TITO 1:16 - Disambi Dipyadipya

¹⁶ Bamasakola ene, bamalubukwa Ncembi ; mo ku makisa abo kumwanyañanabo, badi bena nyete, yi bena ntamu, yi ku bwalo bwa mudimo mwoso unengela badi basaluki batupu.

TITO 1:16 ပူးပေါင်းရင်းမြစ်များ

LOMA 1:28

Yi bea bitamonabo loko kwakala yi Ncembi mu kilubukilu kiabo, ndo biakabalongola Ncembi ku lukanyi lusaluki lwa kwenca malo atasolelekyela.

EFESO 5:6

Muntu kanudimbi yi meyi a kanana ; ku bwalo bwa bintu bebi kulolwa bisusu bia Ncembi kulu kwa bana ba kadiu.

1 TIMOTEO 1:9

yi ndo amalubukwa ene, bwadi kabusokwelebwa ku mucwe ă muntu a nkwami, kate ku micwe ya bilema yi batomboki, ku micwe ya bantu batena yi mwosambu ă Ncembi yi boni, ku micwe ya bantu batena babala yi bena mietangu, ku micwe ya baxipanani ba bateteabo yi baxipanani ba bamamabo, ku micwe ya bondi,

1 TIMOTEO 5:8

Mo ndo muntu mwoso kasolungika bidya bwaio bwa bantu banci, yi bwalo pako bwa bena nkumbu anci, amanyañana kwetabusa, yi amadika muntu bubi utena mwetabuxi.

2 TIMOTEO 3:17

bixeakala muntu a Ncembi amakuka dyendeli, amalungikibwa dyendeli bwalo bwa mudimo mwoso unengela.

TITO 3:1

UBELESI nkanyi badipwesi mimikyeabo kudi milopwe yi kudi mamanya, bakali bena diedya, bakali yi lungwoso bwalo bwa mudimo mwoso unengela.

TITO 3:3

Bwalo butwakadi badibi coco kabidi kalikali, bena ntamu, twakadimbibwa, twakadi mu kusadila minga xindilu yi binga biango, twakakala yi mwoxingi yi mwokunyo, bena nyete, twakadi mu kwombwelañana nkyetekyete.

1 YOANO 2:4

You amatôya ene, Mubili, utasonama milangu yenci, udi muna ncimi, yi sôsôlwo kiena munda mwanci ;

YUDE 1:4

Bwalo bwamabwela banga bantu ku busoko, isanga bantu bakalongolebwa kalikali ku lopelo lolu ; bantu batena yi bowa bwa Ncembi, bamakulumuna lwoxixi lwa Ncembi ku budibi, yi bababa Mukyelengi ecu umoumwe mwabu, yi Fumu, Yisu Kalistu.

KIEBEXELU 21:27

Yi momu kamunabwela kintu kioso kia kanana, ndo muntu encenca nyete yi lodimbu kumoni ; no bobo batupu bamafundibwa mu mukanda ă moyo ă Mwana a mukwakwa.

KIEBEXELU 21:8

Kate bena bowa, yi bobo batasokwetabusa, yi bena nyete, yi bondi, yi bendedi ba bakaxi babene, yi baloxi, yi bena ngixi, yi bena ncimi boso, dikapa diabo dinakala mu kiteleñena kiamalumuka yi mudilu yi sulufa ; nako kudi lufu lwamubidi.