YAKOBO 1:21 - Disambi Dipyadipya

²¹ Mbwôso nwekyeyi mbindu mioso, yi mwoxingi ămapulcwa ku bungi, yi nwangati diyi yi diedya diamasokyeyebwa munda, dibili kupandisa micima yenu.

YAKOBO 1:21 ပူးပေါင်းရင်းမြစ်များ

MATEYO 5:5

Balwangwasanibwi ndo bena diedya, bwalo bunakitabo loboko.

YOANO 6:63

Kudi Mwoxixi upapa môyo, munyu kausotetowa kintu ; meyi anamanwambila adi mwoxixi, yi adi môyo.

YOANO 6:68

Ximono Pita akamwambila ene, Fumu, tunaya kudi ñani ? Owe udi yi meyi a môyo ă kô kô.

MAKISA 10:33

Binakatuma kudi mangwoso, yi owe wapwenca loko bwalo bwapulwa. Mbwôso tutani kunu cu-a-bwoso ku mpala a Ncembi ndo kwombwa bintu bioso biamakutôyelebwa kudi Ncembi.

MAKISA 13:26

Bena kwecu, bana ba bulungu bwa Abalami, yi bobo badi yinenu bamacina Ncembi, kunudi kwamatumibwa diyi dia kipandilu kieki.

LOMA 1:16

Bwalo buntasokwombwela losa ngu lunengela bundu ; bwalo budilu ngulu ya Ncembi ku kupandixibwa kwa môyo kwa muntu mwoso a-etabusa ; kwa muna Yuda buxi, mo kwa muna Ngiliki kabidi.

LOMA 11:17

Yi ndo manga matamba amanyowebwa, yi owe wakadi olife a mutu wamasambikibwa pakacikaci pao kidi kimokimwe, yi wamalwa mwabanyanani a dicini dla muci ă olife yi a manyi au,

LOMA 6:17

Mo Ncembi axingibwi biloba ; buxi nwakadi basadi ba bubi, mo nwamakwedeya ku mucima butonga bwa kweyesa bunwakalongolebwa kudibu.

1 KOLINTI 15:2

lunwamapandixibwa yinalu kabidi ; ndo nwanamata ku diyi dedi dinakanwambila losangu yinadio, kutena nwamakwetabusa kanana.

2 KOLINTI 7:1

MBWÔSO bwalo bututani yi bilaka bebi banangibwi, tudikusuli mikyecu ku lobindu lwoso lwa munyu yi lwa kidimu, twombudisi babala mu bowa bwa Ncembi.

EFESO 1:13

Yi munda mwanci nonu kabidi, pakadi nwamakwombwa diyi dia sôsôlwo, losangu lunengela lwa kupandixibwa kwenu ; munda mwanci, binwakamwetabuxila kabidi, ndo munwakabakibwa kilembetelu kia Mwoxixi a kilaka a babala,

EFESO 4:22

Mbwôso, ku bwalo bwa mwosambu ěnu a buxi, nunculi muntu a kalikali, udi yi musalu bwalo bwa nyinga ya ncimi ;

EFESO 4:25

Mbwôso nunculi ncimi, yi nutôyañani sôsôlwo muntu mwoso yi muna kwanci ; bwalo butudi bicini muntu a muna kwanci muntu a muna kwanci.

EFESO 5:4

ndo nyete, ndo kutôya kwa kanana, ndo miexopo, bitasolelekyela ; kate kuxinga kwa biloba.

1 TESALONIKA 1:5

Bwalo butaluli losangu lwecu lunengela kunudi mu diyi ditupu, kate yi ngulu kabidi, yi Mwoxixi a babala, yi kilubukilu kingi ; bwalo bunwalubukwa butonga butwakadi yinabu pakacikaci penu ku bwalo bwenu.

1 TESALONIKA 2:13

Yi ku bwalo bobu kabidi ndo kutwaxinga Ncembi biloba kangala kangala, ene, panwakangata diyi dia losangu kutudi, dia Ncembi, nwakadiangata kumoni bea diyi dia bantu, kate bea bididio sôsôlwo diyi dia Ncembi ; diamakisañana munda mwenu bamakwetabusa.

TITO 2:11

Bwalo bwamamoneka lwoxixi lwa Ncembi ; ludi mu kucwala kupandixibwa kwa môyo kudi bantu boso ;

EBELEO 12:1

MBWÔSO coco kabidi, bwalo butwamadingibwa yi kimbukuma bunene noku kia bena ntôbô bea lubungi, twekyeyi buxitu bwoso yi bubi budi yi lungwoso lwa kutucimbila, yi tusamboli sambo yi bwika amaxembama ku mpala ecu ;

EBELEO 2:3

coco pako tunapanduka beci ndc tunalekyela kunama kipandilu kia môyo kidi kinene noku ? kiakatôyebwa buxi kudi Fumu, yi kiakasubixibwa ku bwalo bwecu kudi bantu bakakwombwa ;

EBELEO 4:2

Bwalo butwamakwambidibwa losangu lunengela luna bobo kabidi ; kate diyi dia losangu diakadi kadisobatetowesa, bwalo butaputolebwadio yi kwetabusa mu bantu baba bakakwombwa.

YAKOBO 4:8

Nukokyeii pepe yi Ncembi, yi yei unakokyela pepe yinenu. Nukusuli makaci enu, boni ; yi nususuli micima yenu, bena micimbucimbu.

YAKOBO 5:20

alubukwi ene, you amapingasa mwoni ku kwona kwa ncila anci unapandisa kidimu lufu, yi unancibika kibumbu kia mabi.

1 PITA 1:22

Bwalo bunwamasusula micima yenu ku kwedeya kwenu kwa sôsôlwo ku nyinga ya bakunyi yitena mancanga, nunanganani kungi ku mucima ă babala ;

1 PITA 1:9

yi nudi mu kwangata sayi ya kwetabusa kwenu, kupandixibwa kwa bidimu bienu.

1 PITA 2:1

MBWÔSO nwekyeyi mwoxingi mwoso, yi buluba bwoso, yi mancanga, yi mietumbu, yi mietangu mioso ;

1 PITA 2:11

Banangibwi, nwabondabonda bea bantu babene yi bea bena ngendo, ene, nuncili xindilu ya munyu yamatanda yi mucima ;