwexebwa kudiyo, mwakadilu ăbo ă kunyuma ămadika mwakadilu ăbo ă buxi bubi.

2 PITA 3:14

Mbwôso banangibwi, bwalo bunwadingila bintu bebi, nupalali yi mulukutu ndo kusananibwa kudiyi yi polo, kutena kantobo yi kutena bwalo bubi ;

1 YOANO 5:18

Twamalubukwa ene, muntu mwoso amalelebwa kudi Ncembi kasokwona, kate you amalelebwa kudi Ncembi udianama mikyenci, yi you a bubi kasomubaka kianca.