EBELEO 7:26 - Disambi Dipyadipya

²⁶ Bwalo bwakalelekyela bokanda bunene bwa noku ku bwalo bwecu, budi babala, butena nkanyi mibi, butena lobindu, bwamanamunibwa kudi bena bubi, bwamadikixibwa kulu kwa melu kulu ;

EBELEO 7:26 ပူးပေါင်းရင်းမြစ်များ

MATEYO 27:18

Bwalo bwakalubukwayi mwakamulongolabo ku mucwe ă mwokunyo.

MAKU 16:19

Mbwôso Fumu Yisu, pakadi amabatôyela, akangacibwa munda mwa diulu, yi akaxikama ku kidyo kia Ncembi.

LUKA 1:35

Yi mwangele akapingasa yi akamwambila ene, Mwoxixi a babala unalwa kulu kwebe, yi ngulu ya You adika kulu unakubukila ; mbwôso mwana a babala unakulelebwa unabikidibwa ene, Mwana a Ncembi.

LUKA 23:22

Yi akabatôyela diamusatu ene, Kukai ? Muntu you amakwenca bubi kai ? Kiasañana bwalo bwoso yinanci bwa kufwa ; ndo binakumukuma yi nakumulekyela.

LUKA 23:41

Yi coco twamabelebwa yi nkwami sôsôlwo, bwalo butwamangata sayi alelekyela yi makisa ecu ; mo you muntu kakixili bubi bwoso pô.

LUKA 23:47

Pakamona kapalai ka masalai mwakapona, akatumbisa Ncembi ene, Sôsôlwo, you akadi muna nkwami.

LUKA 24:26

Ka Kalistu uxetata bintu bebi yi uxebwela mu dikai dienci ?

LUKA 24:46

yi akabatôyela ene, Kwamafundibwa nako, ene, Kalistu uxetata, yi uxekwombuluka kudi bafu ku dituku diamusatu ;

YOANO 14:30

Kinakwambila yinenu kabidi wungi wungi nyô, bwalo bulolwa fumu a loboko lolu, yi munda mwamene kamusoakalayi yi kintu kimokimwe pô.

YOANO 8:29

You lolo akangutuma udi yinami ; yei kasonguxiya mikyemi mutupu, bwalo bungwencenca malo matuku moso adi loko ku meso anci.

MAKISA 3:14

Kaninga nonu nwakanyañana Muntu a babala yi a nkwami, nwakalomba muntu anupebwi, muxipanani ;

MAKISA 4:27

Bwalo bwamasangilañana sôsôlwo ku bula bobu Elodo yi Pontio Pilata, yi mabila, yi bantu ba Isalele, ndo kutanda yi Musadi ebe a babala, Yisu, akaxinga Owe manyi,

2 KOLINTI 5:21

You utalubukwa bubi, yei akamuteka bubi ku mucwe ěcu ; bituxeakala nkwami ya Ncembi munda mwanci.

EBELEO 1:3

You udi obo kaikai a dikai dienci, yi kifwanisa kia mwakadilu ănci, yi abamba bintu bioso ku diyi dia ngulu yenci. Pakadi yei amamana kikusudilu ku bwalo bwa mabi bienci, akaxikama ku kidyo kia Bunene kulu wapa ;

EBELEO 12:2

tudi mu kudingila Yisu sosonyi, mubangodi yi musudeyi a kwetabusa. Yei, ku bwalo bwa kiango kiakatekyebwa ku mpala anci, akatata nkulusu yi bwika, akatamuna bundu bobu, yi amaxikama ku kidyo kia lukwasa lwa Ncembi.

EBELEO 2:10

Bwalo bwakalelekyela yi you, apwakala bintu bioso ku bwalo bwanci, yi apwakala bintu bioso kudiyi, pa kufikisa bana bangi ku dikai, ndo kukukisa mwembu a kupandixibwa kwabo ku masama akatatayi.

EBELEO 2:17

Mbwôso kwamalelekyela, yei kutekyebwa mu bintu bioso yi bakunyi banci bileli, bixeakalayi bokanda bunene bwa mwengo yi bwa kibaku mu bintu bidi ku bwalo bwa Ncembi, bixekwambayi bwalo bwa mabi a bantu.

EBELEO 3:1

MBWOSO, bakunyi ba babala, bamangata makapa ku kubikidibwa kwa diulu, nunamacisi nkanyi yenu kudi Mutumibwi yi Bokanda bunene bwa kwetabusa kwecu kutwasakola, Yisu ;

EBELEO 7:11

Akali lolo kukuka dyendeli kuxelwa ku bubokanda bwa buna Lebi, (bwalo bwakapebwa bantu bwadi ku mucwe ă bubokanda bobu), ku bwalo kai kuxekwemana bunga bokanda bwa butonga bwa Melekisedekye, butasobadibwa muna butonga bwa Alono ?

EBELEO 8:1

KU malo aa lolo atudi mu kutôya, dicina dia bwalo didi ene, Twapwangata bokanda bunene bwa noku, bwamaxikama ku kidyo kia lukwasa lwa Bunene mu melu kulu,

EBELEO 9:14

ka maxi a Kalistu, akadilongola mikyenci kudi Mwoxixi a kô kô ku mpala a Ncembi, kutena kantobo kamokamwe, amadika kususula kilubukilu kienu kia munda bwaio bwa makisa mafu, ndo kusadila Ncembi a môyo ?

1 PITA 1:19

kate yi maxi a dipiko, bea a mwana a mukwakwa utena bwalo bubi yi utena kantobo, maxi a Kalistu ;

1 PITA 2:22

utakwenca bubi pô, yi mu musuku ănci kamwasañanibwa mwalo.

1 PITA 3:22

bwalo bwamabwelayi munda mwa diulu ; yi bangele yi mamanya yi ngulu bamapwexebwa muxi mwanci.

1 YOANO 2:2

yei lolo udi kibondelu ku mucwe ă mabi ecu ; kaninga kumoni ecu matupu, kate ku mucwe ă bungi bwa loboko kabidi.

1 YOANO 3:5

Nwalubukwa lolo ene, yei akakwebexebwa kuncula mabi ecu ; yi munda mwanci kamuna bubi.

KIEBEXELU 3:7

Yi kudi mwangele a kikokye kia mu Filadelefia funda ene, Bintu bebi ndo biatôya you a babala ; you udi sôsôlwo ; you udi yi lufungula lwa Dafidi, you adipula yi muntu kanancibika, you ancibika yi muntu kanadipula.