Thitto 22:10 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁰ Ittina uꞌrupa wothothïlettat wiꞌrekathin itti, “Kirrnni amuꞌrutto lon lotherente loul ierente lon loKapik ilaik iatham enni, akka maꞌri makko napuththut.

Thitto 22:10 ပူးပေါင်းရင်းမြစ်များ

Maththa 10:27

Lon ila anerenthet non iꞌrïmak nere attattar ana ilerettanthet non thounu nokkwinthet kuri noꞌret.

Roma 13:11

Nokkot elli, annina lon locaꞌri icaron thaik nan. Caꞌri caat icanon urutta ngngin nti inthe pꞌrin akka maꞌri mothoꞌret makko napuththut iccik konnon, nnomaꞌri morokït akka oron thoccokothe lon nomïkït loIeccuo.

Roma 13:12

Cik caik cakatto ana cïngkï caik cappo. Ittina ton opaꞌrine ngre ngorïꞌrïmak cik, aron oreko ngre ngoricïngkï.

2 Thocculunukkia 2:3

Nokorronno okorronno opilin itti kwammikkot non llon lꞌrek aththik. Anaruk mpiꞌret itti caꞌri cen cakannao, puccuk aul ꞌrakat lon loKapik ana pul pouꞌru pinako nan aKapik okkwathok.

1 Poththuruc 4:7

Thocothakot tholon ncik appik thakko napuththut. Ittina occokothe ka kang papennang, accat kït cik aina akka aꞌra ngaꞌrama.

Thitto 1:11

apoꞌre pen iꞌrekat itti, “Okurrothe iatham lon ila ngkwaik pakathacce athïnthet mungkut imeꞌreꞌrapuruk moul ioccokothe lon loIeccuo. Othïnthet kin nokaꞌran kApuccuc ana nokaꞌran koCcimirna ana nokaꞌran koPerkkamuc ana nokaꞌran koThiaththira ana nokaꞌran koCcarthic ana nokaꞌran koPilathelppia ana nokaꞌran koLathukkia.”

Thitto 1:3

Okkwi ipakkakkaro lon elli ilerettat mpul ipernte lon loKapik kwethïetta, ana okkwion ithoccïkothe mono onekket nocïkït ilokurrakot nthethïetta, akka caꞌri cakko napuththut.

Thitto 10:4

Manakka thokuꞌrullo thokapik theret, mpokat cik anoccot kït cik itti mpakurro anaruk mpoccïkathe poꞌre ntothiꞌrot apiꞌre itti, “Unukkothe poꞌre pothokuꞌrullo thokapik ipeꞌreꞌrapuruk ngothunukkot aꞌrupu akorronno okurrot cik.”

Thitto 22:16

“Oun oIeccuo akkothïothe uꞌrupa wothothïlettat woKapik win atherenenon lon elli naꞌran woul ioccokothe lon loIeccuo. Oun Core ana thiki thoThauth, ana Cothot cothapa thorrot icallio.”

Thitto 22:18

Mpiꞌret ul appik lon lonthomat iaik waccïkot lon lotherente lon loKapik enni itti okkwi iparttothe lon lotte noꞌron elli, Kapik karttot nolon lothoꞌrarot cik ilerettathe iatham enni.

Thitto 22:20

Okkwi ipimmat lon elli ngkït piꞌret itti, “Amin. Mpaik panthan accokkot.” Ïï, aloka ïcat. Aꞌrik, Ili oIeccuo.

Thitto 22:7

“Nokkwo kunu ncik, mpaik panthan nomaꞌri motte. Okkwi ipoꞌrumot nolon ilerettathe iatham enni kwethïetta.”

Thitto 22:9

Anaruk kwiꞌrekathin itti, “Kirrnni okkot ittina, mpaik parekine Kapik ammakka oung ana opangkangon ul wothernte lon loKpaik ana ul ioꞌrumot nolon ilokurrakot iatham enni. Aꞌranet Kapik ngaꞌrama.”

Thitto 5:1

Ana mpimmakathe atham ioꞌremethekotherit ikkun wothothari wopul ipaik pikkoik noprrok wokurrakot nan nthoccul ana nthocarak ana wunnukkakothe ngaꞌra maꞌri meꞌreꞌrapuruk.