KIEBEXELU 13:6 - Disambi Dipyadipya

⁶ Yi akadipula musuku ănci ndo kutangola Ncembi mietangu, kutangola dina dienci yi ncibo anci a bixeba, yi bobo bamaxikama mu diulu.

KIEBEXELU 13:6 ပူးပေါင်းရင်းမြစ်များ

KIEBEXELU 12:12

Mbwôso nuxekyeleli, nonu, melu kulu, yi nonu bakala momu. Mpeya ku loboko yi ku mai manene, bwalo bwamapweka diabolo kunudi, udi yi bisusu bingi, amalubukwa ene, udi yi mo kakondo kabende.

EBELEO 9:24

Bwalo butabwela Kalistu mu bidi bia babala biamapangibwa ku makaci, biakadi yi bufwani bwa bebi bia sôsôlwo ; kate mu diulu mikyedio, ndo kumoneka ku mpala a Ncembi nkyekyu ku micwe yecu ;

MATEYO 15:19

Bwalo bwabatuka nkanyi mibi munda mwa mucima, monda, mendela, madibi, misaka, ncimi ya kudimbidila bantu, mpolo,

MATEYO 12:34

Bana ba nkangi ; nonu badi bubi nunatôya bintu binengela beci ? Bwalo bwasakola musuku malo amakwolubilañana mu mucima.

KIEBEXELU 21:3

Yi nakakwombwa diyi dikola diamalwa mu lukwasa ene, Mona, ncibo a bixeba a Ncembi udi yi bantu, yi unaxikama yinabo, yi banakala bantu banci, yi Ncembi mikyenci unakala yinabo, Ncembi abo.

KIEBEXELU 18:20

Diulu, xekyelela ku bwalo bwabu ; yi nuxekyeleli, bena babala, yi nonu batumibwi, yi nonu badimuxi ; bwalo bwamabubela Ncembi yi lopelo lwenu.

KIEBEXELU 11:12

Yi bakakwombwa diyi dikola dia mu diulu didi mu kubambila ene, Nuximuni kunu. Yi bakaximuna munda mwa diulu ku dibaxi ; yi bantu bakatanda yinabo bakabatebela.

KIEBEXELU 7:9

Kunyuma kwa bintu bebi nakatebela, yi mona, kimbukuma kinene kitabiyi muntu kubala, kia mu bubila bwoso yi mu malungu moso yi mu bantu boso yi mu ndimi mioso, bamakwemana ku buxi bwa lukwasa yi ku mpala a Mwana a mukwakwa, bamalata miembonda ya susu, yi badi yi manga a mabwe mu bianca biabo.

KIEBEXELU 5:13

Yi kipangu kioso kidi mu diulu yi ku loboko yi muxi mwa loboko yi ku mai manene, yi bintu bioso bitani mnmu, ndo binakakwombwa bidi mu kutôya ene, Kudi You amaxikama ku lukwasa yi kudi Mwana a mukwakwa, kwakali lotumbu, yi kinemu, yi dikai yi mpinyu, ku mieciya ya mieciya.

KIEBEXELU 4:4

Yi minga nkwasa masangi abidi yi nkwasa inai yakadinga lukwasa, yi mu nkwasa mwakaxikama babakulu masangi abidi yi banai, bamai lata bilamba bia susu ; yi ku micwe yabo kwakadi bilongo bia ôlo.

KIEBEXELU 4:1

KUNYUMA kwa bintu bebi nakatebela ; yi mona, mbelo mudipula mu diulu, yi diyi dia buxi dinakakwombwa bea diyi dia mpungi didi mu kutôya yinami ene, Ximuna kunu, yi nakukwebesa bintu bixelwa kunyuma kwa bintu bebi.

EBELEO 9:2

Bwalo bwakalungikibwa ncibo a bixeba, ngumbu a buxi akadi mwinda munda, yi mesa, yi kiebexelu kia mampa ; kayou amabikidibwa ene, Kidi kia babala.

LOMA 3:13

Muminu ăbo udi lukita ololwo ; ku ndimi yabo kwamatôyabo yi ncimi ; mulanga ă nyoka udi muxi mwa milomo yabo ;

KOLOSAI 2:9

Bwalo bwamaxikama Kiolubilu kincimancima kia buNcembi munda mwanci mu mumbidi ;

KOLOSAI 1:19

Bwalo bwakamonebwa loko kudi Kiolubilu kia Ncembi kincimancima ndo kuxikama munda mwanci ;

YOANO 1:14

Yi Diyi diakatulowa ku munyu, yi diakakala kutudi ; (yi coco twakatebela dikai dienci, dikai dia luna mwana a ditôi yi tetenci), diamakwolubilañana yi lwoxixi yi sôsôlwo.

KIEBEXELU 7:15

Ndo biamakalabo ku buxi bwa lukwasa lwa Ncembi ; yi bamamusadila ku munyinya yi ku butuku mu tempelo anci ; yi You amaxikama ku lukwasa unapika ncibo anci a bixeba kulu kwabo.

KIEBEXELU 15:5

Yi kunyuma kwa bintu bebi nakatebela, yi tempelo akadipudibwa a ncibo a ntôbô mu diulu ;