3 Yi makanda manene akamusanya malo mangi.
Yi pakasanyibwayi kudi makanda manene yi babakulu, akapudikila nya.
Pilata lolo akamwapangusa ene, Owe udi Fumu a bena Yuda ? Akamupingasa ene, E.
Yi Pilata akamwapangusa kabidi ene, Kusopingasa diyi ? Ombwa mukwasanyabo malo mangi.
Mo Yisu akadi kasopingasa diyi pô, biakakama kama Pilata.
Pôi kikondo kieki pakapalaia Pilata kumupaula ; mo bena Yuda bakakwamena ene, Ndo wapaula muntu you, kuna kimbila kia Kyesa. Muntu mwoso udiateka fumu amatanda yi Kyesa.
