MAKISA 20:28 - Disambi Dipyadipya

²⁸ Mbwôso nudidingili mikyenu, yi bungi bwa kibumbu kia mikwakwa, kinwamatekyebwa banami bakio kudi Mwoxixi a babala, nudisi kikokye kia Ncembi kiamakwolayi ku maxi a you anci mikyenci.

MAKISA 20:28 ပူးပေါင်းရင်းမြစ်များ

MATEYO 16:18

Yi meme kabidi, nkwatôyela ene, Owe udi Pita, yi pelu pa lubwe lolu ndo panakwabaka kiamene kikokye, yi mbelo ya adese (luna Ngiliki, “  hades  ”) kayinakidika bumanya.

MATEYO 2:6

ene, Owe Beteleme, ku mbata a Yuda, kuna mubende pô kudi bana ba bafumu ba Yuda ; bwalo bunancuka you Fumu kudi unanama bantu bamene ba Isalele.

MAKU 13:9

Kaninga nudimuki bwalo bwenu mikyenu, bwalo bunanulongolabo ku bimu ; yi nunakumibwa mu bixingidilu ; yi nunacwadibwa ku mpala ya milopwe yi ya bafumu ku mucwe ămene, bwalo bwa ntôbô kubatôbôlela.

LUKA 12:32

Kanucini, kibumbu kibende kia mikwakwa, bwalo bwamaxekyelela Tetenu ndo kunupa bufumu.

LUKA 21:34

Mo nudingili ximbi ambeci micima yenu yixekwolubixibwa yi ndôi a bidya yi nkolwa ya malufu yi maxitu a môyo ou, yi dituku dedi dixenukwata kimpwaxa pwa ;

MAKISA 13:2

Yi pakasadilabo Fumu, badi mu kundia bidya, Mwoxixi a babala akatôya ene, Nungunamunini Banabasa yi Saulu bwalo bwa mudimo unamababikidila.

MAKISA 14:23

Yi pakadi bamabasungudila babakulu mu kikokye kioso, yi bamalomba yi kuncila kwa bidya, bakabateka ku makaci a Fumu akakwetabuxilabo

MAKISA 20:17

Ku Mileto kwakatumayi ku Efeso, yi akabikila babakulu ba kikokye.

MAKISA 20:29

Ngwalubukwa ene, kunyuma kunamancuka kunabwela ngasama ya bubi kunudi, yitasokwombwela kibumbu kia mikwakwa mwengo ;

LOMA 16:16

Nubisañani yi kunyita kwa babala. Bungi bwa bikokye bia Kalistu binwabisa.

1 KOLINTI 1:2

kudi kikokye kia Ncembi kidi ku Kolinti ; bobo bamabalolebwa mu Kalistu Yisu, bamabikidibwa bena babala ; yi kudi bantu boso mu kidi kioso badi mu kwabila dina dia Fumwecu, Yisu Kalistu, yi Fumwabo yi Fumwecu ;

1 KOLINTI 10:32

Kanwakadi biponexelu ndo kudi bena Yuda, ndo kudi bena Ngiliki, ndo kudi kikokye kia Ncembi.

1 KOLINTI 11:22

Ai ! Nonu kanuna yi ncibo ya kudya yi kunwa munda ? Sungu nwatamuna kikokye kia Ncembi, yi nwaxipa bantu bundu batasodya ? Nakunutôyela kai ? Nwalakani ? Ku bwalo bobu kisonwalakana.

1 KOLINTI 15:9

Bwalo bunamafwila banga batumibwi bubende nci, utasolelekyela yi kubikidibwa ene, mutumibwi, bwalo bunakakolomona kikokye kia Ncembi.

1 KOLINTI 6:20

Bwalo bunwakakwodibwa yi diso ; mbwôso nutumbisi Ncembi mu mumbidi ěnu.

NGALATIA 1:13

Bwaio bunwamakwombwa dia mwosambu ămene ă kaiikaii ă kixingilu kia bena Yuda, ene, nakakoiomona kikokye kia Ncembi kungi kungi, yi nakakibumisa ;

EFESO 1:14

udi kibutuku kia mwokito ecu pôi kipikudilu kia bintu bienci mikyenci, bixetumbixibwa dikai dienci.

EFESO 1:7

Munda mwanci ndo mutudi yi kupikudibwa kwecu ku maxi anci, kilekyelo kia mona ecu, luna bidi bodidi bwa lwoxixi lwanci ;

EFESO 4:11

Yi akapa banga bantu bakali batumibwi ; yi banga, badimuxi ; yi banga, bambidi ba losangu lunengela ; yi banga, banami yi beyexi ;

FILIPI 1:1

PAULU yi Timoteo, basadi ba Kalistu Yisu kudi bungi bwa bena babala mu Kalistu Yisu badi ku Filipi, yi batebedi yi basadi ba kikokys ;

KOLOSAI 1:14

utudi yi kupikudibwa kwecu munda mwanci, kilekyelo kia mabi ecu.

KOLOSAI 4:17

Nutôyeli Akipo ene, Nama busadi bwapwangata mu Fumu, ubukukisi dyendeli.

1 TIMOTEO 3:1

DIYI didi diyi dia ko ; aka muntu amapalala mudimo ă munami a kikokye, amakyeba mudimo unengela.

1 TIMOTEO 3:2

Mbwôso munami udi yi dibambu dia kwakala kutena bwalo bubi, muna mukaxi umoumwe, muna bweso, muna mulangu, muna bileli mu bintu bioso, amakwekyela yi kwangata angata bantu babene ; udi yi kieyexelu kia kweyesa ;

1 TIMOTEO 3:5

Kaninga ndo muntu kasolubukwa mwa kubumba ncibo anci mikyenci, unanama kikokye kia Ncembi beci ?

1 TIMOTEO 4:14

Kwelu dilongi didi munda mwebe, diakakupebwa ku kidimuxilu kiakadimuxibwa, yi ku kubakibwa kwa makaci a babakulu.

1 TIMOTEO 4:16

Uditebeli mikyebe yi kweyesa kwebe. Xina mwoxinu yi bintu bebi ; bwalo pa kwenca noku unapandisa yi mikyebe yi bantu bakwombombwa.

1 TIMOTEO 5:17

Babakulu bamanama kikokye loko belekyexebwi ene, bamalelekyela yi kunemekyebwa yi diedya dingi, yi bobo pako bamakamba mu diyi yi mu bweyexi.

TITO 1:7

Bwalo buxeakala munami a kikokye kutena bwalo bubi, bea nkôngôlo a Ncembi, kumoni muna bwolemo, kumoni muntu ulolwa yi bisusu mangwoso, kumoni muna mulaku ă malufu, kumoni mukumi a bantu, kumoni muna kiloko kia bima ;

TITO 2:14

akadilongola ku micwe yecu, bixetupikulayi ku kwona kwoso, yi bixeditekyelayi bantu yi babala bakali bantu banci mikyenci, badi yi mulukutu ă kulukutila makisa anengela.

EBELEO 12:15

Nuxexeli ximbi muntu mwoso udiko amaxikila bwalo bwa lwoxixi lwa Ncembi ; ximbi dicina dioso dia bululu dixemena yi dixenutepesa, yi bangi baxepindixibwa kudidio ;

EBELEO 13:17

Nwedeyi milopwe yenu, yi nudipwesi mikyenu kudibo ; bwalo bwakyesabo butuku yi kudingila micima yenu, luna bantu banasakola bwalo ; bixekwencabo nako yi kiango, kumoni yi mikabanu ; kusakola yi mikabanu kuxenupwekyelesa nonu.

1 PITA 2:25

Bwalo bunwakadi mu kuungaunga bea mikwakwa ; kate nwamapiñana nkyekyu kudi Kalama yi Munami a micima yenu.

1 PITA 2:9

Mo nonu nudi bu-tonga bwa bantu bamasungudibwa, bubokanda bwa bufumu, bubila bwa babala, bantu badi bena diso dia-manculayi ; binuxekwebesa miesambu ya lwoxixi ya you akanubikila mu mwedima kulwa ku obo anci a kikamakama ;

1 YOANO 1:7

Mo ndo twendenda ku obo bea bidiyi ku obo, tudi yi busangilañani bwecu bumobumwe, yi maxi a Yisu Kalistu Mwananci atwakusula bubi bwoso.

KIEBEXELU 5:9

Yi badi mu kwembikisa musambu mupyamupya ene, Owe wamalelekyela yi kwangata mukanda, yi kuxipa bilembetelu biau ; bwalo bwakaxipibwa owe, yi wamapikudila Ncembi bantu yi maxi ebe ba bulungu bwoso, yi ba ludimi lwoso, yi ba bantu boso, yi ba bubila bwoso ;