EFESO 4:13 - Disambi Dipyadipya

¹³ bitwafika bungi bwecu ku mwakadilu umoumwe ă kwetabusa, yi ă kilubukilu kia Mwana a Ncembi, ku Iwedi lwa muntu amalunda mwamukulu, ku lwedi lwa bule bwa kiolubilu kia Kalistu.

EFESO 4:13 ပူးပေါင်းရင်းမြစ်များ

MATEYO 11:27

Bintu bioso biamangulongolebwa kudi Tetemi, yi kakuna muntu amalubukwa Mwana utena Tete ; kumoni muntu kabidi amalubukwa Tete utena Mwana, yi muntu mwoso ananga Mwana kumwebesa.

YOANO 1:16

Ku Kiolubilu kienci lolo ndo kutwapwangata coco bungi bwecu, yi lwoxixi pelu pa lwoxixi.

YOANO 16:3

Yi banakwenca bintu bebi bwalo butalubukwabo ndo Tete ndo meme.

YOANO 17:21

bixeakalabo umoumwe bungi bwabo, bea bidi Owe Tete munda mwamene, yi meme munda mwebe, bixeakalabo umoumwe kabidi munda mwecu ; bixekwetabusa loboko ene, Owe wakangutuma.

YOANO 17:3

Yi kunu kudi môyo ă kô kô, bobo kukulubukwa Ncembi umoumwe a sôsôlwo, yi Yisu Kalistu akatuma Owe.

YOANO 6:69

Yi coco twamakwetabusa yi twamalubukwa ene, owe udi Muntu a babala a Ncembi.

MAKISA 4:32

Yi kibumbu kia bantu bakakwetabusa kiakadi yi mucima umoumwe yi kidimu kimokimwe ; kakwakadi muntu a kutôya dia kintu kioso kiakadiyi yinakio ene, kidi kienci mikyenci, kate bintu bioso biakakwabanyibwa abanyibwa.

1 KOLINTI 1:10

Nkyekyu nwabondabonda bakunyi, ku dina dia Fumwecu Yisu Kalistu, ene, nutôyañani diyi dimodimwe bungi bwenu ; kakwakadi nkalu kunudi ; kate nusambikibwi dyendeli lukanyi lumolumwe, yi kusambola kumokumwe.

1 KOLINTI 14:20

Bakunyi, kanwakadi babaki ku lukanyi ; kaninga ku bwalo bwa mwoxingi nwakali babaki ; mo ku bwalo bwa lukanyi nwakali babakulu.

1 KOLINTI 2:6

Kaninga twasakola bwinu kudi babakulu ; mo kumoni bwinu bwa mwociya ou, ndo bwa bantu banene ba mwociya ou, banalengolebwa ;

2 KOLINTI 4:6

Bwalo Ncembi you, akatôya ene, obo alumuki mu mwedima, amalumusa obo mu micima yecu ndo kubatusa obo kaikai a kilubukilu kia dikai dia Ncembi mu mpala a Yisu Kalistu.

NGALATIA 4:19

Bana bamene, bantani kabidi yi loenu ku micwe yenu binakala Kalistu amapebwa mumbidi munda mwenu ;

EFESO 1:17

Ncembi a Fumwecu Yisu Kalistu, Tete a dikai, anupi mucima ă bwinu yi ă kiebexelu mu kilubukilu kienci ;

EFESO 1:23

kidi mumbidi ănci ; kiolubilu kia you a-olubisa bintu bioso mu bintu bioso.

EFESO 2:15

bwalo bwakalengolayi nkyetekyete mu munyu ănci, bwadi bwa milangu ya mixiyilu yakaxiyibwa  ; bixepangayi muntu umoumwe mupyamupya munda mwanci mikyenci kudi bantu babidi. Mbwôso akateka polo nako.

EFESO 4:12

bwalo bwa kukukisa bena babala ; ndo ku kwendesa kwa mudimo ă busadi kusala, yi ndo ku kwabaka kwa mumbidi ă Kalistu ;

EFESO 4:3

Nupalali yi mulukutu ndo kunama mwakadilu umoumwe ă Mwoxixi yi kisambikilu bia polo.

EFESO 4:5

Fumu umoumwe kwetabusa kumokumwe, kunumeyebwa kumokumwe ;

FILIPI 3:10

binxemulubukwa yei, yi ngulu ya kwombuluka kwanci kudi bafu, yi busangilanani bwa masama anci akatatixibwayi, binxefwanixibwa lufu lwanci ;

FILIPI 3:8

Kate sôsôlwo, ngwabala bintu bioso kabidi mo kupwekyelela bwalo bwa kilubukilu kia Kalistu Yisu Fumwami ; unamapwekyelela ku bintu bioso ku mucwe ănci, yi namabibala luna mwosapu, binxeakala yi Kalistu ku kutetowa kwamene,

KOLOSAI 1:28

utwamamwambidila diembi, tudi mu kudimusa muntu mwoso yi mu kweyesa muntu mwoso mu bwinu bwoso, bituxelongola muntu mwoso amalunda mwamukulu mu Kalistu Yisu.

KOLOSAI 2:2

bixekolexebwa micima yabo, bamasambikibwa mu nyinga, yi ku bodidi bwoso bwa kilayisu kia lukanyi, bixelubukwabo bwalo bwa Ncembi bwa bwisa dyendeli, budi Kalistu,

EBELEO 5:14

mo bidya bikola bidi bwalo bwa babakulu ba bantu, bobo bamakwekyela ekyela yi kukisa ; ndo bidibo yi bwinu bwa kuxiyañanisa yi kunengela yi bubi.

2 PITA 1:4

Ku mucwe ăbio ndo kwamatulongolayi bilaka bienci bia dipiko, biamadika bunene ; binuxelwa babanyañani kudibio yi butonga bwa buNcembi, bwalo bunwamapanda musalu udi ku loboko ku mucwe ă luxindilu.

2 PITA 3:18

mo nulundi mu lwoxixi yi mu kilubukilu kia Fumwecu yi Mupandixi ecu Yisu Kalistu. Kudiyi kwakali dikai yi nkyekyu yi ku diba dia mwociya ă kô kô. Amen.

1 YOANO 5:20

Yi twalubukwa ene, Mwana a Ncembi amalwa, yi amatupa lukanyi, bituxelubukwa you udi sôsôlwo ; yi tudi munda mwanci mwa you udi sôsôlwo, mwa Mwananci Yisu Kalistu. Yei ndo Ncembi a sôsôlwo yi môyo ă kô kô.