EBELEO 4:12 - Disambi Dipyadipya

¹² Bwalo budi diyi dia Ncembi yi môyo yi kucwa, diamadika mwele mwoso ă mpala ibidi kucwa, diamatubula isanga kunamuna yi mucima yi kidimu bonamu, yi manyungu yi bwongo bwa mifwa ; dibili kukala mitôyelu ya munda yi nkanyi ya mucima.

EBELEO 4:12 ပူးပေါင်းရင်းမြစ်များ

LUKA 8:11

Kaninga mwele kaou. Mitongu idi diyi dia Ncembi.

YOANO 12:48

You ungwanyañana, utasoangata meyi amene, udi yi umoumwe umwasambola ; diyi dinaputôya, kadedi dinamusambola ku dituku dia ku sula.

YOANO 6:51

Meme ndi bidya bebi bitani yi môyo biamapweka mu diulu ; aka muntu unakala amadya bidya bebi unakala yi môyo matuku moso ; mo bidya binapa bidi munyu ămene, bwalo bwa môyo ă loboko.

MAKISA 2:37

Pakakwombwabo lolo, bakatubudibwa ku mucima, yi bakatôyela Pita yi banga batumibwi ene, Tunakwenca kai, bena kwecu ?

MAKISA 4:31

Yi pakadi bamalomba, kidi kiakasangilabo kiakanyinga nyinga, yi bakakwolubixibwa Mwoxixi a babala bungi bwabo, yi bakatôya diyi dia Ncembi yi mucima.

MAKISA 5:33

Kaninga bobo, pakakwombwabo, bakakadibwa ku micima yi bakakwelañana nkanyi ndo kubaxipa.

MAKISA 7:38

You ndo yei akadi mu kikokye mu mbata a kisobe, yi mwangele akatôya yinanci ku lupongo lwa Sinai, yi batetecu ; akangata mambi a môyo a kutupa coco ;

LOMA 1:16

Bwalo buntasokwombwela losa ngu lunengela bundu ; bwalo budilu ngulu ya Ncembi ku kupandixibwa kwa môyo kwa muntu mwoso a-etabusa ; kwa muna Yuda buxi, mo kwa muna Ngiliki kabidi.

1 KOLINTI 1:24

mo kudi bantu bamabikidibwa, (ndo ba bena Yuda, ndo ba bena Ngiliki), kudi Kalistu ngulu ya Ncembi yi bwinu bwa Ncembi.

2 KOLINTI 2:17

Bwalo bututena bea bantu bangi bamaleka diyi dia Ncembi ; kate bea bena babala, kate bea ku mucwe ă Ncembi, ku meso a Ncembi, ndo bitwatôya mu Kalistu.

2 KOLINTI 4:2

Kate twamanyañana malo masokoka a bundu, yi katusokwenda yi buluba, yi katusokwata diyi dia Ncembi yi mancanga ; kate pa kwebesa sôsôlwo, tudi mu kwalakanisa kilubukilu kia munda kia muntu mwoso ku meso a Ncembi, ku bwalo bwecu.

EFESO 5:13

Mo malo moso patongolebwao amakwebexebwa ku obo ; kintu kioso kiamakwebesa bintu bioso kidi obo.

EFESO 5:26

bixekibalolayi amakikusula ku kiowelu kia mai ku diyi dia Ncembi,

EFESO 6:17

Yi nwangati kifulu kia kipandilu kia môyo, yi mwele ă Mwoxixi, udi diyi dia Ncembi.

1 TESALONIKA 2:13

Yi ku bwalo bobu kabidi ndo kutwaxinga Ncembi biloba kangala kangala, ene, panwakangata diyi dia losangu kutudi, dia Ncembi, nwakadiangata kumoni bea diyi dia bantu, kate bea bididio sôsôlwo diyi dia Ncembi ; diamakisañana munda mwenu bamakwetabusa.

1 TESALONIKA 5:23

Yi Ncembi a polo mikyenci anubaloli dyendeli ; yi kidimu kienu kincimancima, yi mucima ěnu, yi mumbidi ěnu bimunibwi, kutena bwalo pôi ku kilulu kia Fumwecu Yisu Kalistu.

EBELEO 13:7

Nweli milopwe yenu nkanyi yakanutôyela diyi dia Ncembi ; yi nwokoli kwetabusa kwabo, bwalo bunwatebela ku sula kwa mwosambu ăbo.

EBELEO 6:5

yi bakakikisa diyi dinengela dia Ncembi, yi makisa a ngulu a mwociya ou utanalanda kulwa,

YAKOBO 1:18

Ku nyinga yenci mikyenci ndo kwakatulelayi ku diyi dia sôsôlwo, bituxeakala luna somo a buxi a bipangu bienci.

1 PITA 1:23

bwalo bunwamalelebwa kabidi kumoni ku mitongu yalubukwa kusaluka, kate ku mitongu yitabiyi kusaluka, ku diyi dia Ncembi didi yi môyo yi dinasala kô kô.

KIEBEXELU 1:16

Yi akadi yi mitoto sambwali mu kianca kienci kia kidyo ; yi mu musuku ănci mwakabatuka mwele ă kucwa, ă mpala ibidi ; yi mpala anci luna diba diamalumuka yi ngulu yenci.

KIEBEXELU 19:15

Mu musuku ănci mwakabatuka mwele ă kucwa, bixekumayi mabila yinau ; yi unabumba yi kita kia kidimadima ; yi amanyata kinyacilu kia finyo kia bukitu bwa bisusu bia Ncembi Xadai.

KIEBEXELU 19:21

Yi banga bakasala bakaxipibwa yi mwele ă you amaxikama kulu kwa kabala, ămabatuka mu musuku ănci ; yi nyonyi mioso yakakwolubila yi nyama abo.

KIEBEXELU 2:16

Mbwôso udibeli ; kaninga ndo kumoni, ndolwa kudi mangwoso, yi nakutanda yinabo mbita yi mwele ă musuku ămene.

KIEBEXELU 2:23

Yi nakuxipa bana banci yi lufu ; yi bikokye bioso binalubukwa ene, Meme ndi you amaxixima mala yi micima ; yi nakufuta muntu mwoso enu bea biamalelekyela yi makisa enu.

KIEBEXELU 20:4

Yi nakamona nkwasa ; yi bantu bakaxikama kulu kwayo, yi bakapebwa ndo kusambola bantu. Yi nakamona bidimu bia bantu bakaxakibwa micwe yabo bwalo bwa ntôbô ya Yisu, yi bwalo bwa diyi dia Ncembi ; yi bidimu bia bantu bataxingidili Nyama ndo kifwanisa kienci, yi batangacili kilembetelu kienci ku mpala yabo yi ku kianca kiabo ; yi bakakala yi môyo yi bakadi yi bufumu yi Kalistu ndongo lokone lwa mbula tô.