1 PITA 2:12 - Disambi Dipyadipya

¹² nwakali yi mwosambu ěnu ă nkwami pakacikaci pa mabila ; mbwôso isanga bamatôya ku bwalo bwenu bea bwa bakixi ba malo mabi, kaninga ku mucwe ă makisa enu anengela amatebelabo, baxetumbisa Ncembi ku dituku dia kuxiximibwa.

1 PITA 2:12 ပူးပေါင်းရင်းမြစ်များ

MATEYO 10:25

Kunalelekyela ndo mweyi unakala bea mweyexi anci, yi musadi bea fumwanci. Ndo bamakwenyika fumu a ncibo ene, Belesebubu, kabanadika bwalo bwa bena ncibo anci ?

MATEYO 5:11

Balwangwasanibwi nonu, oka bamanutangola yi bamanufina, yi bamanudimbidila bwalo bwoso bubi butena sôsôlwo ku mucwe ămene.

MATEYO 5:16

Obo enu akali mo nako ku meso a bantu, bixemonabo makisa enu anengela, bixetumbisabo Tetenu utani mu diulu.

MATEYO 9:8

Mo pakamona bimbukuma bakadi yi bowa, yi bakatumbisa Ncembi akapa bantu bumanya bwa noku.

LUKA 1:68

Fumu atumbixibwi, Ncembi a Isalele, bwalo bwamalwayi kudi bantu banci, yi bwalo bwamabancudilayi mpiku kubapikula ;

LUKA 19:44

banakuntuntula paxi yi bana bebe munda mwebe ; yi kabanaxiya munda mwebe dibwe kulu kwa dibwe ; bwalo bwakadi kusolubukwa kikondo kia kilulu kiakakulubwa.

LUKA 6:22

Balwangwasanibwi ndo nonu, oka bantu bananunyafiana yi bananunamuna kudibo, yi bananudidika yi banapaula dina dienu luna ndo dibi, ku mucwe ă Mwana a Muntu ;

YOANO 13:31

Mbwôso pakadi amabatuka, Yisu ene, Nkyekyu Mwana a Muntu amatumbixibwa, yi Ncembi amatumbixibwa munda mwanci.

MAKISA 15:14

Ximono aputôya mwakadingila Ncembi mabila ku buxi buxi, ndo kusokola bantu kudibo bwalo bwa dina dienci.

MAKISA 24:13

Kabasolubukwa pako kwebesa malo angwasanyilabo nkyekyu.

MAKISA 25:7

Pakalwayi lolo, bena Yuda bakapweka ku Yelusaleme bakakwemana, bakamusanya masanya mangi a maxitu atalubukwabo kwebesa ;

MAKISA 28:22

Kaninga twakyeba kwombwa kudi owe mwakanyakanya ; bwalo bwa kibumbu kieki, kiamalubukibwa kutudi ene, ku kidi kioso kwamatamunibwakio.

LOMA 12:17

Kanupingaxidi muntu mwoso bubi ku mucwe ă bubi. Nupalali malo kulungika alelekyela yi nkwami ku mpala a bantu boso.

LOMA 13:13

Twendi yi mwosambu unengela bea ku munyinya ; kumoni yi masa yi nkolwa ya malufu, kumoni yi xindilu mibi yi budibi, kumoni yi bitumba yi mwokunyo.

LOMA 14:18

You asadila Kalistu mu bwalo bobu, udi yi nonu ku mpala a Ncembi, yi udi yi mwalakanu kudi bantu.

LOMA 15:9

yi bixetumbisa mabila Ncembi bwalo bwa mwengo ănci ; bea biakafundibwa ene, Ku bwalo bobu ndo nakusakola kudi Owe pakacikaci pa mabila, yi nakwembikixila dina diebe.

1 KOLINTI 14:25

malo a bwisa a mu mucima ănci amakwebexebwa, yi mo nako unapona ku mpala anci yi unaxingila Ncembi, yi unacwala losangu ene, Ncembi udi yinenu sôsôlwo.

2 KOLINTI 1:12

Mwanu utwañana ka ou, ntôbô ya kilubukilu kiecu kia munda, ene, ku babala yi ku sôsôlwo a Ncembi, (kumoni ku bwinu bwa munyu kate ku lwoxixi lwa Ncembi), ndo kutwamakala yi mwosambu ěcu ku loboko, yi kunudi nonu.

2 KOLINTI 13:7

Twalomba lolo kudi Ncembi ene, nonu kanwenci bubi bwoso ; kumoni bituxemoneka yi mwalakanu, kate binuxekisa bwalo budi yi nkwami, isanga coco twakala bea banyañanibwi.

2 KOLINTI 8:21

bwalo butwelela bintu nkanyi bidi yi nkwami kumoni ku meso a Fumu kutupu, kate ku meso a bantu kabidi.

EFESO 2:3

Yi coco kabidi bungi bwecu twakakwenda yinabo kalikali mu xindilu ya munyu ecu, twakadi mu kwenca nyinga ya munyu yi ya nkanyi ; yi ku butonga bwecu twakadi bana ba bisusu bea banga bantu.

EFESO 4:22

Mbwôso, ku bwalo bwa mwosambu ěnu a buxi, nunculi muntu a kalikali, udi yi musalu bwalo bwa nyinga ya ncimi ;

FILIPI 1:27

Mo nwendi yi mwosambu ălelekyela yi losangu lunengela lwa Kalistu ; mbwôso aka meme ndolwa numona, ndo ambeci ndi kunga, gi nxekwombwa dia mwakadilu ěnu ; ene, nudi mu kwemana bô, yi kidimu kimokimwe yi mucima umoumwe ;

FILIPI 4:8

Ku sula bakunyi, bwalo bwa bintu bioso bidi sôsôlwo, bintu bioso bidi bowa, bintu bioso bidi yi nkwami, bintu bioso bidi babala, bintu bioso bidi lwoxixi, bintu bioso bidi bia mwoximo unengela ; ndo dikimu dioso dia mucima didiko, ndo lotumbu lwoso, nweli bintu bebi nkanyi.

1 TESALONIKA 4:12

binuxekwenda yi nkwami ku meso a bantu badi kunci, yi binutaxekwayila yi kintu kioso.

1 TIMOTEO 2:2

ku micwe ya bafumu yi ya bena bikupu bioso, bituxeakala yi môyo ă nya yi ă polo, yi bowa bwoso bwa Ncembi yi mwosambu ă buxitu.

1 TIMOTEO 4:12

Muntu katamuni bwabuki kwebe ; kate ikala owe kielekyexelu kia bantu bamakwetabusa, ku diyi, ku mwosambu, ku nyinga, ku kwetabusa, ku babala.

1 TIMOTEO 5:10

amatôbôlelebwa ntôbô bwalo bwa makisa anengela ; ndo amalundisa bana, ndo amakwekyela yi kwangata kwa bena ngendo, ndo amakusula makasa a bena babala, ndo amakwapola maxitu a bena maxitu, ndo amalukutila mudimo mwoso unengela.

EBELEO 13:18

Nutulombeli, bwalo butwalubukwa sôsôlwo ene, tudi yi kilubukilu kinengela, yi twakyeba kwendendenda yi nkwami ku bintu bioso.

EBELEO 13:5

Mwosambu ě nu ăkali kutena nyinga ya bima ; micima yenu yibakami yi bintu bidi yinenu ; bwalo bwamatoya yei ene, Meme kinakuxiya nyô, kanana, meme kinakukadeya nyo.

YAKOBO 3:13

Ñani udi yi bwinu yi mayala yinenu ? A-ebesi makisa anci mu mwosambu unengela yi diedya dia bwinu.

1 PITA 2:15

Bwalo budi nyinga ya Ncembi ene, ku kukisa kwa kunengela ndo kunuxepudikisa bena madibi batasolubukwa malo.

1 PITA 3:16

nudi yi kilubukilu kia munda kinengela ; bixexipibwabo bundu, ku bwalo bunwatôyelabo, bamatangola mwosambu ěnu unengela mu Kalistu.

1 PITA 4:11

Ndo muntu mwoso atôya, atôyi bea yi mitôyelu ya Ncembi ; ndo muntu mwoso asala mudimo ă Ncembi, bea ku ngulu yipapa Ncembi ; bixetumbixibwa Ncembi mu bintu bioso kudi Yisu Kalistu, udi yi dikai yi mpinyu ku mieciya ya mieciya. Amen.

2 PITA 3:11

Mbwôso bwalo bunaxeleleka bintu bioso bebio ki nonu nuxeakala yi butonga bwa babala yi bwa mwosambu ă Ncembi,